بقلم سالي محمد الجزء الثاني
كالعاده ف ظل ف المنزل فقلقت والدته وصعدت لتراه وفتح لها الباب
والدته اي دا يا اياد مانزلتش ليه ومالك كدا مكشر ليه
اياد مافيش ياماما تعبان شويه انا هنام
والدته يعني مش هتروح الشغل
اياد لا بعد اذنك مزاجي متعكر شويه
والدته طيب انا هسيبك تنام وذهبت الي بيتها واتصلت لياسمين
سعاد صباح الخير ياسوما
ياسمين صباح الخير ياماما اخبارك اي
سعاد انا تمام بس اياد مش تمام خالص وقاعده ف شقتكم فوق ومش عايز ينزل باين عليه زعلان جدا
ياسمين القصه انه اما قولتله انا رايحه عندي اهلي قالي تمام واتفقنا ع الطلاق فيارا صحبتي قالتلي ان اخوها عايز يقابلني عشان نعمل خطوبه مزيفه وبكدا اياد يغير عليا ويرجعلي وينسي هدي بتاعته بس للاحظ ان اياد كان ف نفس المطعم مع هدي وشافني مع مصطفي وحصلت مشكله قدام الناس واخدني لبابا واتهمني ف شرفي قدامهم وماما هزأته وبابا وهو خرج زعلان
ياسمين معني كدا ان الخطه ماشيه صح وكمان يارا بحثت عنها ولقيتها ع النت هتعمل خطه توقعها
والدته ربنا معاكوا ان شاء يرجعلك بإرادته انا هقفل عشان عندي شغل وهبقي اكلمك واعرف التفاصيل سلام
ياسمين سلام جلست ياسمين لتناول الفطور مع اخويها ووالدتها ووالدها واذ بيارا تدق الجرس فتح لها حسن الباب
يارا صباح الخير الله دا حماتي بتحبني بقي حلقت الفطار وجلست تأكل
يارا والطعام ف فمها الله الاكل حلو قوي
والدتها سبيها ع راحتها يا ياسمين
يارا حبيبتي ياطنط والله يابت انا بخدمك راعيني شويه واد ياحسن ماتخرجش عايزاك بعد الاكل
حسن عايزاني اه ربنا يستر
ياسمين معلش ياحسن نشوفها عايزة اي الهبله دي ضحك الجميع
يارا انا برضو اللي هبله بعد الانتهاء من تناول الطعام
يارا شاي بقي ياطنط او نسكافيه لو فيه تعالي ياحسن انت وياسمين
يارا بصوا بقي هدي دي لعبيه ولازم نلعب عليها عشان نكشفها لا ياد لانه حتي لو بيحبك ياهانم هتصعب عليه رفيقه الكفاح وخصوصا ان صورتها حلوة قدامه فاحنا لازم نكشفها
يارا ما انت الشاب الوسيم اللي هيلعب عليها والله طلعت تمام وفعلا بتحبه مش هتعبرك طلعت زي ما انا متوقعه هتقع من اول كلمه نختبرها ونشوف
ياسمين لا يا يارا بلاش احنا برضو بنات ناس
يارا ودي تبقي بنت ناس الي ټخطف راجل من مراته وفسح وغدا وهدايا اسكتي انتي ياد ياحسن هتعرف تعمل كدا
حسن انا ابو كدا
يارا اه يامعفن طيب اعمل ايميل يلا ولو عندك ايميل تاني كلمها عليه
حسن عندي عشره اديني ايميلها بس انتي وانا هتصرف
يارا عاش ياوحش افتح الإيميل
حسن اهو وتم ابحثي
يارا اهي هي دي أتصرف من دلوقتي
يارا ماشي تعالي يا ياسمين تحبي نخرج تمشي شويه ونشرب عصير بره
ياسمين يلا وانا يعني ورايا اي
يارا طيب البسي بدلت ياسمين ملابسها وخرجت هي ويارا
يارا ايوة كدا فرفشي ياسو زي زمان تيجي ناكل ترمس يلا هعزمك وامري لله
ياسمين يلا يامعفنه ما ياما عزمتك
يارا طيب ياستي ف ذلك الوقت كان اياد مكتئب واتصلت به هدي
اياد اي ياهدي مش قولتلك تعبان مش عايز اتكلم مع حد
هدي ف اي يا اياد انت عايز تسبني مثلا بعد كل الي حصل وشرعت بالبكاءكل دا عشان بحبك طيب ياسيدي انا هقفل
اياد لا ياهدي انا اسف بس نفسيتي وحشه
هدي تيجي نخرج ونتفسح زي زمان
اياد خليها بكرا اكون روقت شويه
هدي ماشي بس خلي بالك انت اتغيرت معايا يابنات معلش هقفل النت يومين معلش بقي استحملوني اليومين دول يتبع
الحلقه
تزوجني رغما عنه
شرع حسن بالعمل وارسل الي هدي طلب صداقه ووضع صورته الشخصيه ع البروفايل نظرت هدي الي صورته وجدته شاب وسيم وغني ويركب سياره فاخره
هدي اوبا انت وقعت ولا الهوي رماك اكيد عجبته صورتي يلا اقبل طلبه ونشوف يمكن يبقي غنيمه سهله بدل اياد اللي مابقاش زي الاول قبلت هدي طلب الصداقه
وارسلت له رساله
هدي هاي
حسن لياسمين البت قبلت الطلب وبعتت رساله كمان بسهوله اهي
ياسمين كنت متاكده انها
هتقبل خصوصا لما تشوف لبسك والعربيه الفخمه
حسن اكيد يلا هفتح معاها حوار اطرقي انتي
ياسمين اطرق يامعفن افتكر ان ليك اخت ماتعملش معاها حاجه غلط
حسن والله عيب عليكي انا وش ذلك
ياسمين انت ذلك نفسه ياحبيبي يلا انا هروح اساعد ماما ف الغدا
حسن يبقي احسن برضو ذهبت ياسمين وبدا حسن بالحديث مع هدي
حسن هاي انا حسن وانتي
هدي اسمي ع البروفايل هدي اي مابتقراش
حسن لا بقرأ بس حابب اسمعه منك اي رأيك نتكلم صوت مش احسن
هدي اي دا انت داخل حامي وعايز رقمي كدا ع طول
حسن يبقي كرم منك لو ادتيني الرقم
هدي امممم ياضرش اكتب عندك 01000000000
حسن دا رقمك
هدي اه اتصل عشان اسيف رقمك
حسن عيوني وف باله دي اسهل شقطه اشقطها والله
هدي اهو رن دا رقمك اخره
حسن اه ردي عليا
هدي بيس يامان واجابت ع الهاتف
حسن ياصباح الورد
هدي صباحك بلدي انت حسن بقي
حسن والله حسن بس انتي احسن
هدي هههههههههههه دمك خفيف
حسن ووسيم واموت ف الاحمر
هدي لا قلت ادب هقفل السكه
حسن انتي فهمتي اي انا غرضي شريف
هدي اه بحسب واي هو غرضك
حسن نتقابل نتعرف انا عندي عربيه شوفتيها فالصور وبابا غني وبجهز الشقه بس لسا ملقتش بنت الحلال اللي تستاهل
هدي امممم ان شاء الله تلاقي
حسن يارب دي هتعيش ف عز ونغنغه وهخليها ملكه انتي مرتبطه صحيح
هدي بفرحه انا لا طبعا لسا ف الجامعه ومش مرتبطه خالص انسه سنجل
حسن جري اي ياجدعان هي الرجاله اتعمت اما انتي سنجل انا ابقي اي
هدي تبقي اي هاهاهاي
حسن حلاوته اللذيذ انا سنجل ووحيد ومحتاج انيس
هدي هههههههههههه دمك خفيف يامضروب
حسن قولتي اي نتقابل ونتفاهم
هدي بسرعه كدا
حسن هو ف احسن من السرعه ولا انتي خاېفه مني
هدي انا مابخفش وعشان اثبتلك هقابلك
حسن تمام حددي المكان والمعاد الي تحبيه انا فاضي
هدي تمام يبقي بكرا بعد المغرب هفكر ف مكان واقولك ف ذلك الوقت كانت ياسمين تساعد والدتها واياد مستلقي ع سريره وف حاله اكتئاب شديد ولا يعلم ماذا يفعل وانتهي تفكيره ان هدي لم تفعل شيئ وهي حبيبته ولا يستطيع خذلانها فاتصل بها
اياد دودوي حبيبي بتعملي اي
هدي قاعده ف البيت هعمل اي ماحضرتك مطنشني
اياد طيب يلا البسي نخرج
هدي حالا قابلني ف مكانا يلا سلام انهت هدي الحديث مع اياد واغلقت النت دون ان تعطي حسن رد اكيد اين يتقابلوا غدا جاءت يارا الي منزل ياسمين
ياراسوما حبيبتي ها حسن عمل اي
ياسمين ادخلي تعالي نساله دخلو غرفت حسن
يارا ها ياحسن عملت اي ف الساعتين الي سبتك فيهم
حسن عيب دا انا سونا هنتقابل بكرا بس مش عارف قفلت مره وحده بسرعه
ياسمين العصر اذن اكيد خرجت تقابله
يارا ايوة ابعصر اذن وفين الغدا بطني بتوصوص من الجوع
ياسمين انتي دايما مفجوعه اسمها بتصوصو ياختي الاكل جاهز
يارا ياتري اللي بفكر فيه ثح
حسن بتفكري ف اي يا فصيحه
يارا ياتري امكم عملت
