حماتي عشان الفلوس

على باب الله ولسه عندنا أخواتها صغيرين ربنا يعينه عليهم
ماجدة
ياست هيام احنا عمرنا مانيجي عليكم وبعدين دي هتعيش معانا في البيت وهتبقا بنتي التانيه دي لو جبتولها شوية حاجات في شقتها مش هنقول حاجة
ومشيت ماجدة من عندنا وسمعت ميرفت بتقول لبابا
بقولك ايه يا فوزي الست قالت عايزاها بشنطة هدومها يعنى ياخويا بركة انها جات منها

فوزي
انتي ياولية اټجننتي في عقلك عايزاني اطلع بنتي بشنطة هدومها عايزة الناس تاكل وشي ويقولو فوزي مش عارف يجهز بنته البكرية
ميرفت
انا الحق عليا على كفاية على قرشك انت عارف عشان تجهزها هتصرف قد ايه
فوزي
ملكيش انتي دعوة كل حاجة تيجي برزقها
ولقيت بابا دخل عندي وقالي
ها ياهيام ايه رايك يابنتي موافقه على العريس
هيام 
هو لسه شوفتة يابابا على العموم اللي انت عايزه انا موافقه عليه طالما شايف انه هيبقي عريس كويس خلاص
فوزي 
مانتي يابت شوفتي صورتة مع الحجة امه وبعدين انا سألت عليهم وعرفت انهم ناس كويسين
هيام 
خلاص تمام اللي انت عايزة
فوزي 
يبقا على بركة الله هرد الست واقولها اننا موافقين 
وفعلا بعدها بابا لقيته جاي يقولي ان العريس قابلة واتفق معاه انهم يجوا يخطبوني وحصل واتخطبت لسعيد وفضلنا فترة مش كبيره مخطوبين بس الغريبة انه كل لما كان بيجي يزروني يجيب امه معاه وعدت الايام واتجوزنا في الشقة اللي فوق حماتي ولقيتها بعد مخلصنا الفرح طلعت وقالتلي
ماجدة 
مبروك ياعروسة نورتي بيتنا انا عايزاكي تحطي سعيد في عنيكي وتخلي بالك منه ومتخليش حد يعرف أي حاجة عن بيتنا عشان احنا طول عمرنا في الحتة هنا في حالنا محدش يعرف عننا حاجة فاهمة
هيام 
حاضر ياحماتي انا عمري ماطلع أسرار بيتنا برة
ماجدة 
شاطرة ياهيام يلا اسيبكم انا بقا 
وحماتي نزلت تحت
ولقيت سعيد بيقولي 
مبروك ياعروسة ادخلي غيري هدومك وبعدها دخلت انا وسعيد
كان أول اسبوع في الجواز الدنيا جميلة وسعيد وامه كويسين معايا ومكنتش بنزل عند حماتي لسه 
وفي يوم لقيت سعيد داخل يقولي 
هو انتي هتفضلي عاملة فيها عروسة كده كتير ياهيام مش ناوية تنزلي تحت عند امي
هيام 
ماهي مقالتش انها عايزاني تحت ياسعيد هي يعنى لو كانت قالت كنت هرفض دنا يعتبرها زي امي
سعيد 
ماهي كانت فاكراكي بتحسي وهتنزلي لوحدك من غير ماتطلب منك اسمعي ياهيام انا عندي الدنيا كلها في كفة وامي في كفة لوحدها
هيام 
حاضر ياسعيد هنزلها واعملها اللي هي عايزاة 
ونزلت عند حماتي وكنت بشتغل ليل نهار لقيتها متفرقش حاجة عن ميرفت مرات ابويا زي الشخصية ويمكن أصعب 
ولقيت سحر اخت الي متجوزة قريب مننا بس كانت بتيجي كل يوم تقعد مع امها 
وفي كانت قاعده مع حماتي وبتقولي 
سحر 
ماتقومي يا مرات اخويا تعمليلي كوباية شاي الا دماغي ھتنفجر من الصداع
هيام 
حاضر ياسحر من عنيا 
ودخلت المطبخ لقيتها بتقولها 
البت دي شاطرة اوي ياما دي مخليه البيت يبرق من النضافة متخليها تيجي تنضفلي البيت انتي عارفه ان الحمل