كيان ج2
انها تعترف انها عملت كل حاجه بارداتها وانها الموجوده في الصوره وبالفعل حصل وقالت لليل كده وكمان باسم قال لليل ان كيان هي اللي مضت والدها عن تنازل الاملاك علشان تهرب معاه
ليل طلق كيان وقتها كيان عرفت انها حامل الطفل بالنسبه ليها كان اخر حاجه من ليل بس للاسف ماټ وهي بتولد
بس وده كل اللي حصل ووصلنا لهنا
سليم......وانتي مش ندمانه ان ده كله حصلها بسببك
زهره بحزن.....ندمانه صدقني انا عمري ما حبيت ولا هحبه باسم دخل علي العيله زي ڼار اللي كلت كل حاجه
سليم.......انشاء الله كل حاجه هتتصلح
زهره طلعت اوضتها وسليم خرج
عند كيان صحيت من النوم ملقيتش ليل في الاوضه دخلت الحمام خدت دوش وطلعت لبست هدومها وبتحاول تفتح الباب مكنش بيفتح معاها
كيان......معقول ليل يكون قافل الباب علشان مطلعش عشان حفله حبيبه القلب
كيان بصت علي الشباك وراحت فتحته ونطت وقفلته تاني
دخلت الفيلا ومن حسن حظها مقابلتش ليل طلعت علي اوضه زهره فتحتها ودخلت زهره اتخضت.....في اي يخربيتك خضيتيني
كيان وهي بتبص للفساتين.....الفساتين دي ليكي
كيان.....مفيش بس عايزه فستان علشان البسه
زهره.....كياااان
كيان بضجر.....في اي عايزه فستان هتديني ولا لا
زهره....هتعملي اي
كيان.....هحضر خطوبه جوزي
زهره.....كنت متاكده انجزي قبل ما ييجي بسرعه
كيان خدت فستان طويل ومفتوح من الضهر بفتحه كبيره وفتحه من الجمب طويله لحد اخر رجلها باللون الاسود
زهره.....هتلبسي ده انتي عايزه ليل يموتنا ولا اي
كيان.....انا اللي ھموت مش انتي ادعيلي
كيان خرجت من الفيلا وراحت الاوضه دخلت من الشباك
مرت ساعه والضيوف بدأوا يوصلوا ليل كان لابس بدله سوداء وقميص ابيض مفتوح
الحفله بدات وسمر كانت حاطه مساحيق تجميل كتيره علي وشها ولابسه فستان قصير للركبه وسايبه شعرها اللي واصل لكتفها
زهره كانت لابسه فستان لحد الركبه ولامه شعرها وكانت جميله
سليم كان مراقبها بعينيه وبص للبسها اللي معجبوش بسبب انه كان كاشف معظم تفاصيل جسمها
ليل كان واقف وبيتكلم هو وبعض رجال الاعمال لحد ما النور كله انطفئ
وفي نور بسيط علي باب الفيلا كله بص ناحيه باب شافوا ملاك نازله
ليل اتصنم مكانه من جمالها بص حواليه لقي الكل بيبص ليها
كيان وهي ماشيه بتعد الخطوات.....استر يارب كده قاعدلي ثواني وهكون في عداد المۏتي رجعوني الاوضه تاني
ليل لكل الموجودين.....ياريت كل واحد يبص قدامه او يبص علي مراته احسن ليل
ليل قرب من كيان ومسكها من ايدها بقوه.....عجبك منظرك كده قدام الناس
كيان.....ايوه عاجبني
الفصل_الثالث_عشر
ليل.....كيان لمي الدور واطلعي غيري القرف ده
كيان بعند سحبت ايدها.....لا يا ليل انت ملكش حاجه عندي علشان تقولي اعمل ومعملش اي وبعدين اعتبرني ضيفه جايه احضر خطوبتك
ليل.....كياااان انا قولت روحي غيري الهدوم دي والا
كيان قربت منه وحطت ايدها علي صدره.....مش هغير يا ليل وكفايه كده لان الناس بتتفرج علينا وشكلنا هيبقي وحش
ليل......ماشي يا كيان دقيقه واحده وراجعلك واياكي ثم اياكي تتحركي من مكانك فاهمه
كيان ببرائه......فاهمه يا روحي
ليل مشي وكيان ابتسمت وبصت للحفله حواليها واتكلمت.....بق ده كله للجربوعه دي اما وريتها ووريتك يا ليل
شاب قرب من كيان واتكلم....ممكن نتعرف
كيان رفعت حاجبها وبصت ليه.....نعم
الشاب....بقولك ممكن نتعرف انا سمير وانتي
كيان لسه هترد لقيت ليل باصص عليهم ابتسمت واتكلمت بلطف.....اهلا بحضرتك وانا كيان
سمير.....اسمك حلو اوي زي صحبته
كيان.....شكرا لحضرتك
سمير......انتي متجوزه
كيان......للاسف بس مش مشكله
سمير......يعني انتي متزوجه مش باين عليكي
كيان ضحكت وده عصب ليل
زهره كانت واقفه بتبص للمسبح سليم قرب منها واتكلم.....مش شايفه ان الفستان ده قصير اوي وكمان عريان شويه
زهره بصت ليه باستغراب.....وانت يخصك في اي
سليم مط شفايفه......يمكن علشان الكل بيبص عليكى وده شئ مش لطيف
زهره.......بالنسبة ليك
سليم اتعصب وحاول يتكلم بهدوء......يعني انتي شايفه ان الكل يبصوا ليكي عادي وكل من هب ودب يشوفك بالمنظر ده
زهره بانفعال.......وانت اي اللي مزعلك انا حره البس اللي عايزاه
سليم......بس ده مش اسلوب لبس يا زهره ده لبس رقصات
زهره......انت قصدك اي بكلامك
سليم......اكيد انتي فهمتي قصدي وياريت تغيري هدومك دي علشان ميحصلش مشكله
زهره.....اه ومين بقا اللي هيعمل المشكله انت بقا
سليم......زهررررره
زهره ببرود.....نعم حضرتك انت اللي اتدخلت في حاجه متخصكش دي حياتي انا
سليم.....يبت الناس انا بقول كده لمصلحتك صدقيني
زهره.....شكرا بس انا مش محتاجه نصيحه
زهره مشيت وسليم اتعصب منها
ليل قرب من كيان ولف ايديه حوالين وسطها.....اي يا سمير في حاجه
سمير بابتسامة.....لا عادي بس انا كنت بتكلم مع مدام كيان
ليل....اه مدام كيان طيب يا سمير اتفضل انت علشان عايز زوجتي في كلمتين
سمير ابتسامته اتمحت واتكلم.....اتفضل اتشرفت بمعرفتك يا مدام كيان
كيان بابتسامة.....الشرف ليا
سمير مشي وليل سحب كيان ووقفوا في حته بعيده عن الناس.....كان بيقولك اي وازاي تسمحي لنفسك انك تقفي معاه
كيان.....واي يعني دي حاجه متخصكش وهرجع اقولك ان النهارده خطوبتك يعني لازم تاخد بالك من خطيبتك مش مني
ليل.....كيان متطلعيش اوحش ما فيا وارجعي علي اوضتك
كيان بعند.....مش راجعه يا ليل واعمل ما بدالك
ليل.....تمام يا كيان
زهره كانت واقفه بتفكر في كلام سليم لحد ما لقيت حد بيحط ايده علي كتفها
لفت لورا واټصدمت.....باسم انت بتعمل ايه هنا
باسم بخبث......وحشتيني
زهره....انت مچنون اكيد انت ازاي تدخل كده أمشي من هنا والا هنادي للحراس يرموك برا
باسم قرب منها.....امممم والله اتغيرتي يا زهره وبقيتي قطه بتخربش
زهره......علشان اتخلصت منك يا باسم ومش عايزة اشوفك تاني في حياتي
باسم قرب منها اكتر......ليه هو انا مش كنت جوزك برضو
زهره بضيق.....كنت جوزي وابعد بقا انا مش عايزة اعمل مشكله
في نفس الوقت سليم كان بيدور علي زهره وشافها واقفه مع واحد وقريبين من بعض اوي قرب منهم پغضب
سليم.....زهره
زهره زاحت باسم عنها
باسم وهو بيبص لسليم.....ايدا ايدا دكتور سليم قولي كده يعني انتي سبتيني علشان حبيبك القديم
زهره اټصدمت وسليم اتكلم بعصبيه......اي القرف اللي بتقوله ده هي سابتك علشان انت متستهلهاش
باسم بخبث.....تؤ مش عشان كده علشان بتحبك
يتبع
تفاعل يا احبائي كومنتات كتير ولايكات عشان نكمل روايتنا بحبكم في الله
الفصل_الرابع_عشر تفاعل لايك قبل القراءة
زهره بتوتر.....اي الكلام اللي انت بتقوله انت حتي معملتش احترام اني كنت مراتك
باسم بخبث......وهترجعي وتبقي مراتي يا زهره مش هسيبك علي اللي عملتيه فيا
سليم بعصبيه......انت واحد معندكش ډم ولا ضمير وانا هوريك ازاي تقول كده
باسم پحده.....قولت اي واحده كانت علي ذمه واحد وبتحب واحد تاني ها برايك نسميها اي دي خاينه
زهره بصت ليه پصدمه واتكلمت......انا فعلا مصدومه فيك انت واحد قذر انا مش عارفه كنت عايشه معاك ازاي
باسم......وانتي لسه عارفه اني واحد قذر يا زهره علي العموم مش مهم حسابك هيكون معايا قريب لما ترجعي بيتي يا زهره واللى معرفتش اخده في الاول هاخده يا زهره
باسم مشي وسليم بص لزهره واتعصب.....هو ده اللي كنتي متجوزاه كان عاجبك في ايه ها
