مطلوب رجال للعمل من 11الي 15

ممكن اجرح حد لو كنت اعرف كنت عمرى ماكدبت مهما حصل
مصطفى فضل بيسمع كلامها وسكت 
اية انا عمرى ما كنت افكر انى هجرحك او هضيقك بكدبى ده وكمان انا فى الاول مكنتش اعرفك وماكنتش اقدر اقولك الحقيقة انى بنت مش ولد وخفت احسن تقول حاجة وساعتها ايمن هيضر انا ميهمنيش نفسى بس اهم حاجة عندى اخويا صدقنى انا عملت كدا عشانه وبس 
مصطفى بحزن تصبحى على خير
اية مسحت دموعها وانت من اهله
وعدى يومين عليهم وكل واحد حالته متغيرة هى بتحبه ومش عارفة اذا كان بيحبها ولا لا وهو بيحبها بس مش قادر يسامحها وكمان هيخطب واحدة تانية عشان خاطر ينقذها وفى يوم الخطوبة كانت فى بيت صافى اية اترددت كتير عشان متروحش بس فى الاخر راحت عشان خاطره وشافته وهو بيلبسها الدبلة وكانت مضايقة اوى ونفسها تكون مكانها وشوية وطلبوا ان بما ان مفيش فى الخطوبة غير ولاد بس فيرقصوا سلو سوى 
كلهم ضحكوا اوى وبدأوا يرقصوا سوى 
باسم قرب من اية انت مش هترقص ولا ايه
اية لا مش عايز
باسم مسك ايديها ياراجل قوم دى حتى فكرة جامدا اوى وحط ايده على وسطها وقرب منها اوى انا فرحان اوى انى برقص معاكى
اية بصتله پصدمة انت بتقول ايه
باسم ياعم بتخيل انك واحدة فيها ايه يعنى
اية لاطبعا مينفعش
باسم ابتسم لاينفع وسيبنى اتخيل بقى
اية اضايقت اوى انا مش عايز ارقص
باسم ليه دى الموسيقى حلوه اوى
مصطفى طبعا اول ماشاف كدا اضايق اوى وكان نفسه يمسك ايد اية ويقعدها جمبه ويقولها متتحركيش من هنا بس مكنش عارف يعمل ايه فقام ورقص مع صافى 
باسم انا اسف
اية على ايه
باسم يعنى من الكلام ال اخر مرة قولته مكنش قصدى بس انت ضايقتنى اوى 
اية عادى مفيش مشكلة
باسم بس تعرفى عنيكى حلوه اوى
اية اضايقت ما قولتلك متلعبش اللعبة الرخمة دى
باسم ليه يعنى انت بتتكسف
اية لسه هتكلم لقت مصطفى وصافى قربوا منهم فضلت بصاله وساكته 
باسم ايوه ياعم انت بترقص مع بنوتة واحنا بنرقص مع رجالة
صافى ضحكة اوى كويس انك بترقص اصلا
باسم انا عارف بابى مخلاش الشركة فيها بنات ليه كانت هتبقى احلى ولا ايه رأيك يامصطفى
مصطفى كان باصص لآية وبعد كدا ركز فى كلامه اة 
صافى اة ايه انت عايز الشركة يبقى فيها بنات لا على فكرة انا غيورة اوى 
باسم تحب نبدل
مصطفى بصله بستغراب لا كدا كويس
باسم بخبث لا نبدل احسن وبعد عن اية ورقص هو مع صافى وفضلوا هم الاتنين واقفين وباصيين لبعض وساكتين 
مصطفى قرب منها وبدأ يرقص معاها حست اية احساس غريب اوى وكانت مبسوطة انه رقص معاها ممكن اعرف رقصتى معاه ليه
اية هو طلب منى انه يرقص وانا قولتله لا فخلانى ارقص معاه بالعافية
مصطفى انتى مش ملاحظة انه اداكى السجارة بالعافية ودلوقتى خلاكى ترقصى معاه بالعافية 
اية طب وانا اعمل ايه
مصطفى مش عارف بس باسم ده بالذات متقربيش منه خالص مفهوم
اية اشمعنى
مصطفى مش عايز كلام كتير بقول مفهوم
اية حركت راسها بنعم اة مفهوم وفضلوا يرقصوا وساكتين خالص وشوية والاغنية خلصت وبدأوا الناس المهندسين يمشوا 
باسم قرب من اية انا مبسوط اوى اننا اتكلمنا النهاردة ونفسى نبقى اصحاب ايه رأيك
اية بصت لمصطفى وكان قاعد يتكلم مع صافى ومش بصصلها ان شاء الله
باسم ده اكيد انا مش هلاقى صديق زيك اصلا وغمزلها 
اية بصت بستغراب وسكتت ولسه هتمشى 
مصطفى ايمن استنى انا همشى معاك وقرب منها وكانت صافى ماشية معاه 
صافى هتوحشنى اوى
مصطفى وانتى كمان 
صافى بكرة هجيلك المكتب
مصطفى لا بلاش عشان الشغل
صافى طب هنتقابل فين انت دلوقتى بقيت خطيبى ولزما نخرج سوى
مصطفى اكيد هنخرج بس هخلص الشغل الاول
اية طبعا واقفة وسامعة الكلام ده وقاعدة بصلها ومضايقة اوى 
صافى ماشى ياحبيبى 
اية لنفسها حبك برص ياشيخة مش يلا بقى
مصطفى اة يلا وفضلوا ماشيين هم الاتنين لحد العمارة 
اية انا مش عارفة انت عجبك فيها ايه دى ملزقة
مصطفى ابتسم ملزقة!عجبانى
اية عجباك 
مصطفى انتى مضايقة ليه دلوقتى
اية انا اضايق وليه عشان ايه دى ده انا احلى منها
مصطفى لاوالله
اية وقفت وبصتله ايه انا مش حلوه
مصطفى اولا وطى صوتك ثانيا انا شايف قدامى ولد ده انتى ناقصلك شنب
اية اضايقت اوى ما عشان اللبس لكن انا من غيره مختلفة خالص 
مصطفى مختلفة ازاى بتنورى فى الضلمة
اية على فكرة بقى انت بايخ ومشيت وسابته 
مصطفى ابتسم عشان فاهم ان ده كله غيرة ومشى وراها لحد ما وصله الاوضة انا بايخ
اية اة بايخ وبايخ اوى كمان
مصطفى وكمان اوى اية بلاش انا
اية هتعمل ايه يعنى اكتر من انك كنت هتفتح نفوخى
مصطفى تستاهلى واقطعلك راقبتك كمان
اية والله انت مفترى 
مصطفى بايخ ومفترى ها وايه كمان 
اية لسه هتكلم وبس امتى بقى امشى من هنا
مصطفى حد قالك تيجى اصلا
اية يعنى انت مضايق انى موجودة
مصطفى جدا
اية طب انا ماشية ولسه هتخرج من الباب مسك ايديها وبصلها 
مصطفى راحة فين
اية ماشية هروح انام عند اى حد
مصطفى اى حد ولما يعرف حققيقتك بقى هتنبسطى وكمان انتى تعرفى تنامى فى اى اوضة غير اوضتى
اية حركت راسها بالنفى 
مصطفى ابتسم وبعديها ببصلها بحدة طب نامى بقى
اية طيب وغيروا هدومهم وناموا ومكنوش عايزين يفكروا فى ايه هيحصل بكرة كانوا سايبين كل حاجة تمشى زى ما هى ماشية بس اية كانت بتفكر فى حاجة واحدة بس انها بعد اسبوعين هتمشى من هنا بس مش عارفة لما تمشى هتقدر تنساه مصطفى ولا لاوتانى يوم صحيوا ونزلوا سوى انا نسيت موبايلى فوق هطلع اجيبه
مصطفى مش مهم
اية لا احسن حد يتصل انا هطلع اجيبه وانزل بسرعة
مصطفى طيب انا مستنيكى
وطلعت بسرعة الاوضة وجابت الموبايل وهى نازلة على السلم سمعت صوت فرملة جامدا اوى اتخضت ونزلت بسرعة و.....
ح
ونزلت اية بسرعة عشان اتخضت اول ما سمعت صوت الفرملة وافتكرت ان مصطفى حصله حاجة واول ماخرجت لقت مصطفى واقف وباسم مفرمل بالعربية قبل ما يخبطوا واطمنت اول ما لقته انه كويس 
باسم نزل من العربية وبيصقف لا برافو عليك مخوفتش وفضلت واقف
مصطفى بص لعربية باسم وشاور عليها مش دى الحاجة التخوفنى
باسم اومال ايه الېخوفك وشاور على اية هى
مصطفى لسه هيتكلم 
اية قربت منهم هو فى ايه
باسم بصلها مفيش كنت بطمن على جوز اختى بشوفه قلبه جرئ ولا لا وطلع جرئ اوى
اية اضايقت انت كنت هتخبطه بالعربية وتقول بشوف قلبه جرئ ولا لا
باسم وانت خاېف عليه ولا ايه
اية سكتت ومعرفتش تقول ايه 
مصطفى بجدية الظاهر انك فايق اوى النهاردة وبص لآية يلا عشان نروح الشغل
باسم مسك ايد اية ووقفها هشوفك بعد الشغل وساب ايديها ومشى 
مصطفى حاول يمسك اعصابه عشان كان نفسه ساعتها يضربه بالبوكس فى وشه وفضلوا ماشيين سوى 
امجد اهلا بالعريس
مصطفى لسه مبقتش عريس
امجد خلاص ده قريب طلعت ناصح وهتسبقنى وقال ايه انا ال كنت بشجعك طلعت حويط يامصطفى
حسين اة بيضحك علينا وقال مكنش عايز يتجوز قال 
مصطفى بجدية ممكن كفاية كلام بقى ونشوف شغلنا
امجد حقك ياعم بكرة هتبقى صاحب الشركة ما انت هتبقى جوزبنت صاحب الشركة
مصطفى اتنرفز ومين قالك انى عايز الشركة انا متهمنيش الشركة دى وانا كمان هعيش بفلوسى مش بفلوسها
حسين اهدى يامصطفى هو مش قصده حاجة
امجد انا اسف والله بس انت فهمتنى غلط
مصطفى غلط بقى ولا صح كل واحد يشوف شغله يلا
اية فضلت باصه وسامعة الكلام ده وهى كمان اضايقت اوى عشان حست ان اى حد ممكن يفهم ان مصطفى طمعان فى فلوس صافى دى وهى نفسها تعرف ليه خطبها كانت متأكدا ان فيه سبب تانى غير انه بيحبها بس مش عارفة ايه هو وبعد شوية جت صافى 
مصطفى انا مش قولتلك متجيش هنا
صافى ما انا عايزة اشوفك وكمان انا استأذنت من بابى وقولتله اننا هنتمشى سوى
اية اضايقت اوى لما عرفت انهم هيخرجوا سوى 
مصطفى طيب وقت البريك
صافى لسه هستنى
مصطفى معلش روحى وانا لما خلص هكلمك
صافى ماشى ال تشوفه ياحبيبى
اية بصتلها بأرف وقالت لنفسها واتريقت على صافى ال تشوفه ياحبيبى حد يضرب البت دى على بؤها انت هتتغدى برة
مصطفى زى ما سمعت
اية بس احنا متعودين نتغدى سوى ولا ايه
مصطفى بس دى خطيبتى ولزما اتغدى معاها
اية ما تقولوا حاجة ياجماعة
حسين وامجد بصولها بستغراب 
امجد هنقول ايه ما هو عنده حق
حسين ولا انت غيران
اية اټصدمت غيران ازاى يعنى
حسين يعنى نفسك انت كمان تتغدى مع خطبتك
اية اة اكيد نفسى
امجد خلاص بطل قر عليهم بقى
اية انا اتكلمت ما انا ساكت خالص اهوه
مصطفى ابتسم وبعد كدا بصلها طيب يلا ركز فى شغلك وكمان احنا فين ووقت الغداء فين لسه بدرى وفضلوا قاعدين يشتغلوا وجه وقت البريك لقه موبايله رن الو
صافى ها خلصت
مصطفى اة خلاص
صافى طيب انا ثوانى واكون عندك سلام
مصطفى بعد ما قفل معاها طيب اشوفكوا بعد الغداء
اية بحزن برده هتتغدى معاها طب ايه رأيكوا نتغدى كلنا سوى
امجد لا ده انت فظيع بجد يا ابنى ما تسيبهم يتغدوا لوحدهم
حسين هم اكيد مش عايزن عزول
مصطفى سمع صوت عربية صافى طب انا ماشى سلام
ونزل وخرج معاها وكانوا بيتغدوا سوى 
صافى مشطشطة اوى انت لزما تطلب الاكل اسبايسى
مصطفى ابتسم اشربى بعديها بيبسى عشان بؤك يعمل تشش
صافى بصتله بستغراب ايه ال انت بتقوله ده
مصطفى ركز شوية لا مفيش لو تحبى نطلب حاجة تانية عادى
صافى لا خلاص الاكلة دى حلوه وفضلت تتكلم معاه لكن هو سرحان خالص وبيفكر فى اية وفى نفس الوقت هى كمان قاعدة مع امجد وحسين وسرحانة 
امجد ايه مش بتاكل ليه
اية مليش نفس
حسين لدرجة دى خطبتك وحشتك 
اية بصتله وسكتت 
حسين هو انت بتحبها اوى كدا
اية بس هى مش بتحس
امجد وحسين بصولها بستغراب 
اية كملت كلامها سايبانى لو حدى كدا ولما مبسمعش كلمها بتضايق وانا اصلا مبقتش عارف اعمل ايه معاها
امجد هى مين دى
اية طبعا كان قصدها على مصطفى خطبتى!
حسين خلاص ياعم هانت كلها ايام وترجعلها
اية اول ما قال كدا حست انها مضايقة اوى وفى نفس الوقت فرحانة عشان هتمشى ومضايقة عشان مش هتشوف مصطفى تانى وفضلت قاعدة فى سكوت تام وبعديها رجعوا المكتب وكانت بتحسب اول ماترجع المكتب هتلاقيه لقته لسه مجاش كانت مخڼوقة اوى وبتفكر تكلمه بس مش عارفة تقول ايه 
صافى مصطفى انت مش بترد عليا ليه
مصطفى ركز فى كلامها كنتى بتقولى ايه
صافى انا قولت حاجات كتير اوى بس الظاهر انك مشغول بحاجات تانية
مصطفى