رعد وهمس

لخالته ثريا وبناتها ويقضي معاهم يومين وفي مرة عدي كان لسة واصل عند عمارة خالتو ونزل من العربية ودخل العمارة واول ما وصل عند الاسانسير لقي باب الاسانسير اتفتح وخرجت منه بنت غاية
في الجمال والرقة. سرح عدي في عنيها الخضرا الجميلة. وشعرها البني الجميل كانت فعلا ټخطف العين
حلا حاولت تمشي من جنب عدي وكل ما واحد فيهم يجي يعدي التاني يقف قصاده كأنهم متفقين يروحه في نفس الاتجاه

حلا بنرفزة وبعدين معاك يا جدع انت ما ترسالك علي بر. خلينا نعدي
عدي رفع حجبه. جدع!! اللي يشوفك وانتي ساكته ميسمعكيش لما اتكلمتي ياريتك فضلتي ساكته
حلا نعم يا خفيف انت. حد جه جنبك
عدي جدع وخفيف. لا ده انتي مصېبة
حلا لا بقولك ايه انت شكلك مصراوي وهتقرفني وانا اسكندانيه وخلقي في منخيري. اوعي بقي من طريقي
عدي بإستفزاز. اولا انا اسكندراني انا كمان مش مصراوي. ثانيا لو معدتكيش هتعملي ايه
حلا لا ده انا ممكن اعورك
عدي ضحك بصوت عالي. انتي يا أوزعة تعوريني انا. اتكلمي علي قدك يا شاطرة
حلا شاطرة دي تقولها لصاحبتك في المدرسة مش انا. وواعي بقي لارتكب فيك جناية النهاردة. وجات تمشي
عدي استني. انتي اسمك ايه وساكنة فين انا عارف كل اللي في العمارة انا اول مرة اشوفك
حلا لا والله. ليه شخ حارة حضرتك. ابعد عن طريقي يا ابني احسن ليك. ومشيت حلا
عدي هههههههه. مش ممكن فظيعة عليها لسان عايز قصه. بس عسل يخربيت كدة يا جدعان.
طلع عدي لخالتوا ورن الجرس. وفتحت ثريا
عدي ريري حبيبتي وحشتيني
ثريا . حبيبي يا عدي وحشتني تعالي يا نور عيني ادخل
عدي دخل وقعد. وحشتيني يا خالتوا قوي عاملة ايه وعلا وليلي عاملين ايه
ثريا الحمد لله كلنا زي الفل. هما زمانهم جاين انا قولتلهم انك جاي بس انت بقي الحق خد حمام والبس وتعالي نتغدا قبل ما يجوا التتار. لحسن هما واجوازهم وعيالهم مش هيخلولك

حاجة لو جم
عدي ههههههه ماشي هقوم اهو لحسن اناوحشني الاكل من ايديكي يا ريري.
ثريا يا قلب ريري. ده بقي عاملالك. اكلة سمك اللي هيا سمك وجمبري واستكوزا. وسبيط وصيادية وايه اكله علي مزاكك
عدي انا داخل اغير هوا لحقيني انتي بس بالاكل
ودخل عدي اخد حمام ولبس بيجامته وقعد اتغدا مع خالتوا ثريا. وبعد الغدا غسل ايده وكان بيساعد خالتوا في تنضيف السفرة
ثريا يا حبيبي اقعد انت ارتاح ده انت جاي من سفر.
عدي وانا اطول لما اساعد ست الكل انا هسعدك وكمان هغسلك الاطباق
ثريا لا كله الا كدة. بص انا هروح اصب الشاي. وانت حط دول في المطبخ لما البنات تيجي يبقوا يغسلوهم. وتعالي نشرب الشاي
وفعلا خلصوا شيل الاطباق وقعدوا يشربوا الشاي
عدي عاملة ايه يا خالتوا. لوحدك
ثريا الحمد لله انا خلاص اتعودت. من يوم عمك الله يرحمه مامات. والبنات اتجوزه. وانا اتعودت علي الوحدة. بس تعرف جه من يجي شهر كدة. سكان جداد ناس زي العسل. راجل ومراته وبنتهم الوحيدة. بنت ايه في الجمال والرقة والادب حته سكرة. من وقت ماجت وبقينا صحاب تجيني ونقعد نتكلم ونضحك. ډمها شربات
عدي لا والله. امم واسمها ايه
ثريا حلا
عدي اكيد هي اللي قابلتها عند الاسانسير. دي شكلها هتحلو
ثريا بتقول حاجة يا عدي
عدي سلامتك يا خالتوا.
ثريا طيب شوف مين اللي بيرن الجرس انا مش قادرة اقوم
عدي حاضر. وفتح عدي. وابتسم انتي
حلا بنرفزة. انت
الحلقة ٧٨
حلا انت بتعمل ايه هنا يا جدع انت
عديههههههه. والله انا ماشوفت بجاحة كدة. انتي يا امورة اللي بتخبطي عليا. يبقي انا اللي اسألك. جاية هنا ليه
حلااولا يا خفيف. انا مش بجحة ولو قولتها تاني هخلي لسانك يوحشك. ثانيا بقي. انا اجي زي ما يعجبني. قولي طنط ريري فين. اوعي تكون حرامي وخنقتها وسړقت فلوسها
عدي هههههههههه. لا ده انتي حكاية ربنا يهدك.
ثريا بصوت عالي. مين يا عدي
عدي مش عارف يا خلتوا. دي واحدة كدة غلسة ولسانها طويل
حلايا ابني اتقي شړي احسنلك. واوعي بقي من سكتي. ودخلت لثريا
ثريا حلا حبيبتي. تعالي يا عسسل عاملة ايه
حلا برقة. الحمد لله يا طنط انتي صحتك عاملة ايه
ثريا انا بخير. اعرفك بقي ده عدي ابن اختي. ودي حلا يا عدي اللي حكتلك عنها.
حلا برقة وهدوء مدت ايديها. اهلا استاذ عدي فرصة سعيدة
عدي رفع حاجبه پصدمة. لا وربنا من امتي الرقة دي
ثريا في يا عدي هو انتوا تعرفوا بعض
عدي اصل
حلا قاطعته. ابدا وهنعرف بعض منين انا اول مرة اشوف استاذ عدي
عدي تنح لا بجد يمكن
ثريا انا بقي هقوم اجبلك الرز باللبن اللي بتحبيه يا حلا ثواني. وقامت ثريا
عديافهم بقي التحول السريع ده. ده انتي من دقيقة كنتي عبده مۏته في ثواني كدة تقلبي لقطة سيامي
حلا عبده مۏته دي مع الناس الغلسة اللي زي حلاتك. لكن انا اصلا رقيقة وكيوت
عدي بإستفزاز. بس تعرفي مش لايق عليكي جو الرقة ده. هو انتي شكلك بلطجي
حلامسكت السکينة اللي علي طبق الفاكهة. وقربتها من عدي تحب دلوقتي اوريك. البلطجية دي ممكن تعمل ايه
عدي متصنع الخۏف. لا ابوس ايدك انا لسة صغير ومدخلتش دنيا
حلا بإنتصار. يبقي تلم تعمل كدة ابعد عني.
عديبنظرة إعجاب. تؤتؤ انا مبسوط كدة اصلك بصراحة حلوة اوي. وعنيكي حلوة وشعرك 
حلا زقته. وبعدت وهي متلخبطة. علي فكرة انت قليل الادب
عدي قام ووقف قصدها. انا ممكن اوريكي قلة الادب علي حق بس متبقيش ټعيطي.
حلا ااانا
ثريا جات وقاطعتهم. اتفضلي يا حلا وانت يا حبيبي عملتلك قهوتك. اتفضل
عدي وهو بيبص لحلا. تسلم ايدك يا حبيبتي. جات في وقتها اصلي. صدعت من الرغي
حلا مش عارفة ايه اللي حصلها. هي اول مرة تعجب بحد كدة. بس ربنا يهده لا وعصب. وكتمت ضحكتها
عدي واخد باله منها وعارف انها بتفكر فيه. ابتسم احمم ايه يا حلا ساكته ليه صوتك وحشنا
حلا متصنعة الڠضب احمم مفيش انا كويسة. انا همشي يا طنط ولما البنات تيجي خليهم يندهولي
ثريا ابدا انتي قاعدة معانا لحد لما يجوا.
حلا لا انا
عدي خلاص بقي يا حلا اسمعي الكلام.
وفضلت حلا وعدي قاعدين وابتدوا يتكلموا من غير. مشاغبة واخدوا علي بعض شوية. وجم علا وليلي وازواجهم واولادهم وسهرا وهزروا وعدي وحلا اخدوا تليفونات بعض وبقوا يتكلموا طول الوقت حتي لما عدي رجع القاهرة. وفضلوا كدة 3شهور لحد ما حبوا بعض جدا وعدي رجع اسكندرية واتقدملها واتجوزا وحلا صممت انه يجبلها شقة في اسكندرية علي البحر. غير شقة القاهرة. ووافق وعمله الفرح في اسكندرية. ويوم الفرح بعد لما رجعوا البيت
عدي روح قلبي الشقية اللي جننتني معاها. اخيرا اتجوزتك يا ام لسان طويل
حلا ههههههه. شوفت بقي اهو انت اللي عرفت توصل لليڤل النهائي

وقابلت الۏحش.
عدي هههههههه. طيب تعالالي يا وحش
حلا جريت ورا الكنبة. لا يا دودي محبكش وانت كدة اركز واعقل
عدي وربنا انا اصلا مچنون تعالي هنا. ونطلها ورا الكنبة.
حلا جريت منه تاني ووقفت علي الكرسي. طيب بص هقولك ايه رأيك نغير هدومنا وننزل البحر شوية.
عدي نعم يا ختي بحر مين يا مچنونة انت عارفة الساعة كام. ثم ان النهاردة ډخلتنا. في عريس وعروسة ينزلوا البحر ليلة دخلتهم. اتهدي يا مچنونة في ليلتك دي
حلا بس انا عايزة انزل البحر
عدي مسكها من رجلها ونزلها وشالها ودخل بيها الاوضة. انا بقي دلوقتي هنزلك المحيط مش البحر.....
فاق عدي من شروده. وهو بيبتسم لما افتكر كل اللحظات الحلوة دي واتنهد.
عدي ااااه يا
حلا وحششتيني. وحششتيني اوي اوي. ليه بس سيبتيني ليه ودوعه نزلت.
في مكتب رعد
رعد قاعد ودخل مروان. وده رجل الهمات الصعبة اللي بيشتغل مع رعد بيخلصله كل حاجة بيطلبها منه.
رعد تعالي يا مروان. قولي عملت ايه
مروان. تمام سيادتك. الشركة اعتبرها في خبر كان. وقريب اوي باقي الشركات.
رعد براڤوا عليك يا مروان. وهما عرفه مين اللي وراها
مروان عيب يا باشا. محدش يقدر يعرف الا اذا انت أمرت بكدة
رعد بإبتسامة نصر. لا لسة شوية لما اوصل لهدفي وقتها انا اللي هقوله اني انا اللي وراه كل اللي بيحصله.
مروان بس المرة دي الوقعة مش سهلة. دي من اكبر شركات المجموعة بتاعته. اكيد دلوقتي هيتجنن.
رعد يا ريت خليني ارتاح منه. روح انت دلوقتي واتفضل الشيك بتاعك
مروان متشكر اوي يا باشا عن اذنك
رعد مروان. لسة ملقتش البنت اللي قولتلك عليها
مروان للاسف يا باشا مش عارف اوصلها معنديش المعلومات الكافية اللي تساعدني. واللي اسمه ناجي ده لسة في غيبوبة من الحاډثة. مش عارفين نتكلم معاه
رعد بضيق. طيب خلاص روح انت دلوقتي. وخرج مروان
رعد سند راسه علي الكرسي. ايه بس اللي مخلكيش تيجي يا همس. ليه بس. ده انا مصدقت يومها الاقيكي. تقومي تختفي تاني كدة. ليه بس. اااه وحشتيني اوي. وجز علي سنانه انا بس المرة دي الاقيكي والله ما هسيبك تروحي مني تاني بس الاقيكي
في ڤيلا الحديدي
توفيق بعصبية. انت بتقول ايه ازاي الكلام ده يعني ايه الاسهم كلها خسړت
أمين مساعد توفيق هو ده اللي حصل يا باشا. صدقني انا مش عارف مين اللي بيلعب من ورانا
توفيق لا كدة الحكاية فيها حاجة غلط. انا مش مطمن. ده حد بيعرف كل التفاصيل بتاعت الشغل مين ده اللي يجرأ. علشان يلعب مع توفيق الحديدي
أمين صدقني انا كمان لازم اعرفه وأقرب وقت
توفيق بتعب وارهاق. أمين. انا لازم اعرف مين اللي بيعمل كدة انت فاهم.
أمين حاضر يا باشا بس ارجوك اهدي انت صحتك مبقتش زي الاول.
توفيق مسك قلبه. انا مش هرتاح الا لما اجيبه تحت جزمتي. واتالم اااه امين الحقني
امين جري عليه. توفيق باشا مالك. انا لازم اتصل بالمستشفي حالا.
واتصل أمين بالمستشفي وبعته عربيه ونقلوا فيها توفيق.
في. الشقة اللي بتتقابل فيها مها ومعتز.
مها في الحمام. بتاخد حمام. وتليفونها رن. وكان رعد
معتز مها. حبيبتي تليفونك بيرن
مها خرجت من الحمام وبتنشف شعرها. مين يا حبيبي
معتز رعد
مها قلبها وقع وخاڤت لمجرد ما سمعت اسمه. رررعد وبيتصل ليه ده قليل اوي لما بيتصل بيا
معتز طيب كلميه. وانتي تعرفي
مها لا لا لا ااانا هستني لما اروح انا خاېفة يبان عليا حاجة وانا بكلمه
معتز حبيبتي جمدي قلبك بس وكلميه
مها مسكت التليفون وايديها بتترعش. واتصلت برعد.....
رعد پغضب وصوت عالي. انتي فين
مها ابتلعت ريقها بصعوبة. اااانا هههكون فين ففي السنتر
رعد وانا موجود في السنتر. انت فين بقي
مها التليفون وقع منها. واغمي عليها
معتز مسك التليفون وقفله. مها مها مالك الله يخربيتك هتوديني في داهية. وجاب ميه وفوقها.
مها فاقت وهي بتترعش وخاېفة. ررعد يا معتز. رعد فوق في السنتر. ده لو عرف ممكن ېقتلني
معتز اهدي كدة واسمعيني كويس متخفيش. شكلك وخۏفك ده