أنا وحماتى

كمان مش عايزك تعامليها وحش كفايه اللي هي فيه واللي شافته انتي فاهمة ولا لا
وعند حماتي سحر بنتها قاعده معاها قالتلها
وبعدين ياما هي البت هيام هتفضل قاعدة في بيت ابوها كده كتير
ماجدة
انا مستنيه يومين كمان وأروح للراجل ابوها ده ونشوف هيقول ايه
سحر
ما زمان البت حكتلة كل حاجه
ماجده
ماتحكي هو انا كنا عملنا فيها حاجه لسمح الله
سحر
طيب لو سألك عن موضوع جوازها من ابن خالتي هتقوليلو ايه
ماجده
ملكيش دعوه انا هتصرف
سحر
ياريت تتصرفو وترجعوها بسرعة شقتي عايزة تتنضف ياما وحماتي كل شويه تهزق فيا وكمان انا قربت اولد يعنى لازم تتنضف في أسرع وقت

ماجدة
اتنيلي بقا واسكتي لحد مانشوف هنعمل ايه
سعيد
هنروح نجيب البت هيام امتى يا أمي من بيت ابوها
ماجده
انا هاروح انا اجيبها انت مش جاي معايا
سعيد
احسن برضو روحي انتي بدال متخانق مع الراجل ابوها ده
وجه خالد عند حماتي
خالد
امال هيام فين ياخالتي مش باينة هي مش موجوده ولا ايه
ماجدة بارتباك
هيام لا مش موجودة انا اصل بعتها عند عمتها تقعد عندها يومين وترجع
خالد
ااه طيب تمام ترجع بالسلامة ان شاء الله
وفي يوم جات حماتي عند بابا عشان تصالحني
ودخلت قبلتها ميرفت
ميرفت
منورة يام سعيد
ماجدة
ده نورك ياميرفت بقا كده ياهيام تسيبي بيتك المده دي كلها يعني سعيد مش وحشك يابت
هيام
سعيد هو اللي عايز يتخلى عني ياحماتي
ماجده
دلوقتي بقيت حماتك ياهيام بعد ما كنت ماما لا انا زعلانة منك
وسبتها قاعدة مع بابا ودخلت اوضتي
فوزي
امال سعيد مجاش معاكي ليه ياحجة
ماجدة
كان جاي معايا ياخويا بس حصلت ظروف في الشغل واضطر يروح
فوزي
امال ايه الكلام اللي هيام بتقولو ده صحيح انتو كنتو بتشغلوها في بيوت الناس وتاخدي من وراها فلوس وايه حكاية انك عايزة تجوزيها لابن اختك دي
ماجدة
لا لا يا ابو هيام احنا نعمل كده في بنتنا نشغلها في البيوت ليه بس هي تقصد المرة اللي راحت فيها تنضف اسحر بنتي بس عشان عقبال ماشيل لهيام يارب حامل وتعبانة تبقا كده بتخدمها دي تعتبر عمتها ولا ايه يابو هيام
فوزي 
وايه حكاية الجوازة دي بقا
ماجدة 
ياخويا انا كنت بهزر معاها بقا هو معقوله ابني سعيد يتخلى عن مراتة حبيبتة لا طبعا الكلام ده عمره مايحصل ابدا
فوزي
طيب انا هدخلها واجيبها
ودخل
بابا عندي وميرفت قالت لحماتي 
هي ايه العبارة يام سعيد فهميني الحوار بالظبط
ماجدة
انا هحكيلك كل حاجه بس اسمعي تعرفي تساعديني وليكي الحلاوة
ميرفت
هي العبارة فيها خير يعني ولا ايه
ماجدة
ده خير كتير اوووي ياميرفت بس المخفية هيام توافق وانتي ينوبك من الخير ده
ميرفت 
ماشي وانا معاكي في اي حاجة
فوزي 
سمعتي حماتك قالت ايه ياهيام
هيام 
دي ست كدابة يابابا بتعمل شويتين عليك عشان ترجعني لابنها ويذلوني
فوزي
اسمعي ياهيام الكلمتين دول يابنتي الست ملهاش غير بيت جوزها وانا مش هعيشلك العمر كله يبقا لازم تعيشي وبعدين اكيد كان في سؤ تفاهم وهي كانت بتهزر وانتي فهمتي غلط فوتي وخلاص عشان المركب تمشي
هيام بقلة حيله 
حاضر يابابا هعيش
ورجعت البيت مع حماتي لقيت سعيد بيرحب بيا وبيقولي
حبيبتى ياهيومة وحشتيني اوي ده البيت كان وحش من غيرك والله
هيام
انا هطلع شقتي ارتاح عن اذنكم
ماجدة
اطلع وراها ياسعيد واعمل اللي اتفقنا عليه لو موافقتش برضو وركبت دماغها يبقا هنعمل الحل التاني يلا
سعيد
نورتي بيتك ياقمر بقا كده تسبيني الفترة دي كلها مانتي اني مبحبش اكل غير من ايدك
هيام 
انت اللي وصلتني لكده ياسعيد انت اللي عايز تسبني
سعيد 
يعني ياهيومة عشان عايز مصلحتنا تقولي اني عايز اسيبك
هيام 
مصلحتنا في انك تجوزني واحد غني لا ياسعيد الله الغني ياحبيبي ولو سمحت متتكلمش