ملتزمة تزوجت رجل اعمال

من دقايق 
خديجه بابتسامه من تحت البيشه ربنا يحبك ويبارك فيكي اسعدتيني بكلامك جدا يلا بقا ياجميله قولي ايه الموضوع اللي عايزه استشارتي فيه 
ياسمين بحزن انا كنت معجبه بواحد وهو كمان كان معجب بيا وكان بيفضل يبصلي كتير جدا هو اكبر مني بسنه معايه في الكليه ومعرفشي جاب الاكونت بتاعي منين وبقي بيبعتلي اني اكلمه بصراحه في البدايه مكنتش عايزه اكلمه عشان ثقة اهلي وكده علي رغم اني من عيلة غنيه وكده الا اني بابا متمسك بالعادات القديمه مينفعشي بنت تكلم ولد والكلام ده واخويه لو عرف هيقتلني عشان كده كنت خاېفه جدا 
لحد مابعت ليا انو مش عايز يتسلي ولا حاجه هو عايز يدخل البيت من بابه ولكن عايز يعرف هنتفق مع بعض ولا لا وهل انا كمان ببادلو الشعور ولا لا عشان ميجبشي اهله ويحصل احراج 
فانا الصراحه بعت ليه الرد اني بيت بابا مفتوح ويتفضل وطبعا قال هسالك كام سؤال كده وكلام ورار كلام لغاية مااتعلقت بيه وحبيته 
ياسمين وهي بټعيط ويارتني ماحبيته خسړت ثقة اهلي فيا ودلوقتي عايز يقابلني وانا رفضت قام مهددني اني هيقول لاخويه علي العلاقه اللي بينا 
ممكن الموضوع ده عند بنات كتير عادي ولكن انا لا انا قلبي بيتقطع من كتر تأنيب الضمير انا عارفه اني بعيده عن ربنا بس بجد انا مش عارفه اعمل ايه ولا اروح فين 
ياسمين وبكاءها بيزيد بالله عليكي ياخديجه ساعديني وخليكي معايه انا ضايعه ومش عارفه اعمل ايه مش عايزه اخون ثقة اهلي اكتر من كده بابا مريض مش هيستحمل اني بنتو حبيبتو تروح تكلم واحد من وراهم 
واخويه هيقتلني لوعرف اعمل ايه انا بحمد ربنا اني صاحبتي حكتلي عنك ولما حكتلي كلامك انا اتأثرت جدا وفوقت والحمد لله اني فوقت بدري قبل مااندم دنيا واخره 
خديجه بصي بقا انا مش هقول اللي عملتيه ده صح لاني انا وانتي عارفين انو غلط لانك  فاتحه الشات وبتكلميه مش خاېفه من نظرة الڠضب اللي ربنا بينظرها ليكي وانتي بتعصيه وبتجعليه اهون الناظرين حتي لو اتنين بيحبو بعض واتجوزو صدقيني العلاقه اللي بتبدأ بالحرام مستحيل ربنا يبارك فيها الا لو تابو ورجعو لربنا تاني كويس انك فوقتي 
ياسمين پبكاء طب اعمل ايه ياخديجه انا متاكده اني ربنا زعلان مني بسبب اني جعلته اهون الناظرين 
خديجه اولا اتاكدي اني ربنا غفور رحيم توبي الي الله وربنا هيقبلك ومش كده وبس لا ده هيفرح بيكي كمان من شدة فرحه بيكي النبي وصفها بواحد كان مسافر في الصحرا وهو ماشي ومعاه الجمل بتاعه وعليه الاكل والشرب اللي هيفضلو معاه لغاية مايوصل في المكان اللي رايح ليه المهم نزل وقال هنام شويه نام وصحي لقي الجمل بتاعه مش في مكانه فضل يبص يمين وشمال وفضل يبص وراه مفيش حاجه قال خلاص انا ھموت لو مش من الجوع والعطش اكيد الليل هييجي وتعبان او اي حاجه هتقضي عليا وراح نام تاني وانتظر مۏته فتح عيونو شاف الجمل بتاعه وعليه الاكل والميه من شدة فرحته قال اللهم انت عبدي وانا ربك 
يعني ربنا من شدة فرحته بتوبة عبده بيبقي اكتر من فرحة الراجل ده 
ياسمين بابتسامه ربنا رحيم قوي انا بحبه جدا وبعد كلامك ده حبيته اكتر واكتر 
بس في حاجه هو انا لازم اعترف لاخويه بالعلاقه دي اكيد مش هيثق فيا تاني 
خديجه بابتسامه مش لازم تحكي لحد الله بيحب الستر هو اسمه الستير يحب الستر والحياء ادعي ربنا يسترك واعملي للاخ اللي بتكلميه ده بلوك من حياتك ولا كانو كان موجود ومش لازم تجهري بالمعصيه ابدا ابدا وادعي ربنا يبعده عنك .وصدقيني ربنا مش هيخذلك ابدا الله حيي كريم يستحي ان يرفع العبد يده الي السماء ان يردهم صفرا قولي رجعت ليك يارب اتقبلني صدقيني هيقبلك 
ياسمين بحزن طبعا انتي اكيد اخدتي فكرة وحشه عني 
خديجه بضحك ليه كنت هتجوزك واكتشفت انك بتحبي واحد تاني هو انا اعرفك اصلا انتي مين وايه اللي جابك هنا 
ياسمين بضحك ايه فقدتي الذاكرة 
خديجه بابتسامه بصي انتي حكيتي ليا والحمد لله قررتي تفتحي صفحه جديده وبس متفكريش في الماضي حتي انا انسيني انا هبدا اتعرف عليكي من دلوقتي عايزه اتعرف علي ياسمين الجديده 
خديجه بضحك لا متفقناش علي كده احنا قلنا بعد كتب الكتاب انا من عيله محافظه لو سمحتي.
ياسمين بابتسامه بجد انتي اجمل بنت شوفتها في حياتي ربنا يبارك فيكي واكون زيك في يوم من الايام
خديجة يارب تكوني افضل واحسن مني يلا بقا هاتي رقمك عشان قررت نكون صحاب وكلمة زياده هنكون اخوات بسرعه يلا 
ياسمين بفرحه ياريت تكوني اختي بتمني من ربنا بجد نكون اخوات 
خديجه بابتسامه وهنكون احلا من الاخوات لاننا اخوات في الله 
ياسمين اخدت رقم خديجه لاني بالطبع خديجه بتنسي تسجل الارقام 
مني انتهت من المحاضره وذهبت اليهم
مني بابتسامه السلام عليكم 
خديجه وياسمين وعليكم السلام ورحمة الله وبركاته 
مني بغيظ اه ماانتي فاشله وهتفضلي طول عمرك فاشله قبليني لو نفعتي 
ياسمين تنظر لهم وتضحك من طريقة مزاحهم فقد تعرفت علي حقيقة المنتقبات فهم يمرحون ويضحكون ولكن بحدود 
خديجه باستفزاز كده يافوزي ياخويه تضحك الاجانب عليا امال لو مكنتش ام الواد اللي في بطني ده كنت عملت ايه 
مني بستفزاز معلشي ياام العيال اصلا الظاهر في بنوته قمر واقفه جنبك بفكر ارتبط بيها واسيبك بكرشك اللي كل شويه جعانه جعانه ده 
مني باستفزاز خلاص اديني ضهرك عشان اخونك من وراكي 
خديجه طلقني يامنعم مليش قاعده ليك فيها 
مني منعم مين ياوليه انا فوزي 
خديجه تتصنع التفكير يوووه هو انا مخي دفتر ياخويا
ياسمين تضحك بشدة علي مزاحهم 
خديجه بابتسامه ايه رايك ضحك من غير ذنوب اهو شوفتي بقا 
مني عرفيني مين القمر دي ياخديجه 
خديجه بابتسامه دي ياسمين صاحبتي وحبيبتي لسه متعرفين علي بعض من شوية وحبتها في الله 
مني بابتسامه اتشرفت بمعرفتك 
ياسمين انا اللي سعيده بجد اني اتعرفت عليكو انا مبسوطه قوي 
خديجه طب يااخت مبسوطه احنا بقي هنمشي عشان نلحق القطر بتاعنا والحق اضحك علي البت اللي جامبي دي بكلمتين واخد منها المحاضرة اللي ضاعت 
ياسمين وانا برده السواق مستنيني بره تعالو اوصلكو علي المحطه وارجع تاني 
خديجه لا مش انا اللي اركب عربيات مرسيدس او ملاكي زي اللي بره دي انا مبادئ متسمحليش بكده 
ياسمين بضحك مرسيدس ايه انتي لسه عايشه في الزمن