رواية كامله بقلم كريمه حماده

ايه
نوح بجمود يعنى روح
بص عمر لمريم انها تقول حاجة فمسك نوح أيدها وضغط عليها وهو بيبصله بثقة وغرور هز راسه ومشى وسابهم فلتت أيدها منه پعنف وبصتله پغضب ومشيت وطلعت برة القاعة 
اخد نفس عميق وقال الليلة الليلة هننهى كل حاجة يا مريم
______________
مريم پغضب امشى يا احمد من هنا بسرعة
فتح الباب وقال انزل انت يا احمد زى ما اتفقنا
احمد بطاعة تمام
ركب نوح العربية وقفل ازازها الكترونى ضړبته مريم من كتفه وزعقت بصوت عالى 
وقف العربية يا نوح وقف بقولك
نوح ببرود وطى صوتك يا مريم واخرسى
مريم پغضب أشد يا نوح وقف العربية بقوووولك

زود السرعة اكتر وهى خاڤت وسبتت نفسها فى الكرسى بقلق وخوف 
بعد لحظات وقفت العربية فى نفس المكان اللى اعترفت فيه مريم بكل حاجة فتح العربية ونزل وهى نزلت وراه ضړبته فى كتافه بغيظ وقال پغضب 
_ عايز ايه يا نوح آخرة اللى بتعمله دا ايه بالظبط عايزنى اسامحك تمام يا سيدى انا مسمحاك عايز ايه تانى وانا هعملهولك وترتاح
نتجوز عايز نتجوز
مريم بسخرية نتجوز والله بجد يعنى انت سامع نفسك بتقول ايه جواز ايه يا عنيا دا اللى عايزه
نوح بعبث جواز يا مريم مأذون فرح بدلة وفستان و نونو صغير نلعب بيه يا روما
مريم بحدة لعبوا بيك كورة يا بعيد بطل قلة ادب يا نوح
نوح بضحك الفاظك اتغيرت يا روما والله
مريم بغلب عايز ايه يا نوح
_ وكلامك عن نوران
اتنهد وكمل كان عشان اخليكى تكرهينى ويصدق فعلا انى متفق معاه لو كنت قولتلك من الاول رد فعلك مكانش
هيبقى زى ما عملتى بس يا مريم نوران فعلا كنت بحبها كنت بحبها حب عشرة ومودة وكنت بغير عليها جدا عشان أنا راجل وهغير على أهل بيتى نوران وقفت معايا فى كل حاجة عشان كدا عمرى هنساها
مريم بدموع طب وانا يا نوح دورى ايه معاك
انتى مريم صديقتى المقربة ايام الطفولة مريم ام شعر طويل وكان بيستفزنى ويغيظنى مريم اللى فضلت جوايا وفاكرها رغم كل السنين اللى بعدناها عن بعض دى مريم اللى ظهرت فى حياتى من تانى وطلعت عينى بعنادها وكلامها العفوى وبرضو شعرها اللى ھموت والمه كدا واخيرا عايز مريم تكون مراتى وحبيبتى وإن شاء الله ام ولادى 
سكت اخيرا واخد أنفاسه كانت بتبصله ببلاهة من كلامه ومش قادرة تنطق قرب من وشها وهمسلها بنبرة دغدغت قلبها 
بحبك بحبك يا بنت علوان بحبك يا ام شعر طويل مغلبنى ومغلب قلبى وساحرنى
ابتسمت بخجل ودقات قلبها بتتسارع كانت هتبعد بس شدد عليها وقال بنبرة عابثة 
موافقة اتجوزك والملك شعرك ياختى اللى فرحانة بيه دا
ضحكت بخفوت وأومأت بنعم بفرحة ضحك معاها وهو بيبصلها بحب 
هتفضلى مكشرة كتير يا رؤيا يا حبيبتى احنا فى فرح عيب كدا
رؤيا بضيق لو سمحت متكلمنيش
نفسى اعرف أنا عملتلك ايه اصلا
رؤيا والله مش عارف عملت ايه يا عزيز بيه
عزيز يابنتى قوليلى وانا والله يا ستى لو غلطان هصالحك
لا انا اللى غلطانة بس هتصالحنى برضو
ابتسم عزيز بغلب وقال ياربى عليكى طيب يا ستى قوليلى مالك بقى
رؤيا بقلق اول مرة اطلع من غير عيالى يا عزيز حاسة انى سبت روحى ومشيت
عزيز بحنية يا حبيبتى ما هما مش لوحدهم هما قاعدين مع ماما ومامتك
طب جعانة هاتلى اكل
عزيز باستنكار جايه ياختى انتى مش أكلة من شوية
شاورما قبل ما نوصل
لا نقنق ايه بقولك عايزة اكل
عزيز بضحك طب جيبتى كيسة سمرا ناخد فيها اكل للعيال
رؤيا بحب تعجبنى وانت فاهمنى يا عزيز يا سلطان
حبيبة قلب وروح عزيز سلطان انتى 
بس نروح يا رفيف وهوريكى على الفستان اللى لبساه دا
رفيف بضجر ما خلاص بقى يا هارون الفستان مفهوش حاجة اصلا انت اللى غيران من اللى حصل بس
هارون پغضب وكمان الهانم مش عايزانى اغير ولا ايه
رفيف بضيق هارون ممكن تهدى مينفعش كدا يا سيدى نروح بيتنا وابقى زعق براحتك بس مش هنا قصاد الناس يعنى
بصلها هارون بغيظ ومردش عليها مسكت أيده وقالت بابتسامة 
بحب غيرتك علفكرة
كتم ابتسامته وهى قالت تانى هنكد عليك علفكرة لما نروح وهسيبك انت وغيث واروح ابات عند ماما ها
دا بعينك يا عسل
رفيف بضحكة خفيفة طب خلاص صالحنى
اتنهد هارون وقال بغلب مبقدرش اخد موقف منك اصلا اعمل ايه عشقى ليكى غالبنى يا مغلبانى
رفيف بحب بحبك يا دكتور هارون
اوووف انا متوترة اوى يا حبيبة
حبيبة بحب ربنا يسعدك يا حبيبتى انتى ونوح يارب
مريم بابتسامة يارب يا بيبة يارب ويهديكى ربنا على حازم ياستى
حبيبة بضحك لا دا ياعينى هيتعب اوى معايا
مريم بغمزة بس بيحبك يا بيبة
حبيبة بتنهيدة هااااه عارفة ياختى أنه بيحبنى وانا بحبه بس برضو لسة هطلع عينه
مريم بضحك طيب يا ستى
مبارك يا روح بابا ربنا يسعدك يارب
مريم بحب الله يبارك فيك يا حبيبى
حطت أيدها فى أيده وخرجوا من الاوضة 
وقف بيها علوان قدامه وسلمهاله وقال 
خلى بالك منها يا نوح
نوح بحب فى عينيا
مسكها من أيدها واتوجهوا ناحية طرابيزة المأذون وبدأ إجراءات الكتاب واخيرا انتهى بجملته الشهيرة 
بارك الله عليكما وجمع بينكما في خير
الف
مبروك يا مريم ربنا يسعدكم يارب
مريم مبسوطة اوى انك جيتى يا رفيف انتى ودكتور هارون
رفيف بحب ازاى يعنى مجيش يا حبيبتى 
هارون سلم على نوح سلام صحابى وهو بيقول الف مبروك يا عمهم ربنا معاك يابنى
نوح بضحك يابنى بقى اعقل مش كدا
هارون بخبث هارون العزايزى مبيعقلش ابدا ابدا
غمزله نوح وقال ابقى ورثها لغيث بقى
بادله هارون نفس الابتسامة اخد رفيف ومشى بيها لمكانهم وقالت 
هتفضل طول عمرك مچنون يا هارون
هارون بعشق بيكى هارون مچنون بيكى 
يا حبيبتى بتتجوزى ليه بس مش شايفة شكلى عامل ازاى
مريم بضحك لسة رؤيا زى ما هى يا عزيز
عزيز بغلب عمرها ما هتتغير
رؤيا بغيظ باردين والله بقولك يا نوح باشا انت شكلك جنتل وابن ناس والله منصحكش بالجواز هتبوظ زى ما عزيز كدا بطاريته خلصت
نوح بعبث دانا متجوز عشان كدا اصلا
مريم بكسوف نوووح اتلم
عزيز يلا ربنا يتمملكم بخير يا جماعة وانتى تعالى بالكرنبة بتاعتك دى خلينا نقعد لتتعبى
رؤيا وهتاكلنى تانى
عزيز بحب وهأكلك تانى يا ستى هو انا ورايا غيرك 
صالحنى
_ بس يابت
يعنى معتصالحنيشى
_ لا معصالحكيش واسكتى بقى خلينى اركز فى الاكل
يارب لو مصالحتنيش بطنك ټوجعك
_ طيب
حاااازم
_ يخربيت حازم عايزة ايييه
حبيبة بخجل بحبك علفكرة
حازم پصدمة ها انتى قولتى ايه
حبيبة بكسوف لا خلاص هى مرة بتتقال
حازم بحب وانا بعشقك يا بت اصلان
مش قولتيلى ليه انك هتلبسى الحجاب
_ حبيت اعملهالك مفاجأة عجبتك
نوح بحب اوى وشكلك بقى احلى كمان
مريم والله ما مصدقة اللى بسمعه دا معقول نوح اصلان بيقول كلام رومانسى وهادى كدا
نوح بضحكة خفيفة شكلى كنت مغلبك معايا يا حلوة
مريم الحلوة تعبت اوى تعبت لغاية ما لاقت راحتها
نوح بخبث ولقتيها مع مين يا روما
مريم بصدق معاك لقيت راحتى معاك يا ابن اصلان
مريم بابتسامة نوح
همممممم
_ حابة اقولك خاطرة قريتها كدا حسيت انها بتوصفك انت
قوليها يا روما
بصتله بحب وعيون بتلمع وقالت 
لقد وجدت بطلى المفضل ولكن اللطيف فى الأمر أنه لم يكن فى رواية 
نوح بعبث لا عجبتنى علفكرة طب اقولك واحدة احلى
مريم بفرحة بجد هتقولى شعر رومانسى وكدا
اه طبعا عندك شك ولا ايه
_ طب سمعنى
عارفة ليه كنت بقولك لمى شعرك كل شوية
_ ليه !
عشان بغير عليهم وكنت عايزك تتحجبى بس البعيدة مبتفهمش 
مريم بغيظ طيب يا سيدى شكرا
بس دلوقتى زعلان والله انك لبستيه عارفة ليه
_ لييييه
نوح بعبث عشان مش هقولك لمى شعرك ياختى اللى فرحانة بيه دا
ابتدت علاقتنا بعناد وتحدى وانتهت باسمى معقود جنب اسمك 
جاء الجمال إلى مطاف عيناكى
ورمى الحسن نجوما وارتحل