امي وجوزي

سايبه بيتي وقاعده عند امي..
الام بضيق
خلاص يا اختي روحي شوفي نفسك رايحه فين يللاا..
منال
شوف ازاي في ثواني المعامله اتغيرت ليه كده بس يا حماتي ..
الام 
ولا اتغيرت يا اختي ولا حاجه انا بس تعباانه وعايزه انام روحي اطلعي بره يلا شوفي شغل البيت مع ندي..
منال
طيب بقولك ايه يا حماتي انا ممكن اروح اقعد عند امي زي ما انتي عايزه بس عندي شرط صغير لو عملتيه ليه هيريحك مني خالص..
الام 
شرط ايه يا حبيبتي كمان جايه تتشرطي عليا..
منال
طيب اشتري مني بس وانتي مس هتخسري..
الام 
قولي اللي عندك يا بت يلا وخلصيني انا مش فاضيه للرغي بتاعك ده..
منال
خلاص هقولك انا بس كنت عايزاكي تساعدي الواد اخويا اصلك زي ما انتي عارفه يا حماتي هو لسه مخلص جامعه ومش لاقي شغل فا لو عملتي ليه مشروع يبقي كده كتر الف خيرك..
الحما 
وانا ي ختي كنت خلفته ونسيته ولا ايه لااا انا قرشي غالي عليا ومصرفوش علي الفاضي..
منال بغيظ 
خلاص انتي قرشك غالي عليكي وانا كمان خطوتي غاليه ومش هسيب بيت جوزي لحظه تاني..
الام پحده 
طيب اتنيلي اطلعي يلا بره امشي يلااا اطلعي من هناا..
طلعت منال وانا سالتها بقلق وقولت
مالك بس يا منال ماما اول مره تعملها وتزعق فيكي كده. خير كفا الله الشړ..
منال
اوعي يا ندي من. وشي انا مش ناقصه نكد..
دخلت اوضتها وانا راحت لماما قولتلها
في ليه بس يا ماما مالك يا حبيبتي مټعصبه ليه كده..
الام 
ما فيش بس بقول ليكي ايه بعد كده البت منال دي تعمل اكلها وتعمل حاجتها لوحدها ما تقعدش تاكل معايا..
ندي 
طيب حصل ايه بس طمنيني ليه كنتو بتزعقو كده..
الام بعصبيه
ما خلاص انتي كمان كفاياكي لت وعجن ورحي اعمليلي كوباية شاي..
ندي
طيب رايحه اهو يا ماما..
طلعت من عندها وهي مسكت موبيلها وكلمت اسامه وقالت ليه..
الام
الحق يا اسامه البت منال جات وشكلها عارفه حاجه من اللي بينا..
اسامه 
يا نهار مش فايت وهتكون عرفت منين دي. ما انا قولت ليكي قبل كده بلاااش تديها وش حلو..
الام 
انت هتجيب الخيبه فيا المهم انا عايزه اخلص منها عشان نشوف اللي ورانا
بقي..
اسامه 
طيب هي قالت ليكي ايه بالظبط احكيلي..
الام
فضلت تلمح بحاجات كده وبعدين قالت ليا لو عايزاني اقعد عند امي اعمل ليها مشروع لاخوها..
اسامه 
اووف بقي خلاص شوفيها عايزه كام وتاخده ومن فلوسي انا المهم ما فيش حاجه تعكنن عليا كفايه بنتك ندي واسألتها..
الام
هو احنا هنصرف عليها ولا ايه دي هتاخده تسالي بعد كده وكل ما تحتاج حاجه هتجيلنا..
اسامه 
سيبي الموضوع ده عليا انا والحمد لله منال لا عيف معاها عيل ولا تيل عشان نتربط بيها..
الام
حلو الكلام ده انا فهمت قصدك خلينا وراها اما نشوف اخرتها..
_وتاني يوم الصبح كنت طالعه رايحه المدرسة ولقيت منال قاعده ومستنياني..
منال
عامله ايه يا ندي كويسه ولا لا.
ندي 
انا كويسه يا منال مش عايزه بقي تقولي ليا ايه اللي حصل معاكي انتي وماما وخلاكم تتخانقو..
منال
ولا حاجه انا بس قولت ليها مش عايزه ااا...
طلعت الام في الوقت ده وحضنت منال وقالت
حقك عليا يا منال ما تزعليش خالص ده انتي بنتي وغلاوتك عندي من غلاوة ندي والله..
ندي. 
شوفتي يا منال عشان تعرفي ان امي طيبه وبتحبك انتي واسامه زي ما بتحبني انا وعماد بالظبط..
منال بسخريه 
انتي هتقولي ليا علي حبها لاسامه علي العموم انا مش زعلانه بس حماتي عارفه ازاي هتراضيني..
الحما
اللي انتي عايزاااه يا حبيبتي انا هعمله ليكي والله..
ندي 
طيب انا همشي بقي عشان عندي شغل وهتاخر علي المدرسه..
الام 
روحي يا اختي وما تطوليش عشان تيجي تقعدي مع مرات اخوكي