رسالة بجنب الفستان

 

اخواتك .
بصتلها لمار بزعل وردت مكنش ينفع اقولك حاجه ياماما .
زعقت فردوس وقالت بسخريه ليه ان شاء الله اتقص لسانك ولا ايه!
ردت لمار بضيق عشان كنا بنمر بظروف صعبه فامقدرتش اشعل بالك اكتر.
ردت فردوس بضيق كفايه مبررات فارغه اصلا حسابكم معايا فى البيت.
ردت تارا بسرعه بلاش البيت ياماما عشان صحه بابا.

بصتلها فردوس وردت بسخرية اللى يشوفك وانتى بتتكلمى عن صحه ابوكى ميشوفكيش وانتى واقفه فى ضهر الصايع بتاعك....انا مش قادرة اصدق انك كنتى موفقاه على الخطڤ.
ردت تارا بتبرير والله ياماما مكنتش اعرف انه هيعمل كدة.
ردت فردوس انا خلاص قرفت منكم ومبقتش مصدقه ولا واحدة فيكم.
ردت صبا بملل اهدى ياماما .
زعقت فردوس اخرسى انتى كمان.
اما فرى وچاك كانو بيبصو لبعض بقله حيله وعقلهم مشغول بوالدهم وباللى حصل معاهم فى المخزن اما عدى واخيرا انتبه لصوت تليفونه ورد على اخوه ب نعم يامنذر.
فى الجهه التانيه
رد منذر بلهفه وقف العربيه بسرعه ياعدى ....وقفها بسرعه.
قلق عدى ورد باستغراب فى ايه يامنذر
انتبهو البنات لطريقه عدى فى الكلام وبصوله بقلق لحد ماسمعوه بيقول بفجعه قنبله ايه دى...وازاى اتحطت فى العربيه
الكل اتخضو من كلامه وبدأت صبا تسأل بقلق فى ايه ياعدى
اتكلم
عدى وقال فى قنبله فى العربيه.
اتخضت فردوس وردت يالهوى ....قنبله!!
خافو البناات جدا وفضلو يبصو لبعض وهما سامعين عدى بيكمل كلامه وبيرد على اخوه القنبله فى انهى مكان فى العربيه.
رد منذر بعصبية المهم توقف العربيه الاول وتبعدو عنها على قد ماتقدرو .
حاول عدى يوقف العربيه ولكن الصدمه

لما قال الفرامل بايظه والعربيه مش عايزة تقف.
حطو البناات اديهم على بقهم بفجعه وفردوس زعقت بعصبية نتيجه فلت اعصابها يعنى اييييه مش عارف توقف العربيه.
رد عدى بتوتر مش عارف ايه اللى حصل للفرامل.
وعلى الجهه التانيه زاد التوتر بين الشباب وهما سامعين عدى لحد مازعق حمزة وقال احنا هنفضل واقفين متربطين كدة ....خلينا نلحقهم.
بصلو منذر وبعدين بص لفارس وقاله بلهوجه يلا بينا.
وفعلا اتجهو الشباب لعربياتهم واتفاجئو ان عربيتهم فيها نفس مشكله عدى والفرامل بايظه وفى قنبله فى ضهر كل عربيه فابصو لبعض بضيق وبدأو يشتمو بسبب فلت اعصابهم لحد ماجرى فارس برة الجراچ وبدأ يشاور لأى عربيه بتظهر قدامه واتبعه منذر وحمزة واتصل منذر بعدى مرة تانيه وسأله انتو فين دلوقتى 
اتكلم عدى بتوتر وعرفه مكانهم فارد منذر پغضب خليك ماشى بالعربيه وانا هقابلك .
اتكلم عدى بتوتر تمام تمام....بس بسرعة.
واخيرا الشباب شافو عربيه نقل جايا من بعيد فاجرى منذر ناحيه العربيه وفارس وحمزة وقفو فى نص الطريق بينطو زى المجانين وبيشاورو بأديهم للعربيه .لدرجه ان السواق اتوتر وبيبصلهم بأستغراب واضطر يركن على جمب بسبب وقوف الشباب فى نص الشارع .فااتجهو الشباب بسرعه وبدأ منذر الكلام بلهوجه خدنا معاك وانا هديك اللى انت عايزة.
رد السواق بتوتر هو فى ايه....انتو مين!
رد حمزة بسرعه احنا محتاجين المساعدة ....لو سمحت ساعدنا.
اتكلم فارس بلهوجه بسرعه بالله عليك ...مفيش وقت.
اتكلم السواق بلقلق ليكون وراكم مصېبه وتدبسونى فيها.
بص منذر للشباب پغضب وقال بنفاذ صبر يلا اطعو فى العربيه.
واول مالسواق شافهم بيركبو العربيه بدأ يزعق ويقول جرى ايه ياجدع انت انتو رايحين فين....متخلونيش اطلب البوليس.
ركب منذر وفارس فى العربيه من الخلف اما حمزة ركب جمب السواق وقاله يلا ياعم اطلع الله يرضى عليك.
اتكلم السواق بعصبية استغفر الله العظيم يارب ....انتو عايزين منى ايه بالظبط
طلع حمزة الشيكات من جيبه وكتب اسمه على ورقه منهم وعطاها للسواق وقاله دة شيك مفتوح اكتب فيه اللى انت عايزة ....بس المهم تطلع بسرعه.
بص السواق للشيك وقاله بسخريه دة انت طلعت بيه بقا.
اتكلم حمزة بضيق ماتطلع بقاااااا.
اما فارس ومنذر كانو واقفين على العربيه النقل من فوق وبيبصو للطريق بكل ڠضب ومنذر طلع الفون واتكلم مع عدى وبدأ يوصفله مكانه .وبعد فترة شاف فارس عربيه عدى وشاور عليها وقال اهم هناك..
انتبه منذر للعربيه واتحرك بسرعه ونده على حمزة وقاله امشى ناحيه العربيه السودة اللى هناك بسرعه.
انتبه حمزة لكلام منذر وبص للسواق وعاد الكلام مرة تانيه وفعلا ساق عربيته ناحيه العربيه السودة لحد ماوصل عندها و مشى جمبها بالتوازى .
فانتبهت لمار للعربيه وعنيها جت على منذر وهو واقف فوق العربيه وماسك تليفونه بأيده وبيكلم عدى لحد ماعينه جت فى عنيها فارد على عدى ب خليك سايق وانا هسحب البناات .
رد عدى پخوف ازاى هتسحبهم والعربيه ماشيه....افرض حد حصله حاجه.
رد منذر پغضب هنوازى العربيتين وهسحب البنات واحدة ورا التانيه وفى الاخر انت وچاك هتنطو على الجانب التانى .
رد عدى پخوف دى خطۏرة كبيرة يامنذر وانا ..
قاطعه منذر بزعيق جمد قلبك ياعدى وخلينا ننجز وكل حاجه هتبقا تمام.
كانو البنات بيبصو لبعض پخوف وهما سامعين خطه منذر لحد ماچاك اتكلم بقلق مفيش حل تانى ياعدى ....فاخلينا نعمل زى ماأخوك بيقول.
ردت فردوس پخوف لا لا افرض حصل حاجه لبناتى ....لا لا مستحيل.
رد چاك بتوتر ادعلنا .
بصت صبا للمار وقالت بعياط انا خاېفه اوى.
مسكت لمار اديها وفضلت ټعيط وحتى تارا بصتلهم بدموع وقالت انا مش هقدر اعمل كدة ....اصلا ازاى هنطلع من عربيه لعربيه.
رد عدى بقلق ه..هنفتح باب العربيه و ومنذر هيسحبكم.
حطت لمار اديها على بقها پخوف وقالت بعياط يالهوى ...طب ازاى بس
اتكلمت فردوس حاول ياعدى تستعمل الفرامل يمكن ربنا يساعدك.
فجأه انتبهو البنات على فرى ولقوها اغمى عليها من فلت اعصابها فاندت صبا عليها بقلق فرى فرى...مالك يافرى فوقى.
بص عدى عليها من مرايه العربيه پخوف وقال فى ايه اللى حصلها.
ردت صبا بعياط اغمى عليها.
اتكلمت تارا بعياط ثوانى انا معايا برفان.
ردت لمار بعياط بسرعه هاتيه.
اما چاك كان بيبصلهم بقلق واتعقد لسانه بسبب فلت اعصابه .
اما فارس بص لمنذر وقاله پغضب احنا لحد دلوقتى منعرفش مدة القنبله قد ايه وخاېف ټنفجر فى اى لحظه.
غمض منذر عينه وضغط على ايده بقوة وهو بيفكر فى كلامه فابيزيد الخۏف فى قلبه والتزم الصمت لحد ماسمع عدى بيقول فى الفون فرى اغمى عليها يامنذر....هتسحبها ازاى
بص منذر لفارس وقال بضيق فرى اغمى عليها.
بصله فارس بتفاجئ وخبط ايده فى العربيه بقوة ورجع قال لمنذر تمام تمام هتصرف انا .... المهم خليهم يطلعو بقا.
اتكلم منذر بزعيق نتيجه فلت اعصابه يلاااا ياعدى افتح باب العربيه وسيب فرى مع فردوس للأخر .
اتكلمت لمار بعياط انا مش هسيب ماما للأخر الله اعلم ايه اللى ممكن يحصل.
سمعها منذر وفكر فى كلامها وقال بزعيق خلاص خلى لمار تطلع الاول.
اتكلمت لمار بعياط خلينى فى الاخر وخلى ماما واخواتى يطلعو الاول.
اتكلمت فردوس پخوف لا مش هسبكم واطلع.
زعق منذر وقال خلصو مفيش وقت....واصلا كلكم هتطلعو ومحدش هيحصله حاجه.
اتكلمت تارا وقالت بعياط طب....خلينا نبتدى بفرى الاول.
بصلها عدى فى المرايه ورد على اخوه يامنذر انا خاېف نضحى بحد فيهم ...
سحب فارس الفون من منذر بعصبيه وزعف وقال انجز ياعدى مفيش وقت وممكن القنبله ټنفجر فى اى لحظة .
بص عدى للبناات فى المرايه وقالهم پخوف طلعو فرى عشان لو فضلت للاخر مش هنعرف نطلعها.
بصلهم چاك وقال پخوف اعتبروها اختكم ومتخلوهاش تتأذى ارجوكم.
لما سمعت صبا صوت فارس وعرفت انه واقف جمب منذر حست ان قلبها اطمن للحظة فاقررت تقول بدموع انا هطلع الاول.
بصتلها فردوس وقالت پخوف ياصبا....
قاطعتها صبا وقال بدموع هطلع ياماما وان شاء الله مش هيحصل حاجه.
كان فارس ماسك الفون وسامع قرار صبا فابص لمنذر وقال بقلق صبا اللى هتطلع الاول ...وانا هسحبها.
بصله منذر وهز راسه بنعم .
وفعلا بدأت العربيات تاخد وضعها واتحركت العربيه النقل مع عربيه عدى جمب بعض بالتوازى اما فارس ومنذر فتحو العربيه النقل من الجنب الايسر اتجاه عربيه عدى ....ووقتها فتحت صبا باب عربيه عدى وطلعت راسها ببطئ وبصت للعربيه النقل پخوف لحد ماجت عنيها فى عيون فارس اللى
قالها مټخافيش ....هاتى ايدك.
بلعت ريقها وحطت اديها على جوانب عربيه عدى وفضلت باصه لفارس پخوف وبعدين جمدت قلبها ومدت اديها ببطئ ورعشه لفارس اللى اول مامسك اديها قالها اهدى ومتقلقيش ....وحاولى تحطى رجلك على بدايه العربيه وانا هسحبك.
حس فارس برعشه اديها ونظرات عيونها وسمعها بتقول بدموع انا خاېفه اوى.
رد قالها بأطمأنان رغم عاصفه الخۏف اللى جواه متقلقيش ومتسبيش ايدى .... وانا معاكى مش هسيبك.
بصتله وبعدين مدت رجليها ببطئ وهى بتدعى من جواها وغمضت عنيها بقوة وفجأه لقت نفسها بتتسحب بقوة فى الهوا فاصرخت من الخۏف لحد ماوقعت على فارس اللى اخدها فى حضنه بقوة وغمض عينه وكأن قلبه هدأ اما صبا فضلت ټعيط من فلت اعصابها.
ومنذر وقتها كان ماسك فارس

من ضهره بقوة عشان يقدر يثبت فارس ولما لقا صبا وصلت بالسلامه حس بالراحه للحظة وبعدين زعق وقال يلا يالمار.
بصت لمار لأختها وقالت اطلعى ياتارا.
ردت فردوس پخوف استر يارب.
اتكلمت لمار بدموع متقلقيش ياماما ....الحمدلله صبا وصلت بالسلامه .
ردت فردوس پخوف يارب يحميكم يارب.
وطلعت تارا بنفس الطريقه وكان جواها خوف الدنيا فى قلبها لحد ماوصلت وحضنت اختها صبا بقوة ....وبعد لحظات بدأت فرى تفوق تدريجيا وهنا شالتها فردوس وبدأت تطلعها ببطئ من العربيه لحد ماسحبها منذر وفارس بسرعه ووصلت بالسلامه للعربيه التانيه ..وجه الدور على فردوس وهى بتطلع وبتدعى من جواها لحد مامسكت ايد منذر اللى قالها متقلقيش ....واوثقى فيا.
بصتله فردوس للحظه وبعدين غمضت عنيها وبدأت تطلع پخوف لحد ماسحبها منذر بسرعه ووصلها للعربيه فابعد ماهدت اعصابها بصتله بأمتنان رغم ڠضبها منه لحد ماجه الدور على لمار اللى بصت لمنذر پخوف واول ماشافته مد ايده لها مسكت ايده بقوة ومدت رجليها ببطئ فالقته سحبها بسرعه واخدها فى حضنه ونفخ بقوة وفضل يضمها جامد لدرجه انها حست ان عضمها هيتكسر بين ايده ولكنها بادلته الحضن ودفست راسها فى رقبته وحركت راسها على كتفه برقه وكأن قلبها اطمن ...
اما عدى وچاك بصو للجه التانيه واتكلم عدى بضيق هعد لتلاته وبعدين هنط من العربيه.
اتكلم چاك پخوف تمام تمام.
وفعلا بعد لحظات اسرع عدى بالعربيه وبعد الرقم ٣ نطو الاتنين من العربيه بسرعه وفضلو يتقلبو على وشهم لحد ماجسمهم ثبت فى مكان ما . وهنا ركن السواق عربيته ونزلو الشباب من العربيه وجرو ناحيه عدى وچاك بلهفه.
ولما شافوهم كان حالهم يصعب على الكافر بسبب الخدوس الكتير اللى غيرت ملامحهم وفجأه صړخ چاك وقال مش حاسس بأيدى اااااه
قام عدى ببطئ بسبب وقعته وفجأه شافو عربيتهم اڼفجرت بقوة .
..
يتبع....
نصيبى وقسمتى
البارت 34
كانو متجمعين فى احد المستشفيات القريبه من المكان اللى حصل فيه الانفجار ووقفين قدام بعض لا حول لهم ولا قوة