مغامرات ابناء العاصي ج2

وبتفكر بسطحيه


دانا لو سمحت ما تغلطش وتطول لسانك هي مغلطتش ولا شتمت حد 


عدي ولا تقدر احنا عندنا هنا في الجمالية يا ماما البنت اللي بطول لسانها علي شاب بيطول هو ايده عليها


دانا اه دي بقى بتسموها عندكو رجوله مش كده يا كابتن


كاد ان يقترب منها حتي يريها ما اجنته كلماتها


عديانا راجل ڠصب عنك


وقف الجميع مندهشون مما يحدث بينهم لېصرخ فيهم زين اخيرا بس الله يحرقكم كلكم في ايه انتو اټجننتو ولا ايه 


احنا طالعين نقعد مع بعض شويه عشان نشوف هانعمل ايه في الفرح ولا طالعين عشان تتخانقو 


دانا وقد لمعت العبرات في عيناها انا مش هاقعد انا هانزل عند مامي تحت عشان نمشي

جرت عليها تيا وامسكتها ليا وهتفت لاء مش هتنزلي خليكي قاعده معانا عشان خاطري يا دانا


تيا كده يا دانا مش انتي قولتي انك جايه عشاني انا وزين اقعدي بقي


لتصيح مي خلاص ياجماعه حصل خير صلو علي النبي واقعدو بقي


دانا بعدائيه غير مفهومه وانتي مالك انتي اصلا


عدي وقد تجاوز الڠضب حده انتي بتزعقي ليها ليه هو انتي مش هتبطلي الغرور اللي فيكي ده 


زين الله خلاص بقى يا عدي هما بنات مع بعض بتتحشر بينهم ليه ما تحترم نفسك وتراعي انها اختي حتى يا اخي


مي انا اسفه اني ادخلت بينكم عن اذنكم يلا يا مازن


صاح عدي لاء يا مي مش هاتمشي اقعدي وانا هاجبلك الكلب اللي انتي عايزاه ليتركهم وينزل الي اسفل سريعا
تيا يوه اقعدي بقى يا مي انتي كمان انتو ايه اللي جرالكو والله هاتخلوني اعيط
ليصيح زين عاجبكم كده منكم لله كلكم بوزتو الليله جاتكم القرف
جلس عاصي بجانب دانا وهتف انا مكانش قصدي كل ده يحصل حقك عليا انا يا دانا ماتزعليش يا مي
ليتكلم مازن بمزاح وبالنسبه ل ليا ايه هوا كده مش باينه
عاصي بس ياض انت
مازن علي فكره بقى المفروض تعتذر ليها هي عشان انت زعقت ليها هي
عاصي اقعد يا مازن يا حبيبي ولا اقولك روح العب مع بوده وطمطم
مازن احسن بردو انتو قعدتكو رخمه بصراحه
زين ههههههه طب وربنا عنده حق
جلست ليا بجانب مي التي كانت الاخري تنظر لها بعينان مشتعلتان مثل الجمر وهمست
ليا اقعدي بقى متزعليش حقك عليا انا يا ستي
مي انا مش عارفه البت دي مش بنزلها من زور ليه هو انا عملت ليها حاجه دي مغروره اوي
ليا مين دي دانا والله ابدا دي طيبه خالص بس انتو عشان مش أصحاب ماتعرفوش بعض كويس
مي بمرح ولا عايزة اعرفها بصراحه اذا كان من غير ماعرفها بتكلمني