المغسله أم أحمد
انت في الصفحة 1 من 6 صفحات
المغسلة
وقبل ما بدا حكايتي اعرفكم بنفسي انا أسمي ام أحمد عندي 50 سنة بشتغل مغسلة
والحمد لله انا معروفة في كار الشغلانة بتاعتي دي اني ست مفيش واحدة في امانتي كل الناس اللي اتعاملت معايا بتشهد بكده
وفي يوم الصبح بدري لقيت البت سناء بنت صابرين اللي بيتها علي اول الشارع بتخبط عليا وفتحت وقالت لي وهي بټعيط
المغسلة
صباح النور مالك يابت يا سناء ايه امك ماټت ولا ايه
سناء
الشړ بره وبعيد ياخالتي ام أحمد لا مش امي اللي ماټت دي خالتي صالحة ماټت في البلد ولسه يادوب الخبر واصل لأمي واكمن مفيش مغسلة في البلد فامي قالت لي اجي عشان ناخدك معانا هناك تغسليها
المغسلة
يافتاح ياعليم يا رزاق ياكريم وهي بلد امك دي بعيده اوي يابت عن هنا انتي عارفه انا عمري ماطلعت برة دايرتي دي
لا دي مش بعيده اوي ياخالتي دي قيمة ساعة زمن ونكون هناك وبعدين انتي قلقانة ليه هو احنا هنخطف ده انتي هتيجي معانا تعملي شغلك وبعدين هترجعي علطول وامي هتاخدك في عربيه ونفس العربيه هترجعك تاني
المغسلة
طيب روحي اسبقيني وانا هلبس هدومي وافطر احمد ابني واجي وراكي يلا يابت غوري
ومشيت سناء وبعد شوية رحت لهم على البيت وقولت يارب ياساتر ازيك صابرين البقاء لله ياختي شدي حيلك
الدوام لله يا ام احمد الشده على الله ياختي معلش يا ام احمد هتاخدك معانا لأجل تغسلي اختي اصل بلد بعيد عنك بلد فقر مفيهاش مغسله عدله فولادها وصوني اجيب لهم مغسله من هنا
المغسلة
ولا يهمك ياصابرين ربنا يصبرك ياختي المهم بس اروح المشوار معاكم وارجع بسرعه عشان انتي بيجي لي شغل هنا شغل هنا وكده
متقلقيش هي البلد مش بعيدة اوي ياحبيبتي يلا بينا
وسافرت مع صابرين وعيالها على بلدهم ودخلنا الدار بتاعتهم ونسوان كتيره قاعده وسمعت واحده بتقول للتانية
يلا اهي غارت في داهيه الله يكحمها مطرح مراحت ياختي دي كانت وليه سو
الست التانية ردت وقالت
ايوه الله ياختي دي اعوزو بالله منها كانت تروح مكان تقلبه خناق ونكد كانت بتاعت مشاكل انتي ناسيه انها قومت جوزي عليا وتقولو دي مراتك بتروح بتشحت من الناس من وراك
ايوه فعلا كانت تقوم بلدين في بعض يلا اهي راحت عند ربنا لما نشوف هتقابله ازاى وهاتقول لربنا ايه على اللي كانت بتعمله في الخلق
ولما سمعتهم رحت اقعد جنبهم وقولت لهم بصوت واطي
جرا ياوليه انتي وهي انتو قاعدين تقطعو في فروة الوليه وهي بين ايادي ربنا ماتتلمي ياوليه منك ليها بدال ماخلي ولادها يطردوكم بره
هو ايه ياختي ده هما بيطعلو امتى دول انتي مين ياختي وعايزة ايه مننا
المغسلة
انا ياختي جايه عشان اغسل الوليه اللي جوه دي سمعتكم وانتو قاعدين تتكلموا عليها فقولت اقولكم اتقو الله فيها هي دلوقتي بين ايد ربنا وعايزة اللي يترحم عليها
الست قالت
اصلك انتي متعرفيش الوليه دي وعمايلها دي ياما خربت بيوت ناس حدانا هنا في البلد ومكنتش بتسيب حد في حاله الا لما تعمله مشكلة
المغسلة
اعوزو بالله طيب برضو ياجماعة انتو ميصحش تقولو عليها كده الست برضو دلوقتي في مكان تاني والمفروض اننا نترحم عليها فاذكروها بالرحمة معلش ده ربنا بيسامح المفروض احنا كمان نسامح
وسبتهم ودخلت على المتوفيه وقولت السلام عليكم ردت الست اللي كانت واقفه عشان تساعدني وقالت
وعليكم السلام ورحمة الله انتي اللي هتغسليها
المغسلة
ايوه ياختي محسوبتك ام احمد لامؤاخذه انتي تقربي لها ايه...
ابتسام
انا ابتسام مرات ابنها
المغسلة
اااه مرات ابنها وياتري
