انت ام هو

بضعف بس منغير ما اعيط ولا ادمع حتى..
بسمة جريت عليا حضنتني جامد وهي بټعيط
محمد بصلي بحزن
البقاء لله يا هيام
بصتله ومردتش شوية وأهله جم وانا مشيت وقررت أقفل الصفحة دي نهائي من حياتي صفحة هشام وكرهي ليه وصفحة محمد وحبي ليه مش عايزة اكره حد ولا احب حد انا هعيش لبنتي بس
روحت بيتي لوعد وفهمتها ان باباها اتوفى.. عايزة بنتي تواجه كل مشاكل حياتها من وهي صغيرة متهربش منها ولا تنكر وجودها وهي طبعا مزعلتش اوي لأنها اصلا من الأول اني كنت كل فترة والتانية بفتكر محمد ڠصب عني وبرجع اجلد ذاتي وانهر نفسي على التفكير ده.. بس كنت حققت نجاح كويس في شغلي وغيرت حضانة وعد وديتها حضانة جنبنا لحد ما في يوم لقيت بسمة بتتصل عليا
بسمة ازيك يا هيام
ازيك يا بسمة
الحمد لله.. ايه انا مش واحشاكي ولا ايه
سكتت شوية وبعدين اتكلمت وحشتيني
انا عايزة اتكلم معاكي يا هيام انا سبتك خمس شهور تهدي فيهم
وقلت تبعدي شوية وتفصلي بس بجد انت
فاهمة كل حاجة غلط
مش عايزة اتكلم في اللي حصل لو سمحتي انا نسيت وسامحتكم من زمان بس مش عايزة حد يفكرني من فضلك
خلاص تعالي نتكلم ونتلم تاني ومش هفتح الموضوع ده معاكي خالص بس تعالي عشان انتي وحشتيني انتي و وعد
خلاص ماشي ربنا يسهل واجيلك بكرة
مستنياكي يا قلبي وهعملك بشاميل
ضحكت معاها وقفلت وڠصب عني افتكرت محمد بس بسرعة منعت نفسي افكر فيه
قلت لوعد اننا هنروح لبسمة وهي فرحت جدا
بعدها بيوم لبست انا ووعد ونزلنا رحنا لبسمة فتحت وحضنتني جامد وحضنت وعد وسند جه سلمت عليه وقعدنا مع بعض جه الليل وقررنا نطلب بيتزا ونعمل فشار ونسهر سوا
قعدنا شوية ولقينا الباب بيخبط قلنا اكيد الديليڤري قوموني انا طبعا اللي افتح..
فتحت الباب اتفاجئت ان مافيش حد وان في بوكس كبير نسبيا قدام الباب مكتوب عليه اسمي
استغربت مين اللي هيجيبلي بوكس زي ده والأغرب ... ليه جابهولي على بيت أختي !!
أنت_أم_هو
البارت التامن قبل الأخير أنت_أم_هو
البارت التاسع و الأخير 
اخدت البوكس ودخلته على أوضة سند وقعدت على السرير وفتحته لقيت فيه شوكولاتات كتير جدااا و ورد لونه تحفة وريحته حلوة جدا.. لقيت ورقة صغيرة فتحتها لقيت مكتوب فيها بخط الإيد قولي يا ناسيني .. إمتى هتجيني .. وآخدك في أحضاني وتحس بحنيني ... ! 
الجواب خطڤ قلبي لأني بحب عمرو دياب جدا بس فنفس الوقت استغربت مين ممكن يبعتلي حاجة زي دي وليه يبعتهالي على بيت أختي لحد ما عقلي بدأ يشتغل وافتكرت ... أيعقل !!!
دخلت بسمة وقربت مني وحضنتني اول مرة أشوفك فرحانة كده .. فرحيني معاكي
اديتلها البوكس والجواب قرإته وبصتلي بدموع وهي بتضحك بتفكري في اللي بفكر فيه
بصتلها وضحكت وقلنا
في نفس الوقت العوض !!
سبتها وطلعت دخلت المطبخ وانا بفكر... إزاي يعني مكانوش بيمثلوا هو وبسمة يعني هو فعلا بيحبني وعايزني طب ليه قالوا الكلام ده... مهو أكيد محمد اللي باعت البوكس !!
محمد بيحبك يا هيام
اټخضيت وبصتلها انت ايه اللي جابك هنا انا مش لسة سايباكي في الأوضة
ضحكت محمد بيحبك من ساعة ما جه سكن هنا كان بيتحجج بسيف عشان يشوفك ويكلمك .. انا اخدت بالي وقلتله انك احتمال ترجعي لطليقك بس طليقك وحش وانا مش عايزاكي ترجعيله قالي انا مستعد اعمل اي حاجة واساعدك تبعديها عنه قلتله بس ارجوك لو مش بتحبها بجد تبعد عنها خالص بس هو كان مصر وانا حسيت انه بيحبك بجد وشاريكي فمعترضتش لحد ما كلمتيني في يوم وقلتيلي انك مسامحة هشام وموافقة ترجعيله ساعتها كلمته واتقابلنا وقلتله وبرغم انه زعق واتعصب وقتها الا انه فضل متمسك بيكي وفضل يحاول معاكي بس يوم عيد الميلاد بوظ كل الخطط دي
طب وإيه اللي حصل
بعد ما هشام ماټ الله يرحمه كلمني تاني وقالي انه لسة بيحبك وعايزك بس انا قلتله يستنى شوية لحد ما تهدي عشان تعرفي تفكري
طب .... طب هو مش كان بيقولك انه هيخطب
لا ده كان بيقول كده عشان أبعد عنه وابطل اكلمه عنك
ابتسمت وبسمة حضنتني وقالتلي انه قالها لو سامحته انزل معاها انا ووعد وسند النادي اللي عملنا فيه عيد ميلاد وعد قبل كده
رحنا واول ما دخلنا لقينا المكان كله بلالين وورد وفي طرابيزة مليانة حاجات حلوة وتورتة شكلها حلو اوي
وانت كمان وحشتني اوي يا سيفو
سبته نزل راح لوعد يسلم عليها لقيت محمد جاي من نفس المكان اللي سيف جه منه
وقف قدامي وبص في عيني.. فضل ساكت شوية وبعدين اتكلم سيف قالي انك كنتي عايزة تعملي حفلة لما يرجع من السفر .. قلت أوفر عليكي وأعملها أنا وأهو بالمرة أصلح عيد ميلاد وعد اللي باظ قبل كده
ياااه انت لسة فاكر ده عدى عليه أكتر من خمس شهور
مقدرتش أنسى أي حاجة تخصك يا هيام
ضحكت باحراج وبصيت بعيد
تتجوزيني
قلبي دق جامد وبصيتله وبعدين بصيت الناحية التانية لقيت بسمة و سند و وعد و سيف بيقولولي بصوت عالي وافقي وافقي
ومرة واحدة لقيت سيف جري عليا وقالي وافقي بقي عشان تبقي مامي وخالو محمد يبقي بابي ووعد تبقى أختي
بصيتله بدموع وقلتله هوافق بس مش عشان كده بس
سيف أومال
عشان إيه
عشان أنا بحب خالو محمد وعايزة أكمل
حياتي معاه
محمد عينيه لمعت ومسك إيدي وقالي إنتي إيه
بدأنا الحفلة وأكلنا وهزرنا ولأول مرة أشوف وعد فرحانة وبتضحك كده
عدت الأيام واتجوزت محمد و كل يوم بحمد ربنا إنه عوضني بزوج وعوض بنتي بأب وأخ في نفس الوقت
تمت