رواية رايات العشق بقلم فاطمة الالفى

المجاور لها .
صدح مكبر الصوت معلنا عن آذان المغرب ليلتقط الجميع كوب العصير وقبل ان يرتشف يهمس كل منهما بدعاء الإفطار .
اللهم لك صومت وعلى رزقك افطرت ذهب الظما وابتلت العروق وثبت الاجر ان شاء الله  
وبدءو فى تناول افطارهم بجو اسري سعيد ....
اما على جانب اخر بداخل منزل حاتم خطاب .
انسابت دموعها شوقا لابنائها قبل ان تتناول الطعام ليربت زوجها على كفها بحنان 
صلي على النبي كده يا فريده وافطري يا حبيبتي الولاد بكره هيفطروا عندك وانهارده مع عيلتهم مافيهاش حاجه يا قلبي 
همس عمر بمشاكسه هو أنا وعلى مش كفايه يا ماما ولا ايه 

ضحك على وهو ينظر لوالدته ماما عندها حق احنا شكلنا يسد النفس 
لتبتسم له بحنان لا ياقلبي أنتو نور عنيه ووجودكم مفرحني ومصبرني على غياب اخواتكم ربنا مايحرمني منكم يارب
بمنزل اسامه الاباصيري..
جلس رامي يتناول افطار اول يوم برمضان بجو عائلي محبب للجميع فاصبح ينتمي إليها بعدما تزوج من ابنتهم واصبح فردا من هذه العائله القريبه من القلب المترابطه واصطحب الصغيرتين معه ليحظو بهذا الجو اللذين افتقدو بعد وفاه والديهم ..
مرت لحظات من السعاده والبهجه والمرح على الجميع بهذا اليوم السعيد بدايه الشهر الكريم بالروحانيات والنفحات الايمانيه فبعد تناولوا افطارهم توجهو الى المسجد للاستعداد لصلاه التهجد ...
بعدما عاد عاصي برفقه الشباب من صلاه التهجد وجد ايسل تعد له صحن من الكنافه التى اعدتها بنفسها بعدما علمت طريقتها من اجين .
التقط من يديها الصحن وهو يبتسم لها بحب تسلم ايدك يا حبيبتي 
جلست جانبه تطلع اليه برقه تنتظر رأيه بعد ما تذوق صنع يدها علم ما يدور بداخلها عندما التقت اعينهم ليرسل إليها غمزة مشاكسه 
احنا فى رمضان بلاش النظرات دي 
توردت وجنتيها بحمره الخجل وابعدت مقلتيها عن النظر اليه ليترك عاصي الصحن اعلى المنضده ويقترب يجلس بجانب مقعدها ويرفع وجهها البريء ويهمس بصوته العذب 
انا بحبك اوي على فكره وبهزر معاكي يا روح قلبي بلاش الكسوف ده بقى 
ابتسمت برقه وعادت تنظر له بحب أنا كمان بحبك والله 
طب مش ان الاوان نتجوز احنا كمان ونستقر فى بيت يلمنا ده أنا بقيت غلبان بعد سفر بابا وماما يرضيكي افطر كل يوم فى بيت لا ومش بس كده ده أنا هروح انام لوحدي 
ضحكت برقه أعمل أنا ايه يعنى مش عمو وطنط مسافرين يعملو عمره أكيد مش هيتاخرو عليك وبعدين انت كبير مش صغير هتخاف من الوحده 
ده بدل ماتقولي خلاص يا حبيبي هاجى ابات معاك واونس وحدتك انتي مراتي على فكره واقدر استاذن والدك وتيجي معايا من دلوقتي 
جحظت عيناها پصدمه من عدم تصديقه 
اقترب اسر فى ذلك الوقت ليؤمي براسه على حديث عاصي وهو ينظر لشقيقته 
ايسل عاصي بيتكلم صح لو حابب ياخدك من دلوقتي تعيشي معاه هيستاذن بابا طبعا وبعدها من حقه تكوني فى بيته 
تبادلت النظرات بينهم بعدم استيعاب بدون موافقتي لا يجوز 
ضحك عاصي بقوه بس لو ولي امرك وافق ممكن اخطفك عادي بدون رغبتك مافيش أي مشكله عندي 
ضحك اسر هو الاخر على كلمات عاصي لتقف ايسل عن مقعدها پغضب وهمت بترك الصالون لينظر اسر الى عاصي 
الحق دي زعلت صالحها انت بقى 
نهض عاصى ليلحق بها كله منك انت جيت فصلتنا يا اخي 
بحث عنها علم بوجودها امام حوض السباحه تنظر للمياه بشرود ليقترب منها بهدوء ويقف خلفها يهمس بصوته الدافئ
اللى بيحب حد بيتمنى يعيش معاه كل لحظه من عمره وبيتمنى يعيش عمرين على عمره وهو جوه قلبه وفى حضنه بينتظر بس يقضي كل وقته معاه ويشاركه كل حاجه تفاصيل يومه وتفاصيل حياته ونتقاسم يومنا مع بعض انا بحبك ونفسي تنوري مملكتك من اللحظه دي بس أكيد بعلمك وباختيارك وبقرارك أنني ماعنديش مانع انتظرك عمري كله ومن غير ما اكل ولا امل 
دارت تنظر لمقلتيه بحب أنا كمان نفسي أكون جنبك ومعاك واشاركك كل لحظه فى حياتك لكن للأسف دلوقتي مش مستعده 
وهو يتأمل سحر عيناهها الفيروزي عايز امحي اي خوف جواكي 
عانقتها بقوه ليشدد هو فى ضمتها لصدره ويمسد على حجابها بحنان وهو يهمس بصوته الحاني وأنا جنبك ومعاكي هنعدي ابعدها عن احضانه ليتطلع لهيئتها الساحره بالحجاب 
قوليلى بقى الحجاب ده دايم ولا عشان رمضان بس 
ابتسمت برقه لا طبعا ده على طول كانت خطوه نقصاني من زمان ولم قررت انفذها حصل اللى حصل بس حسيت انها رسالة من ربنا ان مااجلش اى حاجه وأقول لسه هعملها بس بعدين ده فرض وربنا امرنا بيه وأنا الحمد لله مقتنعه بيه وحباه جدا ومش ناويه أتخلى عنه مهما كان 
قبل جبينها بحنان ربنا يثبتك يا حبيبتي على طاعته وينور طريقك وبصيرتك ونتلم فى بيت واحد بقى هههه
ابتسمت له برقه اوعدك بعد رمضان نقرر الخطوه الجايه فى حياتنا 
يا مسهل يارب يبقى يوم العيد نعمل الزفاف