قصه جديدة

ذكية والله بس بكسل أشغل دماغي 
الحمدلله أنك شغلتيها المرادي 
مش يلا نهرب ولا إيه
بص لي عندي فكرة أذكى تعالي معايا 
طلع السلم وطلعت وراه وسألته طب والراجل
راجل مين
اللي قتلناه!!
قتلنا مين انتي هتجيبيلنا مصېبة من اللاشيء
خدرناه يعني لو فاق هيجيبنا ويخلص مننا 
هو مش هيفوق قبل كام ساعة أصلا متقلقيش بس انتي بالرغي دا هتصحيه هو واللي ماتوا أساسا 
طب وتليفونه مش يمكن يكلم حد
لماحة هاتيه ويلا نخرج 
شوفت كلامي بفايدة عامة مش برغي وخلاص 
خدت التليفون وطلعت وهو شدني خرجني قفلنا الباب ورانا وخرجنا من الممر دا طلعنا نجري برا الساحة كانت فاضية ومفيهاش حد تقريبا 
تقدر تقولي هنعمل إيه في المصېبة السودا دي
مسيبتوش يرد إحنا مخدرين واحد لو اتقفشنا كل جزء فينا هيروح في مكان
بدأت أتشحتف يعني دراعي دا هيبقى دراع حد تاني
هياخدوه يلزقوه يعني ولا إيه
أهو دا اللي أنت فالح فيه تطلعني غبية ومتلاقيش حل 
شدني ومشينا ناحية الشط يا بنت الحلال هنروح دلوقتي نراقب الراجل اللي هياخد الضحېة دي ونمشي وراه ونروح معاه 
إيه رأيك أبقى أنا الضحېة
مش فاهم
نروح كأن أنا الضحېة الجديدة وأنت تستنى عند العربية الچيب وتاخدني منه ونطلع على قرية السحر وفي الطريق نكلم البوليس 
انفعل لا مستحيل 
استغربت مستحيل إيه
هدي شوية مش هجازف بيكي مش مهم أي حاجة 
ما إحنا عايزين نكشف الموضوع 
نعمل أي حاجة عادي إلا إني أفرط فيكي 
غمزت له يا ولد! دا أنت طلعت بتقول كلام حلو أهو!
غمز لي ميجيش جمب حلاوتك حاجة 
بصيت له بسماجة والضحېة يا مروان الفليرتات مش هتنفعنا 
بص لي بقرف تعالي نمشي وراهم ونتصرف بعدها 
قربنا من الشط فعلا شوفنا بنت واقفة فعلا طلعنا الصور على موبايل مروان لقيناها واحدة من الضحايا واسمها سلمى ونازلة هنا الفندق مع صحابها بس كانت واقفة لوحدها 
شوية ولقينا واحد بيقرب منها وشكلها كانت تعرفه لأنها سلمت عليه ووقفوا يضحكو!
أنا ومروان بصينا لبعض واحنا مش فاهمين بعدها بثواني لقينا الولد خرج حاجة من جيبه خلى البنت تشمها وكانت واقعة في ثواني وقام شايلها وماشي بيها 
فضلنا ماشيين وراه من بعيد وفجأة افتكرت حاجة 
مروان إحنا منعرفش العربية الجيب فين!
عشان كدا إحنا ماشيين وراه!
يا مروان شغل دماغك أنت إحنا اللي لازم نكون مستنيينه بالعربية مش هو اللي هيروح ويتصل 
يعني هنعمل إيه
بصيت له بلؤم بتعرف ټضرب
مجربتش قبل كدا بس بنزل الجيم 
شغال هو هيبقى دايخ أصلا 
ازاي يعني
طلعتله سرنجة عيب يا دكتور 
يا بنت اللعيبة!
غمزت له وسبقنا الراجل واتصلنا بيه 
أنت فين
أنا عند الشط وجايلك عند الراية جهز العربية 
جاهزة مستني 
رجعنا جري عند الراية لقينا جيب سودا كبيرة وواقف قدامها واحد مستنيتش خطة مروان وروحت للراجل 
بقولك لو سمحت
إيه يا حلوة
متعرفش شارع يا واحشني ازيك سلامات أروح له منين
بص لي من فوق لتحت شارع إيه
بصيت له ببراءة لما لقيت مروان وراه وضړبته بركبتي شارع أمك يا روح امك 
ملقيتوش وقع هو موقعش ليه زي التاني! 
محدش قالك تتصرفي من دماغك!
طب اضربه يا مروان اضربه كويس 
اضربه شمال الشمال بتوجع أكتر 
ما تيجي ټضربي بدل ما انتي بتديني تعليمات!
الضړب للرجالة أنا مجرد بنوتة 
والله لو طلعت من ايده سليم أنا اللي هرنك العلقة التمام 
فضل دا يتخانق ودا يضرب لحد ما وقع في الأرض مسكت شوية رمل وحدفته على عينه ففضل يصوت بيها مروان خد الحقنة حقنه بيها وفقد وعيه 
لا بس تنفع قتال قتلة والله 
قرب مني آه ما أنا هبدأ بيكي 
بعدت عنه بسرعة عايزين نتاوي الچثة الأول 
معاكي مخدر تاني
آه واحد ليه
هاتيه 
اديتهو له ليه بقى
هسكتك لحد ما نروح 
بتتكلم جد
نفسي أعمل كدا فعلا بس