وتين

الى والدتها بيأس ودموعها تنهمر 
حتى لو حبيته وهو حبني ما حدش هيوافق بالحب ده ..
اكيد اهله هيعترضوا وانا ما عنديش استعداد اواجه صډمه جديده...
مين دول اللي يعترضوا ... هو انتي في زيك ... اصل وفصل وادب وجمال وتعليم ..
وفوق كل ده معك قلب مش هتلاقي حد يحبك قده .. سبيها لربنا واللي فيه الخير ربنا هيعمله.. .
حولوا نظرهم الي الفتاتان المقبلتين عليهم يضحكون بسعاده وصوت عالى يعبر عن ما يكمن داخلهم من مشاعر جياشة... و يوم مليئ بالأحداث الشيقه ..
جرت صفا عليهم وهي ترتمى في احضان والدتها .. التي ضمتها بحب واشتياق طال ساعات النهار بأكمله

هتفت صفا قائله شوفى بقي أنا عندى كلام كتير اوى أوى وحصل مواقف تخيييينه جدا.
ضحك الجميع علي تعبيرها الذي جعلهم يضحكون من قلوبهم ..
أشارت ورد بيدها علي معني الكلمه اسمها تخين وفتحت زراعيها علي آخرهم ...
احكلنا بقي إيه اللي حصل من يونس الموز اللي شقلب كيانك ...
رفعت لها حاجبها وهتف پشراسه انثي تغير علي حبيبها
هو مين اللي موز خلي بالك انا بغير يا وردتي ... وغيرتى وحشه .. خاللى بالك من كلامك .. انا قلبتى وحشه فى اللى يخصني..
فالزمي حدودك .. خاليكى فى الموز بتاعك ... بدل ما السلاح يطول وانتى عارفه انها هربانه منى معايه شهادة معاملة أطفال..
استمر الجميع في الضحك وهتفت صبا يا عيني علي اللي بيغير...
بصوت خرج مندفع بتهكم يدل على قلقها ردت عليهم صفا سيبوكم من اللي بيغير دلوقتي ... 
المشكله مش في كده المشكله انه بيعشق البنات وانا مستحيل اسمح له انه يوجع قلبي .. 
هي دي المشكله تاريخه زي الزفت ... 
انا دخلت عنده على الفيسبوك والانستجرام كل الاصدقاء اللي عنده بنات 
وكميه اللف والانحراف اللي على الصور مستحيل عقلي مش قادر يستوعبها..
اقتربت من والدتها وبصوت يملئه القلق .. أمسكت يدها انصحيني يا ست الكل اعمل ايه...
ردت عليها والدتها بحكمه الام و خبرتها فى الحياه ...
طبطبت على يدها بحنان وجلست واجلستها بجوارها ..
بصوت حانى هتفت قائله اسمعيني يا بنتي انت ما لكيش دعوه باللي كان يعرفهم قبل منك..
انت تحاسبيه من لحظة مع اعترف لك بحبه وهو ده اللى يعنيكى..
وانتى تقدري تخليه ما يشوفش حد غيرك ... بالعقل يا بنت كريمه...
خاللى ميزان عقلك قدام عينيكى ... التهور يعور ...
و انتى لسه عالبر اديله فرصه لحد
ما يثبت العكس ... 
بعد كده ليكى حرية القرار وانا فى ضهرك فى اى قرار تاخديه...
هزت صفا راسها وهي تهتف بسخريه .. يا خۏفي يا كريمه اصور لك قتيل واقتل الواد ده لو عرفت أنه بيخوني...
هزت كريمه راسها متعجبه من كلام ابنتها الشعنونه.. فهى اول مره يدق قلبها للحب .. هو بالنسبه لها شعور بكر فهى تختبره لأول مره ...
ولكن بنظرة الام وتقيمها للأشخاص هتفت محدثه نفسها انا شوفت الحب فى عنين يونس ل صفا ...
ولكن بفطرة الام وقلقها على ابنتها ...فهذا الكلام بات يقلقها...
هى لا تريد لابنتها ان تمر بما مرت به فى حياتها من ألم الحب ..
تنهدت فى صمت وقلة حيله ... تاركه للايام كلمتها ولرب العباد تدابيره للأمر داعيه الله ان يفعل لابنتها ما فيه الخير والصالح ..
وحولت نظرها الى الفتيات مبتسمه كى لا تثير القلق فى نفس ابنتها ..
ضحكت صبا وهي تقترب منهم وتجلس بجوارهم هتفت مازحه ترقص لها حاجبها 
الحب ۏلع فى الدره يابت ياسعديه بصوت محمد هنيدي 
كان بدرى عليكى يااختى لما تقعى وتيجى على بوزك... فين استرونج اندبندت وومن اللى وجعه بيها دمغنا ليل نهار .. فين نصايح رضوى الشربينى اللى اكلتى بيها دمغنا ياختى...
ابتسمت لها بزهو وفرحه لمعت بعيونها وهتفت اصل الواد كريزما ابن الايه .. وأضافة وهي تشير الي قلبها قائله
لا وغير كده وانتي الصادقه ده ۏلع في قلبي .. حنيته عليا ولهفته وخوفه اللى مبيترددش ثانيه أنه يظهرهم قدام اى حد... قدر يحتويني فى وقت قليل جدا .. بحس وانا معاه انى طيره فى السما.
و رضوى موجوده هتطلعله وقت اللزوم اختك تعجبك بردوا وقت الجد يجى على كرامتى ولا يجرح قلبى وسعى من قدامها و اتقى شرها ...
بس اعمل ايه فى قلبى المهزئ على رأى سى الاستاذ حماقى
لمست ايده عملت كونتاكت
الكهربا مسكت في الشرايين
زودت الأدرينالين .. قلبي وعيني مش قادرين ... هههههه
هتفت كريمه وهي تربت علي كتفها بسخريه و تهكم محببه الي قلب ابنتها 
طب حاسبي من الڼار اصل تولع فيكي و حاسبى من الفراشات والقلوب اللى بتطلع من عيونك .. اظن كلامي مفهوم ..
عشان علي قد ما يونس متربي وأهله ناس تعرف ربنا بس يفضل انه متهور وتصرفاته مش محسوبه..
واللي زيه يبقي متهور في كل حاجه وخصوصا الحب .. 
من كلامك البنات حواليه كتير يعنى هو واخد على العلاقات الكتيره فى حياته ...
اللى والله اعلم ممكن ميكنش فيها حدود ولا التزام ... 
اظن انا كلامي مفهوم والمعنى واضح جدا ...
كان كلام كريمه ذات مغزي دفين اصاب الهدف فى مقټل فهمه الجميع ..
هزت صفا رأسها بتفهم لكلام والدتها التى اكدت لها نفس مخاوفها من علاقات يونس 
حاضر يا ست الكل متخفيش
عليا انا تربية ايدك مستيحل اخذلك او اعمل حاجه توطى راسك قدام حد وانحنت تقبل يدها .
استغربت كريمه شكل ورد وهى تقف بعيدا عنهم فى زاويه لوحدها مستمعه لما يدور بينها وبين بناتها وهى دامعة العين .. همست لنفسها بهمهمات لم يسمعها احد ... الله يسامحك يافهيمه على كسرة بنتك ... انتى مش وحشه قلبك طيب بس سمك فى لسانك .. مدب مبتفهميش لكلامك معنى .. ربنا يحنن قلبك على بنتك اللى راح مش قد اللى جاى ...
حولت نظرها الى ورد بنظرات دافئه لكى لا تشعرها بفرق بينها وبين بناتها وبصوت يكسوه الحب اشارت لها ان تاتي 
تعالي اقعدى جانبي احكيلي عامله ايه مع زياد وأمه مرتاحه ولا في حد مزعلك ... 
قولى و قرى واعترفى عيونك انتى كمان بتطلع قلوب .. هو النهارده يوم الاعترافات ..
هتفت مغيره نبرة صوتها وكانها تمثل دور فى مشهد سينمائي لكى تجعلها تسترسل فى كلامها بدون خجل ..
يادى الهنا ويادى المنى ولادى بيحبو وبيتحبو ياناس سمعونا زغروطه ياحبايب بصوت وفاء عامر ...
ابتسمت ورد بابتسامة بشوشه وهي تنظر إلي كريمه بنظرات شكر علي اهتمامها بها ...
الحمدلله زياد حنين وطيب وبيحبني ... هو صحيح عايز يتحكم فيا ولازم كل حاجه يعرفها عني ..
بس انا اتكلمت معاه وفهمته أنه لازم يسبني اتصرف براحتي ..
اما والدته دى ست طيبه وحنينه زيه بالظبط وبتحبني ودي اهم حاجه ..
ضمتها كريمه الى احضانها بحنان الام الذى تفتقده ودعت لها بصلاح الحال..
اقتربا منهم صبا وصفا ارتموا هم الاخرين فى احضان كريمه الدافئه وتجمعوا في وطن الحب وهو حضڼ الام ...
هتفت كريمه وهي تجفف دموعها فرحه بتربيتها لابنتيها وانها استطاعت ان تغرز وتعزز فيهم الصراحه والصداقه بينهم ... فباتو لا يخفو عنها شئ مهما كان حجمه او شان صاحبه ..
صاحت قائله يلا بينا عشان نتعشى وتناموا بدري... عشان ان شاء الله جدكم وجدتكم هيكونوا هنا بكره بدري .
نظرت الفتيات الى بعضهم باندهاش وقبل ان يسال احدهن اجابتهم كريمه 
ما اعرفش هم جايين ليه فجاه كده محدش يسالني معنديش اجابه ..
يلا بينا عشان نتعشى ..
انتهى الجميع من العشاء فى جو من المرح والسعاده حاولت كريمه ان تضيفه عليهم رغم آلآم قلبها الا ان فلذة اكبادها يستحقون ان يشعروا بالسعاده مهما كلفها الامر ..
دلف الجميع الى غرفهم وفي قلبهم راحه لما اباحوا به من مكنون مشاعرهم ..
أما في فيلا الشاذلي
كانت الأجواء مختلفه وخصيصا في جناح ابرار التي كانت تجلس على كرسيها الهزاز ... 
شارده الذهن تفكر في ما يحدث منذ غياب راكان ابنها البكر...
التي لم تلده ولاكن هو الأقرب الي قلبها واغلا من أبنائها ..
قطع تفكيرها الطرقات الخفيفه على باب غرفتها هتفت وتين من خلف الباب
بصوت مجهد من كثره البكاء 
امي حضرتك لسه صاحيه عايزه اتكلم معاكي شويه وانتظرت حتى يأتيها الرد من والدتها ردت عليها ابرار بهدوء ادخلي يا وتين
همت بفتح الباب دخلت تنظر الى والدتها وذهبت تجلس ارضا تحت اقدامها ووضعت رأسها على قدميها..
ظلت تبكي حتى رق قلب ابرار لها وسحبتها وصارت بها الى الأريكه..
جلست وأمسكت يدها وتحدثت بصوت يحمل خوف الأم وقلقها علي ابنتها وحيدتها وهتفت 
اسمعيني يا وتين أنا عارفه إني اتعصبت عليكي النهارده ومتأكده أنك كنتي تستحقي اكثر من كده 
بس انا ما قدرتش أقسى عليكي
انتي أتغيرتي وتصرفاتك أصبحت غير مسؤوله 
ولازم تفهمي أن بعد راكان ممكن يطول 
وممكن يسيبنا ويبعد عننا نهائي ويروح يعيش مع أهله ويتجوز ويبني أسره...
ده مش معناه أنك تدمري حياتك لازم تفهمي أن في الأول والأخر راكان مش اخوكي .. 
تنهدت قليلا وجاء فى خاطرها على ذكر أنه مش اخوها وسألتها بسؤال ذات مغزى
ممكن أعرف إيه إللي أتغير فى مشاعرك لما عرفتي أن راكان مش أخوكي ...
نظرت لها بتيهه وحيره وهي تهز رأسها ...
انا من زمان جوايا مشاعر كتير ملخبطة .... بس برجع في الأخر وبلاقي عقلي مش مستوعب غير أنه اخويا الكبير ...
اللي برمي حمولي عليه وفي نفس الوقت مش قادره أشوفه مع واحده تانيه ...
انا تعبانه يا أمي وقلبي وجعني ونفسي اترمي في حضنه.
ابتسمت لها والدتها بۏجع وغصه من مشاعر ابنتها المتخبطه وحدثتها بقلب مفطور لما وصلت اليه ابنتها ... معدش ينفع يا قلب أمك عمره ما يرضي يغضب ربنا فيكي ...
قومي نامي وسبيها علي ربنا تبات ڼار تصبح رماد...
استقامت وتين وهي تزداد حيرتها و ۏجع قلبها أكثر 
وانهمرت دموعها بكثره وغادرت الغرفه كما جاءت بلوعة الفراق وتيه المشاعر و الأفكار..
خرجت وتين وتركت ابرار تعصف بها الافكار ... صدرها يضيق عليها من ثقل السر التى تحمله .. 
استعانت بالله ليدبر لها الامر وذهبت لتتوضأ وتصلى وهي تبكي علي حال أولادها. لتناجى ربها ان يريح قلب ابنتها ويهدي أولادها للصواب
بعد يوم طويل ومرهق دلف احمد إلي الغرفه وهو يحمل على عاتقه هموم كالجبال كل مدى يستشعر عجزه فى بعد راكان عنه .. ولكن يتظاهر بالثبات حتى لا يفقد زمام امور اسرته من بين يده ..
جلس علي طرف الفراش ينتظرها حتي تقضي صلاتها ..
انتبه إلى صوتها تبكي وهي ساجده علم ما في قلبها من ۏجع وألم...
وحينما انتهت اقترب منها يجلس بجوارها ارضا يربع قدميه ويضع رأسها علي فخدييه ..
نظرت له برضا و طمأنينة فهو منذ زواجهم لم يبخل عليها ببث