كوز العسل

وبقي شكلها جميل كأنها لسه بنت ٢٠ سنة !!
هدير اتغاظت وقالتلي انا مليش دعوة انا عاوزة اروح للكوافير زيها .
نعمة قالتلي ده انت لسه مش شوفت حاجة !!
كل ده ومش شوفت حاجة !!
تعالي اوريك .
ودخلنا الاوضة وهدير بره ھتموت من الغيظ !!!
نعمة غير وشها وشعرها كانت وشمه علي جسمها كأنها عروسة جديدة !!!
ورغم اني كنت في غاية السعادة وحسيت ان نعمة صغرت اكتر من عشر سنين لكن كانت هدير واخده كل طاقتي تقريبا ومش عارف هتصرف ازاي الليلة دي !!!
وبعد العشا نعمة دخلت تعمل الشاي ونادت عليا !!
دخلت اشوفها عاوزة اي كانت مجهزة رغيف جمبري جامبو !!!

اي ده يا نعمة  
كل يا حبيبي بألف هنا علي قلبك .
جبتي ده منين وليه ما العشا موجود !!!
جبتهولك وانا راجعة علشان تتغدا كويس كل يا حبيبي بألف هنا .
أكلت لحد ما حسيت بتخمة من كتر الاكل .
كان لسه حمدي مش رجع من شغله و هدير دخلت اوضتها وانا ونعمة دخلنا اوضتنا .
قولت لنعمة انا هنام ساعة علشان الاكل كبس علي نفسي ..
نعم يا حبيبي !!! نوم اي !!! مفيش نوم الليلة .
يا روحي هي ساعة هنام وابقي صحيني .
لو نمت مش هعرف اصحيك وهتفضل نايم للصبح !!!
وطبعا رغم كل محاولاتي اني انام ولو حتي ساعة واحدة لكن نعمة رفضت نهائي .
وفي نص الليل تقريبا خرجت من الاوضة ادخل الحمام شوفت منظر خلاني اقف في مكاني !!!
اتفاجئت بحمدي وهدير واقفين بيتكلموا بصوت مش واضح !!!!! 
اول لما خرجت ارتبكوا وحمدي قال

الحلقة ٧
وفي نص الليل تقريبا خرجت من الاوضة ادخل الحمام شوفت منظر خلاني اقف في مكاني !!!
اتفاجئت بحمدي وهدير واقفين بيتكلموا بصوت مش واضح !!!!! 
اول لما خرجت ارتبكوا وحمدي قال لها طيب خلاص شكرا .
سألته في اي يا حمدي بتقول لمرات ابوك شكرا علي اي  
مفيش يابا كنت بسألها عن العشا علشان راجع جعان من بره ولسه مش اكلت هي امي فين يابا  
امك نايمة جوه من بدري انت اي اللي اخرك لدلوقتي بره البيت  
كنت قاعد شوية مع اصحابي .
بلاش تتأخر بره كده تاني و لما ترجع متأخر بلاش تصحي مرات ابوك علشان تعشيك هي مهما كانت مش امك . ابقي جهز لنفسك العشا لو امك نايمه .
انا كنت بسألها بس يابا وكنت هسخن واحضر الاكل لنفسي .
ماشي يا حمدي وانا بردو بقولك تعمل حسابك بعد كده .
حاضر يابا .
دخلت ورا هدير اوضتها راحت نعمة بتقولي رايح فين يا ربيع 
دقتين وجاي .
هدير دخلت تنام قولتلها هو حمدي كان بيقولك اي  
زي ما قالك كان بيسألني عن العشا .
بس كده 
ايوه هيكون في اي تاني  
طيب لما يكون الجو ليل وانتي لوحدك بلاش تقفي مع حمدي بالشكل ده .
تقصد اي 
اللي بقولك عليه اعمليه وخلاص .
لأ استني حاسب علي كلامك انت بتشك فيا ولا اي  
مش موضوع شك انا بس بقولك علي الاصول .
لأ كلامك كده معناه انك بتشك فيا !!! 
يا حبيبتي صدقيني زي ما قولتلك مفيش اي شك ولا حاجة .
خلي بالك يا ربيع انا مش بحب كده .
طيب مش عاوزين نقلبها غم !! انا قولتلك الصح والاصول .
رجعت اوضة نعمة بسرعة وكان شكلها متغير !!! فسألتها مالك يا نعمة 
مفيش حاجة .
شكلك متغير ليه  
مفيش .
انتي زعلتي علي كلامي مع حمدي 
مش بالظبط .
اومال مالك في ايه 
مش هتكلم علشان متفهمش غلط .
اتكلمي .
اوعدني انك مش هتفهمني غلط .
اوعدك اتكلمي بقي .
الصراحة انا خاېفة علي الواد .
واد مين وخاېفة من اي 
حمدي ابني هو انا عندي ولد غيره !!! 
ماله حمدي خاېفة عليه من اي 
خاېفة عليه وخلاص .
اتكلمي يا نعمه بلاش تعصبيني اكتر من كده . قولي خاېفة عليه من اي 
خاېفة عليه من هدير !
هدير مراتي !!!!
ايوه .
تقصدي اي وضحي كلامك .
مش هوضح اكتر من كده انت فاهم انا اقصد اي .
كان برج من عقلي هيطير !!! معقول حصل حاجة !!! ده احنا لسه متجوزين من شهر ولا اتنين !!! ودي المفروض انها مرات ابوه معقول ابني هيخوني معها !!! ومعقول هي تكون بتضحك عليا وتخوني .
انتي شوفتي حاجة يا نعمة 
لا مشفتش .
قولي الحقيقة .
لا حرام هو انا هتبلا علي البت !!!
اومال اي اللي خلاكي تقولي كده .
البت دي كانت واقفة معاه لوحدهم بيعملوا اي 
ما هو ابنك قال كان بيسألها عن العشا .
ومش خبط علي باب اوضتنا ليه وسألني انا !! مش المفروض يسأل امه ولا يسأل مرات ابوه !!!
طيب كفاية يا نعمة كلام دلوقتي ونامي .
كلامي ضايقك 
انتي بتتكلمي وبتحاولي تقنعيني زي ما يكون حمدي ده مش ابنك !!! 
بالعكس ده انا بتكلم علشان خاېفة علي ابني للبت دي تضحك عليه .
طيب يا نعمه اتفضلي نامي انتي بقي ومتنسيش انها مراتي زيك .
يا راجل !! مش احنا متفقين مفيش نوم للصبح !!!!
ده كان قبل كلامك يا نعمه دلوقتي انا خارج هقعد بره شوية .
طيب استني هلبس حاجة واقعد معاك .
لأ.
ليه لأ علشان اونسك بدل ما تقعد لحالك .
انا عاوز اقعد لحالي .
وخرجت ولعت سېجارة وقعدت افكر في اللي انا شوفته وفي كلام نعمه .
وقعدت للفجر والشك هيجنني !! الفجر اذن فقومت اتوضيت وصليت في الجامع ورجعت البيت مش عارف انام !!!
اللي كان هيجنني وبسأل نفسي عنه معقول حمدي هيبص لمرات ابوه وليه اذا كانت هي كانت مش عجباه في البداية ورفض يخطبها !!! 
ممكن يكون فكر فيها لما شافها بقميص النوم 
علي العموم فرصة ان هدير تخوني صعبة اوي خصوصا ان ضرتها اللي هي نعمة معها في نفس الدار واكيد نعمة هتخليها تحت عينيها طول الوقت علشان تمسك عليها غلطة .
ده في حد ذاته كويس جدا لأن نعمة ڠصب عنها هتقوم بدور المراقب عليها ومش اي مراقب ده مراقب مستنيلها غلطة !!!
لكن هتبقي المشكلة الوحيدة في الليالي اللي هبات فيها في اوضة نعمة هتكون الدار شبه خالية عليهم هما الاتنين وانا ونعمة في اوضتنا !!!
ومن السهر والتعب معرفش نمت ازاي وانا بفكر !!!
وقبل اذان الضهر بشوية صحيت علي صوت نعمة وهدير بيتخانقوا هدير مصممة تصحيني من النوم ونعمة بتقولها سببه نايم يرتاح !!!
قومت علي الاذان وروحت صليت ورجعت كانوا محضرين الاكل والشاي .
كان ورايا مشوار فقومت لبست وخرجت .
ورجعت من المشوار بعد العصر وانا في اول القرية شوفت نعمة

ماشية فوقفتها وسألتها  
رايحة فين يا نعمة  
رايحة للدكتورة .
ليه في اي  
مفيش حاجة لما ارجع هبقي اقولك .
طب اروح معاكي 
لأ 
طيب خدي الفلوس دي خليها معاكي .
لا يا حبيبي معايا .
طيب يا ريت بلاش تأخير علشان مش اقلق عليكي .
حاضر . روح انت وبلاش شقاوة مع العروسة .
ضحكت وقولتلها حاضر .
ضحكت نعمة وقالت عموما مش هتعرف تتشاقي علشان حمدي هناك .
بتقولي اي حمدي وهدير هناك .
ايوه .
سبتها و مشيت جري علي الدار .
و لما دخلت الدار حسيت ان مفيش حد في الدار خالص !!!! 
وفضلت انادي علي هدير 
وفجأة باب اوضة هدير انفتح وخرج منه حمدي وهو مرتبك !!!!!
الحلقة ٨
بتقولي اي حمدي وهدير هناك .
ايوه .
سبتها و مشيت جري علي الدار .
و لما دخلت الدار حسيت ان مفيش حد في الدار خالص !!!! 
وفضلت انادي علي هدير 
وفجأة باب اوضة هدير انفتح وخرج منه حمدي وهو مرتبك !!
اي ده !!! انت كنت بتعمل اي جوه يا حمدي  
مفيش يابا كنت ......
كنت اي انطق يا ابن ال 
كنت بدور علي الشاحن .
الشاحن !!!! وتدخل اوضة هدير ليه 
انا لفيت علي الشاحن الدار كله ومش لقيته فدخلت اشوفه جوه .
وتدخل جوه انت ليه مش قولتلها ليه وهي تشوفه !! 
ماهي مش جوه يابا . اعمل ايه 
هدير مش جوه !!! اومال راحت فين 
معرفش يابا .
طيب وسع كده لما ادخل اشوف .
دخلت الاوضة بسرعة وانا متوقع اشوف هدير في موقف مخجل لكن هدير كانت مش موجودة فعلا في الاوضة !!! 
بصيت عليها تحت السرير جوه الدولاب في كل الاوضة مش موجودة !!
قعدت علي حرف السرير والتقطت انفاسي بعد ما كنت حاسس ان قلبي هيقف بعدها خرجت ناديت علي حمدي قولتله ملكش دعوة بهدير في اي حاجة طول ما انا مش موجود اي حاجة عاوزها وانا مش موجود اطلبها من امك .
يابا امي كمان خرجت من شوية .
انت سمعت بقولك اي 
حاضر يابا .
بعدها حمدي خرج من الدار واتصل بمني اخته قالها كنت هروح في داهية يا مني بسببك .
ليه حصل اي 
انا استنيت لما بقيت لوحدي في الدار وهدير طلعت الاكل للطيور علي السطح ودخلت اوضتها احط العمل تحت السرير زي ما قولتيلي .
وبعدين  
فجأة سمعت صوت ابوكي بره !!! بقيت مش عارف اعمل اي !!!
يا وقعه سودا !!! وابوك شافك 
ايوه شافني بس انا عملت نفسي بدور علي شاحن التليفون .
وصدقك 
معرفش بس انا حاسس ان ابوكي بدأ يشك فيا انا و هدير .
لأ بلاش دلوقتي الموضوع ده لو العمل مش عمل حاجة نبقي نجرب فكرة الشك والغيرة والكلام ده .
انا كنت بدأت فيها لما صحيتها بالليل بحجة اني عاوز اتعشا لكن ما دام انتي شايفة ان السحر والاعمال هتخلص الموضوع ماشي نجرب .
وبعد دقايق شوفت هدير فسألتها انتي كنتي فين 
كنت بأكل الطيور ع السطح . 
من بدري  
ايوه ييجي من نص ساعة كده .
كنتي فوق لما نعمة خرجت 
ايوه انا طلعت وهي هنا هو في اي بالظبط هو تحقيق ولا اي  
لا يا حبيبتي مش تحقيق بس انا بحب اطمن واعرف كل حاجة .
انت بدأت تتغير معايا كده ليه 
انا اتغير معاكي 
ايوه بتسأل وتحقق في كل حاجة وتقولي ده لازم تعمليه وده متعملهوش !!! انت هتعيشني في سجن ولا اي !!!
هو انتي تزعلي لما اخاڤ عليكي  
لأ انت كده خاېف مني .
لا يا حبيبتي انا بحبك وخاېف عليكي .
طيب يا ربيع هصدقك بس اعمل حسابك انا بسمع كلامك علشان بحبك بس بس اكتر من كده مش هتحمل .
هدير كل كلامي معاكي حب ليكي وياريت بلاش ندخل الشيطان بينا .
انا حاسة ان الشيطان دخل بينا خلاص .
لأ اوعي تقولي كده .
يعني انت لسه بتحبي 
بحبك اكتر من الاول هدير انا بحبك اكتر من نفسي .
انت بتضحك عليا .
لا ليه بتقولي كده 
طيب غير معاملتلك معايا وارجع زي الاول .
حاضر .
وهنا رجعت نعمة من برا وانا وهدير قاعدين جنب بعض و بنتكلم وبنضحك فسألتنا علطول اومال حمدي فين  
معرفش هو كان هنا من شوية وخرج .
نعمة طيب كويس اني رجعت في الوقت المناسب . 
هدير تقصدي اي  
نعمة مقصدش يا حبيبتي يلا بقي زي. الشاطرة قومي حضرلنا الاكل لأني راجعة من بره مش قادرة حاسة اني هقع من طولي .
هدير بصت لي غمزتلها تقوم ومتردش عليها .
قامت هدير وحضرت الاكل واكلنا احنا التلاته وبعد الاكل خرجت اقعد قدام الدار .
جت نعمة تقعد جنبي فسألتها خرجتي روحتي فين يا نعمة 
كنت بشتري علف للطيور انت سبتني وجريت ليه يا ربيع  
لما قولتيلي ان حمدي وهدير لحالهم في الدار .
تصدق انا مش اخدت بالي .
معقول !!! ده انتي اللي لفتي نظري للموضوع ده ازاي مش تاخدي بالك 
معرفش بس يمكن علشان هي كانت بتأكل الطيور ع السطح وانا خارجة .
طيب يا نعمة .
طيب قوم تعالي عاوزاك .
قولي عاوزاني في اي 
لأ مش هينفع هنا تعالي جوه .
يا وليه بالليل مش دلوقتي .
بالليل والنهار وفي اي وقت في الايام بتاعتي .
لأ خفي عليا شوية وحياة ابوكي علشان اعرف اكمل .
اي ده ربيع بيقولي خفي عليا !!! الله يرحم ده انت كنت مدوخني ومطلع عيني يا راجل !! مش بقولك مبقتش تحبني زي الاول .
لأ بحبك زي الاول واكتر بس متنسيش ان في واحده تانية لها حقوق عليا .
مش ناسية . هو انت لازم تفكرني .
وبعد وقت قليل رجع حمدي من بره .
استغربت انه رجع وقعد وعلي غير العادة مش خرج مع اصحابه زي كل يوم !!!
سألته انت مش هتخرج تاني 
لا يابا مش خارج .
اشمعني النهارده رجعت بدري وقعدت مع اصحابك زي كل يوم 
ما انت يابا كلمتني علي التأخير وقولتلي متتأخرش تاني .
ايوه فعلا حصل .
وانا سمعت كلامك .
جدع يا حمدي وهتنام من دلوقتي 
لأ يابا معقول هنام من دلوقتي 
وهتعمل اي  
هخرج اقعد قدام الدار لحد ما يجيني نوم .
وبعد العشا نعمة دخلت اوضتها واتزوقت ونادت عليا وهدير دخلت اوضتها وحمدي قعد قدام الدار ومعاه موبايله بيلعب به .
كنت مش عاوز ادخل واسيب حمدي وهدير لحالهم !!! خاېف ان الشيطان يضحك عليهم وتحصل خېانة !!!
لكن اضطريت ادخل بعد اصرار نعمة وكنت جوة الاوضة وعقلي وتفكيري