مطلوب رجال للعمل من 11الي 15
بيكلمنى على كدا وعرفت منه كل حاجة وقامت وقفت يلا
مصطفى يلا ايه
اية عشان اغيرلك على الچرح
مصطفى ماشى
وبدأت اية تعمل زى ما الدكتور قالها وتربط الچرح وبعد ما خلصت عنيها جت فى عينه وفضله باصين لبعض وساكتين وشوية والباب خبط وراحت اية عشان تفتح الباب و............
ح
واول ما فتحت الباب لقت صافى واقفة وفضلوا باصين لبعض ومصطفى بص برده عشان يشوف مين البيخبط واول مالقاها بص وسكت
اية وهى بتشاورلها اتفضلى
صافى دخلت وقاعدت جمب مصطفى مقدرتش استنى من غير ما اطمن عليك
مصطفى مش انتى المشيتى
صافى كلامكوا ضايقنى بس لما فكرت فيه لقيت ان عندكوا حق
اية عموما انا مقصدش حاجة فى الكلام القولته بس كنت عايز اقولك اننا كلنا زى بعض يعنى وان الاستأذن مبيفرقش بين ولاد الشركة او ناس شغالين فى الشركة
مصطفى كويس الحمد لله ولسه بيجيب القميص بتاعه عشان يلبسه
صافى مسكته استنى انا هساعدك
اية طبعا شايفة ده كله واضايقت اوى ولقت نفسها بتفتح الباب وبتخرج من الاوضة
مصطفى ايمن
ومشيت اية والدموع فى عنيها وخبصت فى واحد كان ماشى
اية بصتله اسف
رامى لاعادى ولا يهمك
رامى ياه ده كله عياط
اية اتخضت وبصتله وبعدين بصت قصادها
رامى قرب منها وقعد جمبها كمل كمل اعتبرنى مش موجود
اية انت عايز ايه
رامى مفيش انا كنت بتمشى سمعت صوتك قولت اجى اطمن عليك
اية شكرا مش عايز حد يطمن عليا
رامى انت متأكد
اية ايوه متأكد ولو سمحت امشى
اية بصت قدامها ومردتش عليه
رامى ده انت مضايق اوى بقى عموما انت ممكن تحكيلى وانا هساعدك
اية مش عايز حد يساعدنى
رامى تحب اقوم
اية ياريت
رامى عموما انا همشى واسف لو كنت ازعجتك انا قولت احنا زمايل ولزما نطمن على بعض واول ما قام وكان هيمشى
اية قامت بسرعة لوسمحت استنى
اية انا اسف مش قصدى
رامى ابتسم يعنى اقعد ومش هتقومنى
اية حركت راسها بالنفى
رامى ماشى هقعد معاك مدام انت مصمم بقى
اية ابتسمت ابتسامة صغيرة وفضلوا قاعدين هم الاتنين سوى
رامى انا رامى زميلكوا هنا فى الشغل بشتغل فى المصنع وكنت بشوفك وانت ماشى مع مصطفى
اية بحزن اصل انا شغال فى المكتب معاه واسمى ايمن
اية اة
رامى طب قول بقى ايه المزعلك
اية بتنهيدة حاجات كتير
رامى يعنى من الحاجات دى مشكلة عاطفية اجتماعيةولاعملية
اية ايه عملية دى
رامى ابتسم من الشغل يعنى
اية تقدر تقول من كله
رامى هو انت مرتبط
اية اة خاطب
رامى قول كدا بقى تلاقيها وحشتك
اية بص انت مش هتقدر تفهمنى بس انا بجد محتاج ابعد عن هنا ومفكرش فى اى حاجة
رامى يبقى فيه حد هنا ضايقك
اية حاجة زى كدا
رامى مصطفى
اية بصتله وسكتت
رامى هو مصطفىبص رغم انه طيب معانا وبيحب شغله وبيهتم به كتير لكن لما بيتعصب عينك ماتشوف الا النور هو تركيبة غريبة شوية بس هتتعود على كدا كل ما تشتغل معاه وهتفهموا
اية لنفسها انا مش فهمها وانت كمان مش هتقدر تفهمنى عشان مش هعرف اقولك على كل حاجة
وفضلوا قاعدين يتكلموا مع بعض وفى نفس الوقت مصطفى مضايق عشان مش عارف هى فين وانها مشيت من غير ماتقولوا انها خارجة وخصوصا انه عارف انها قالتله انها مش راحة الشغل
صافى انت قلقان عليه كدا ليه هو هيتوه
مصطفى بنرفزة بلاش كلام ملوش معنى ده
صافى ما هو انت خاېف كدا ليه اكيد يعنى راح الشغل
مصطفى قال انه مش رايح الشغل النهاردة
صافى يمكن غير رأيه ويمكن سابنة نقعد سوى عنده نظر والله
مصطفى بصلها بأرف لما ييجى بس
صافى بصتله بستغراب ومش فاهمة ليه بيعمل كدا وكأنه وصى عليه
مصطفى مسك موبايلة واتصل بيها وشوية ويسمع رنة موبايلها كانت على تربيزة
صافى قامت وجابت الموبايل ده موبايله هنا
مصطفى خده منها ومسكه فى ايده جامدوقال انفسه روحتى فين
صافى طب انت عايزنى اعملك حاجة
مصطفى قاعد وسرحان
صافى مصطفى مصطفى
مصطفى ركز ايوه
صافى انت محسيسنى انه عيل تايه متسيبوا براحتوا
مصطفى انتى مش فاهمة حاجة
صافى بستغراب طب ما تفهمنى
مصطفى بصلها وسكت شوية اصله لسه مهندس جديد ومش عارف يعنى الاماكن
صافى مش مقتنعة بكلامه برده مش هايتوه هيسأل اى حد ويعرف
مصطفى بتنهيدة طيب
صافى طيب انا همشى بقى وهشوفك بكرة باى
مصطفى سلام وبعد ما مشيت قام مصطفى ووقف فى البلكونة ومستنيها لحد ما تيجى وطبعا اية عمالة تتكلم مع رامى وسرقها الوقت خالص
رامى جبتلك ليمونادا عشان تروق اعصابك
اية شكرا
رامى على ايه انت الهتحاسب عليها مش انا
اية ابتسمت وسكتت
رامى رغم انك مش عايز تقولى انت زعلان من ايه بالظبط او ايه الحصل بس عايز اقولك نصيحة صغيرة محدش يستاهل عشان تزعل بسببه الزعل ده وكمان كبر دماغك هتلاقى كل حاجة مشيت وعدت ولو مشيتش مشيها انت فهمنى
اية حركت راسها بالنفى
رامى يعنى متزعلش نفسك حاول تبسطها تسعدها عشان نفسك متستحقش منك انك تزعلها والامور كلها هتمشى وتعدى كله بيعدى صدقنى
اية ابتسمت فهمتك
رامى طب الحمد لله انت فهمك بطئ اوى
اية بصتله
رامى بهزر معاك
اية هى الساعة كام
رامى 10
اية پصدمة 10
رامى ليه هو فى حاجة
اية لا بس لزما امشى عشان مصطفى
رامى ايه مش هيدخلك من باب الاوضة ولا ايه
اية لا يعنى عشان الوقت وكمان الشغل بكرة بدرى
رامى طيب وقاموا هم الاتنين وطبعا مصطفى كان واقف فى البلكونة وشافها وهى جاية مع رامى واضايق اكتر يلا سلام اشوفك بكرة
اية ابتسمت ان شاء الله واول ما رامى دخل اوضته هى لسه بتفتح باب الاوضة كان مصطفى خارج وقفوا وبصوا لبعض لثوانى وبعد كدا بعدت عيونها عنه ايه
مصطفى قفل الباب ايه انتى ينفع ال انتى عملتيه ده سايبة موبايلك وكمان رجعة مع رامى كنتى فين انتى وهو لحد دلوقتى
اية هنكون فين يعنى بنتمشى شوية ولسه هتمشى
مصطفى مسكها من دراعها جامد اما اكلمك متمشيش وتسيبينى انتى فاهمة وكمان انا هلقيها من رامى ولا باسم انتى ايه حكايتك بالظبط
اية اضايقت اوى قصدك ايه
مصطفى قصدى انتى عرفاه كويس
اية انت ليه مش قادر تفهم انهم باصينلى كولد مش بنت
مصطفى وانتى ليه مش قادرة تفهمى انك بنت مش ولد وانك تقعدى مع واحد لحد دلوقتى ده غلط وانك تسمحى لباسم ده انه يمسك ايديك ويكلمك كل شوية ده برده مينفعش
اية انا حرة بقى
مصطفى لا مش حرة ولو مبطلتيش ال بتعمليه ده
اية بتكمل كلامه هتروح تقول لصاحب الشركة مش كدا لا انا بوفر عليك ده كله انا الهروح واقوله ومشيت اية ولسه هتخرج
مصطفى مسك ايديها وزقها استنى هنا
اية لا مش هستنى انا زهقت من تهديدك ده انا هروح واقول للكل وهى اصلا كدا كدا خربانة وابعد عنى بقى وزقت مصطفى جامد
مصطفى مسك بطنه مكان الچرح
اية الدموع فى عنيها وقربت منه مصطفى انت كويس
مصطفى بصلها جامد اوى هبقى كويس وبعد عنها وقعد على السرير
اية مسحت دموعها وحاولت تهدى ووقفت قصاده عشان تتكلم معاه انا
مصطفى شاور بأيده عشان تسكت وبصلها بحدة انتى اخرك هنا الايام الجاية دى وطول الايام دى مش عايزك تكلمى معايا خالص
اية الدموع نازلة على خدها مصطفى
مصطفى انا قولت العندى وال انتى عايزة تعمليه اعمليه تكلمى رامى او غيره انتى اصلا مش فارقة معايا مصطفى وحط راسه على المخدة وقفل النور
اية فضلت واقفة وبصاله والدموع نازلة من عنيها زى المطر وحست انها غلطت فى العملته ده ومش عارفة ليه عملت كدا يمكن عشان بتغير عليه واضيقت ان صافى معاه يمكن عشان عرفت الحقيقة انه عمره ما هيكون ليها وان ده كله مجرد وقت وهترجع كل حاجة زى ما هى وهو هيكمل حياته مع صافى حست بلغبطة ودمغها وجعتها اوى وقبل ما تنام بصت عليه وبعد كدا حطت راسها على المخدة ونامت وتانى يوم صحيوا هم الاتنين ومكنش بنهم اى كلام بس استغربت لما لقيته لابس هدومه هو انت رايح فين
مصطفى مبصلهاش رايح الشغل وقبل ما تتكلم قفل الباب وخرج اية بصت بحزن وقامت هى كمان تغير هدومها عشان تروح الشغل ومصطفى وصل المكتب
امجد حمد الله بالسلامة يادرش
مصطفى ألله يسلمك يا امجد
حسين ليه نزلت دلوقتى ماكنت تستريح
مصطفى انا بقيت كويس الحمد لله وكمان انتوا عارفنى بحب الشغل
حسين انت هتقولنا ده انت حريقة شغل
امجد اومال ايمن مجاش معاك ليه
مصطفى بجدية زمانه جى يلا بقى قولولى الشغل عامل ايه
امجد تمام وبصراحة ايمن كان مظبط اوراق وحاجات كتير كنا محتجنها لما ييجى هو يبقى يشرحلك
مصطفى قعد على مكتبه ادينى مستنيه
اية كانت لسه بتغير هدومها وموبايللها رن الو
يمنى ايوى ازيك
اية بحزن كويسة
يمنى لا صوتك مش عجبنى خالص
اية هبقى كويسة
يمنى ده بخصوص مصطفى برده
اية مصطفى عرف كل حاجة
يمنى پصدمة بتقولى ايه وعمل ايه قال لصاحب الشركة
اية لا مقلش حاجة
يمنى طب احكيلى ومتقوليش مش وقته انا لزما افهم ايه البيحصل بالظبط
اية حكتلها على كل حاجة وبس ده كل الحصل
يمنى طب وهو خطب صافى دى ليه
اية الدموع فى عنيها بيقول انه بيحبها
يمنى بيحبها! طب خلاص مضايقيش نفسك اول ما الشهر مايخلص وترجعى هتلاقى نفسك نستيه خالص
اية انا نفسى ارجع بجد انا زهقت
يمنى معلش يا اية استحملى عشان خاطر ايمن
اية انا عاملة ده كله عشان خاطروا هو والله بس مكنتش اعرف ان الموضوع هيوصل لكدا
يمنى طب خلاص متزعليش بقى ايه لو عايزة ترجعة دلوقتى ولسه هتكلم
اية خلاص يايمنى مبقاش ينفع بقولك ايه انا هقفل عشان هروح الشغل وهبقى اكلمك بعدين
يمنى ماشى ياحبيبتى وخلى بالك من نفسك
اية ماشى سلام وقفلت اية معاها ونزلت عشان تروح الشركة واول ما نزلت من العمارة لقت باسم
باسم ايمن ازيك
اية بحزن كويس
باسم ايه ده هو مصطفى مش معاك
اية لا راح الشركة
باسم بخبث طب ما تركب اوصلك
اية سكتت شوية لا مش هينفع
باسم ليه
اية ماكنتش عايزة تركب عشان مصطفى ميضايقش لو شافها معاه
باسم ايه سكت ليه
اية لا مفيش داعى
باسم بستغراب ليه
اية عشان عايز اتمشى شوية
باسم لا اركب معايا بس
اية بعند لا مش هركب انا همشى عشان الحق شغلى سلام
باسم بصلها بستغراب ومكنش فاهم ليه قالت كدا وقال لنفسه بلاش
