اتنكر بي
أنا بحاول أخد نفسي و أنسى بس ...خلاص يا جماعة هنقفل الموضوع عشان داخلة أنام أو كواقع داخلة أنسى!
صحيت تاني يوم ...
لبست و فطرت و خلصت كل حاجة!
نزلت من العمارة بس حطيت السماعات فى ودني و شغلت حاجة هادية أسمعها عشان ما أسمعت كلامهم السم دة! ...يااه لو يعرفوا الكلام السم دة بيعمل فى الواحد أية!
حسيت بحد ماسك إيدي فلفيت لقيتها ست عجوزة ملامحها هادية و فيها الطيبة!
معلش يا بنتي ممكن تطلعيني الدور التالت
عند مين
أنا إل هسكن جديد!
ابتسمتلها
طيب أتفضلي معايا.
طلعتها الشقة و نزلت أنا عشان جامعتي دخلت الجامعة و أنا مش مهتمية!
مش مهتمية بحد! كفاية ..اختلاط أكيد هما بيقولوا عليا نفس الكلام و لو هيكلموني عشان الملزمات بس!
ازيك
قلبت عيني و أنا بمشي حد ميعرفش الكائن الغلس دة! مراد السويدي...عبارة عن خبرة الجامعة..بيسقط كتير فى طب و الله الواحد ما يعرف دخل طب أصلا ازاي!
بس سمعتهم بيقولوا أنه كان مجتهد جدا و بيحب واحدة قده و دخل طب عشانها و أتقدم ليها بس رفضته و من ساعتها و هو بيسقط كتير!
لقيته وقف قدامي تاني!
رفعت حاجبي
و الله!
و الله.
فى حاجة يعني!
لا ..كنت بقولك ازيك!
يلا يا بابا روح أشقط بعيد!
ما أنا مش جاي أشقط.
يا فتاح يا عليم ...يا رزاق يا كريم! طيب عديني ورايا محاضرة!
عدي!
جيت أعدي وقف قدامي!
أنت شارب أية على الصبح!
قهوة!
زقيته و أنا بعدي عشان أخلص من الهم دة! هى مش ناقصة سيادته هى!
ياربي ..قټله هو كمان و الناس تتكلم أكتر
حاولت أتجنبه و أتحرك بس هو مثبت و بيجي قدامي!
نعم!
عايزك!
أفندم
10 دقايق!
يلا يا بابا بدال لسانك السكر دة يتقطع و عضلاتك إل عجباك تفرقع!
اسمعيني بس...!
أنا بحذرك! أبعد من وشي.
بس....
أبعد من وشي!
ياربي
