احببت مېت

انتى البت المسطوله اللى كنت هفرمها بالعربيه قولتله.. انا كنت شاكه انك قلېل الزوق بس دلوقت اتأكدت 
بصلى ف عينى اوى حسيت قلبي اتخلع من مكانه وحسيت ب شعور غريب ولقيته ابتسم وقال
انا مش هرد عليكى علشان اثبتلك مين فينا اللى قلېل الزوق 
وقالى لو سمحتى احذفي صورتى
قولتله انا مصورتش اصلا انت فاكر نفسك مهم
وسبته ورجعت مكاني 
صحابي استغربوني جدا خصوصا ان دي اول مرة اعمل حاجه زي دي واكون جريئة كدا مع حد 
عدينا اليوم وهو مبيروحش من بالى لقيت نفسي بتصل بصاحب الكافيه هو عارفنى وبعتبرة زى اخويا وبنسأل على بعض دايما
قولتله فاكر اللى كان قاعد جنبنا قالى اللى انتي اټخانقتي معاه
استغربت وقولتله انت عرفت ازاى 
قالى هو قالى 
استغربت وقولتله .قالك اى!
قالى .هو بعد م انتو مشيتو ندهلى وسألني عليكي قولتله سأل عليا ومن جوايا قلبي بيرقص من الفرحه قولتله هو مين دا اصلا 
قالى .. حد ميعرفش كريم ابو الفتح
قولتله اه انا عادى يعنى مين هو 
قالى دا من اهم رجال الاعمال ف البلد 
قولتله تمااام اعرف اوصله ازاى استاذ كريم دا 
قالى هو رقمه معايا بيحتاج مني مصالح احيانا اخلصهاله لقيت نفسي بدون تفكير بقوله هات الرقم 
هو استغرب وقلق قالى في اى ناويه على ايه 
قولتله ولا حاجه هتصل بيه اعتذرله لانى كنت أوڤر معاه 
قالى تمام وادانى الرقم 
بعتله رساله وبعتله صورته قولتله اصل انا بحب التصوير اوى ولما بلاقي حاجه شكلها مش طبيعى بصورها 
استنيته يرد عدى يوم واتنين وفقدت الامل انو يشوف الرساله او يرد ف يوم منت لسه هروح ف النوم لقيته باعت رساله بيقولى واى اللى مش طبيعى فيا يالمضه 
وباعت ايموچى بيضحك
رديت عليه قولتله كل حاجه بصراحه 
قالى طيب كويس اخيرا لقيت حد بيقول فيا نفس رأيي ف نفسي كل اللى حواليا بيقولولى انى طبيعى وزى الفل حاسس بملل وانتى كسرتيه برأيك بصراحه 
رديت عليه ب استغراب واعجاب قولتله ياه ع التواضع
قالى اشكرك 
وفضلنا نتكلم وننكش ف بعض لحد الفجر وقفلنا واحنا مستلطفين بعض واتصالحنا 
عدى يوم واسبوع وشهر هو محاولش يكلمنى تانى وانا کرامتى مسمحتليش انى ابعتله تانى 
ف يوم وانا قاعدة مع ماما لقيت رقم غريب بيرن برد 
الو ..
كريم.. ازيك
انا.. تمام مين معايا 
كريم.. اللى مش طبيعى معاكى 
انا قلبي نط من مكانه من فرحتى لما عرفت ان هو وجريت دخلت ع اوضتى 
هو الووو سمعانى
انا ايوا سمعاك انت عامل ايه فينك
كريم... انا بخير بس كنت مسافر ف شغل 
انا .. حمدالله ع سلامتك انا قولت انك مټ ولا حاجه
كريم بصوت ضحكه عليه تصدقي انا كمان فكرتك مټي 
انا ضحكت وقولتله طب مش كنت تيجى تعزي فيا
قالى م انتى معزتيش فيا وضحكنا احنا الاتنين 
رجعنا تانى نتكلم كل ساعه وكل يوم عرفني كل حاجه عنه وانا كمان عرفت كل حاجه عنه