كنت مخطوبة
انت في الصفحة 1 من صفحتين
مخطوبه بقالي سنه و شهور والمفروض كان فرحي ف شهر 1 الجاي
طبعا مفيش غيري انا وماما وبحكم ده كنت مانعه الزيارات إلا ف حضور اهله
وخصوصا اخته كنت بفضل إنها تيجي معاه
لاننا ف ريف والناس مبتبطلش كلام ولأني الحمد لله ملتزمه.
طبعا عندنا العروسه عليها نص الجهاز بتاع الشقه وكنا متفقين إن اللي يقدر عليه كل واحد يجيبه
واحنا كمان مفيش غير معاش بابا وشغلي وانا م قبل خطوبتي بسنه بجهز ف حاجتي!
جه هو م اسبوع وقال مش هكتب قايمه ف بقوله ازاي
قالي كده قولتله لا محتاجه مبرر صريح عشان اعرف اتناقش معاك!
قالي مفيش سبب واضح بس انا رافض الفكره
قولتله وانت اكتشفت ده دلوقتي ماحنا كنا متفقين وقت قراة الفاتحه ايه اللي غير رأيك
قولتله م ناحية إيه
قالي كل حاجه.
قولتله مبدأيا مفيش راجل بيتفق وبيخلف اتفاقه ولا انا طلبت حاجه فوق طاقتك بالعكس ميسره عليك كل حاجه
وقولتلك اللي تقدر عليه جيبه حتى وقت الشبكه قولتلك اللي معاك هنجيب بيه
ومكنش قلة تقدير لنفسي بس عشان عارفه انك بطولك ف مكنتش حابه اشيلك فوق طاقتك
وعشان انا كان تفكيري كله اني محتاجه حد يصوني ويحفطني مش يقيمني بمال
قولتله لا تزعل لما يبقي ف اتفاق وانا يطلع عيني ليل ونهار ومنمش م التفكير وجمعيه هنا وجمعيه هناك
واقساط قطمت ضهرنا وتقولي ده حقي اومال حقي انا فين
انا لا طالبه دهب يتكتب باكتر م اللي نتفق عليه ويرضينا ولا ف دماغي عفشك يتكتب ف قايمتي
لاني مش مخونه
ولان نيتي خير وشاريه بس واضح انك لا حد لاعب ف دماغك
قالي بالعكس وسكت
حبيت اجس نبضه وقولتله خلاص اشتري جهازي اللي جبته واديني اللي دفعته فيه وكمل اقساطه
قالي وانا ذنبي ايه ف الأقساط والزياده
قولتله وانا ذنبي ايه انك رجعت ف كلامك ومكنتش قد اتفاقك والمفروض ابل الجهاز ده واشرب مايته
قولتله تيسيري وتسهيلي ليك ف كل حاجه مش استهوان مني ف حقي
انا كنت بقدرك فيه عشان بفهم ف الأصول وعيني شبعانه وانت بتحاول تستغل ده دلوقت بقلة تقدير منك ليا
قالي اللي عندي قولته
قولتله وانا مش موافقه عليه اللي ميصونش تقديري له ويحفظ الجميل ويشوف ده بصوره عكسيه يبقي ملوش تقدير عندي بعد كده ف اي
