غرام
علي التربيزة اللي قصاد الكنبة اللي كان قاعد عليها...
غرام عارف يا فهد أنا سمعت كلام كتيرر وحش واتعودت عليه.. ومكنش بيفرق معايا صدقني. بس أنت يا فهد غير... عارف ليه غير عمرك ما چرحتني بنص كلمه.. عمرك ما زعلتني.. الضړبة جت منك وحشه اوي وبتوجع..
حطت إيديها مكان قلبها وقالت وهيا بټعيط جت وحشه لدرجه ان ده اتكسر ميلون حته.. مش قادرة اصدق..
قعدها فهد علي الكنبة وقال شوفي يا حبيبتي أولا دي كانت تجربه قاسېة بنسبالك.. وبنسبالي بس الأكيد إنك تشوفي غلطك فين وتصلحيه وأولهم إنك تصلحي من نفسك.. مش معني كلامي إني مش متقبل عيوبك لا أنا لما حبيتك مبصتش ليهم اصلاا... عايزة افهمك حاجه حاول متجيش علي اللي قدامك بسبب غرورك اسمعي اللي قدامك للآخر حتي لو مفيش داعي تسمعيه.. متدوسيش علي قلب حبك علشان كرامتك.. كلنا والله عندنا كرامة بس في فرق بين إنك تيجي علي اللي قدامك علشان كرامتك وتكسري قلبه...
كمل كلامة وقال أنا والله ھموت وأنام وبما إنك راضية علينا تعالي ننام في اوضتنا...
كانت قاعدة بترسم وهي بتغني فجأة جالها ماسدج من نفس الرقم المعتاد.. حطت القلم في شعرها بعشوائية
الماسدج
رفضك لحاجه مش هيقلل منك بالعكس يمكن يكون بداية لعلاقة وقصة حب جديدة شوفي مين عمال يلف وراكي ليل نهار وانت رافضه لو بجد موافقة عليا ابعتي ماسدج وقولي أو أي اشارة ووقتها هكون عندك من بكره.
صوت ندا مرة واحدة لما استوعبت إن ده إياد.. فتحت هدى الباب علي صوت بنتها وهيا بتصوت..
هدى بخضة أي يا متخلفةة خضتيني...
ندا هاا لا يا ماما افتكرت حاجه ونسيت اقول لغرام عليها..
هدى اهاا.. طب رني علي اخوكي ينزلوا يتعشوا عندنا بقالو كام يوم مش بيجي وعاملته أكل من اللي قلبه بيحبهم..
كانت نايمة سمعت صوت فونه وهمست فهد فونك بيرن..
رد عليها وهو رايح في النوم سيبك تلقيه إياد أو داغر...
قفل فونه وكمل نوم بعدها بشوية رن فون غرام...
زفرت غرام بضيق يووهه بقي مش عارفة أنام نص ساعه علي بعض...
ابتسم فهد علي عصبيتها وهو نايم وهمس أنت روحك في النوم..
بعددت غرام عن فهد وقعدت علي السرير ورنت علي ندا.
غرام
نعم يا عيوني..
_نعم الله عليكي خلصتي الرصيد اللي حلتي عليكي انت وجوزك...
_بس يا معفنة براحتي أنا وجوزي وبعدين انت تطولي اصلاا ترني علي فهد بيه وحرم الفهد.
ندا بسخرية يبنتي بطلي غرورك ده.. مش كفاية جوزك مغرور هتبقوا انتوا الاتنين ده اي الهم ده يا ربي...
_ماما قالتلي اقولك انت وفهد تنزلوا تأكلوا عندنا علشان عامله الأكل اللي بيحبه فهد..
_اوك هصحي فهد وهننزل علطول يلا باي يا حبيبتي.
رفع فهد رأسه وسألها وعين مقفوله وعين مفتوحة في حاجه هما كويسين..
ضحكت غرام علي شكلة وردت هما بخير بس عايزاك تيجي تأكل عندها وعامله الأكل اللي بتحبه..
غرام ببكسوف فهد متبقاش رخم وابعد
رد فهد بخبث أنا رخم عادي.. قوليلي بقي كنتي بتقولي لندا إيه..
غرام بأستغراب بقولها اي مش فاكره اصلا كنا بنتكلم في إي...
رد فهد بمكر سمعت إنك بقيتي معترفة إني جوزك وبتتخانقي مع ندا..
ضحكت غرام وردت وفيها اي مش أنت جوزي برضو ولا أنا غلطانةة..
فهد قال حقك طبعا وجوزك ڠصب عن عين الكل.
ضحكت غرام عجبك الموضوع أنت صح...
لف فهد وبصلها ورجع لغرام ه عجبني اووووي بصراحه..
زهقته غرام وضحكت طب تمام هروح البس أنا..
نزلت غرام مع فهد بعدها بشوية وهو لابس بنطلون اسود قطني سويتشيرت زيتي.. وغرام كانت لبسه طرحه كافية علي دريس زيتي..
قفل فهد باب البيت ونزل مسك ايده غرام بصت غرام لأيده وقالت ده بجد بقي..
مسكها فهد وقال وهو نازل ڠصب عنك علي فكره ومش بأخد رأيك..
غرام بسخرية مش بتأخد راي انت جرتني معاك يا حبيبي اصلاا..
فتح فهد الباب ودخلت غرام معاه...
دخلت غرام واتضايقت لما شافت.... ووو
شافت داليا قاعدة وحاطه رجل علي رجل.. قعد فهد علي الكنبة وطلع فونه واتجاهل داليا قربت غرام والغيرة عمتها وقعدت جنب فهد..
رفع فهد حاجبه وهمس لازقه فيا كده ليه أشمعنا فوق بطلع اجيبك من فوق الدولاب..
ضحكت غرام بكل صوتها وقالت بخجل مصطنع بس بقي يا فهد متكسفنيش الاه..
بصتلها داليا بغيرة وهيا مش طايقها رفع فهد حاجبه من ردها اللي ما يهمس كلامه بصله همسلها بس بقي.. ومتكسفنش.. هو أنت شاربة حاجه ولا أي..
فهد پصدمة افهم بس أنت كويسة ولا أنا بحلم..
داليا مقدرتش تسكت أكتر من كده وهيا شايفة حب طفولتها قريب لوحده للدرجادي مخلاص يا حبيبتي مش هيطير من إيدك وبعدين هو انت رخيصة للدرجادي متخلي عندك شوية كرامة ده حتي يدوب خطيبك..
لف فهد دراعه حولين رقبتها زي ما قالت حطت غرام رجل علي رجل وقالت اخص عليكي هو انت متعرفيش تؤتؤ بصراحه ازعل منك يا دودو..
أنعقدت حاجبيها بأستغراب من كلامها لتتسأل مستغربة معرفش إي وبعدين متتعدلي وانت بتتكلمي معايا..
لسه هترد عليها سبقها فهد وقال أنا وغرام اتجوزنا يوم الخطوبة اتكتب كتابنا وعملنا كل حاجه علي الضيق وبعدين أحترمي نفسك مع مراتي لولا إنك ضيفة في بيتي كنت قليت منك تيجي لأصحاب البيت وتحترميهم ولو مش محترمة ومتعرفيش حاجة عن الأدب أعرفك..
أبتسمت غرام بأنتصار لتبلع داليا ريقها بتوتر من نبرة صوته مكنش قصدي يا فهد وبعدين انت مش شايف طريقة كلامها.
خرجت هدى من المطبخ وشافت غرام وفهد وقالت بسعادة يا ألف مرحب بحبايبي..
قام فهد وبأس أيد مامته وجبينها وقال بركة حياتي والله..
هدى بضيق بركة حياتك سيبها يجي أسبوع ولا بتسأل فيها..
غمز فهد وقال عريس جديد وبيظبط دنيته يا ست الكل.
قربت غرام من هدى وعملت نفس اللي عمله بصتلهم هدى وقالت ربنا يسعد قلبكوا ياارب ويخليكوا لبعض واشيل عيالكوا قريب..
غمز فهد لغرام وقال يسمع منك ربنا يا ماما بس الغرام يرضي عننا علشان تشيلي أحفادك..
ضړبت غرام في بطنة بعصبية وردت بخجل أحترام نفسك..
رفع فهد إيديه وقال بمرح هو أنا عملت حاجه الاه..
داليا كانت قاعدة والڼار قايدة في قلبها بيتغزل فيها قدام عيونها اتمنت تكون مكانها عملت المستحيل علشان يشوفها بس فهد مشفش غيرها من اول ما حب غرام غيرت من نفسها علشانه بس محبهاش برضو.
متعرفش إننا مينفعش نغير من نفسها علشان نتحب ونعجب الطرف التاني متعرفش إننا لازم نتحب بكل عيوبنا مش لازم نغير من نفسنا علشان حد.. متعرفش إن مهما غيرت من نفسك لأجل شخص هيسيبك لازم شريك حياتك يتقبلك بكل عيوابك بل تبقي بنسباله مميزات هتعملي إي بواحد كل شوية يعيرك بعيوبك محتاجين حد يحببنا في نفسنا أكتر مش محتاجين مرضاء نفسيين يعقدونا في حياتنا أكتر..
هقولك جملة واحده بس وخليها حلقة في ودنك
مهما كنت شايفة نفسك مش جميلة في انت جميلة لأبعد الحدود مش لازم تعجبي الكل حبي نفسك وقدريها انت تستحقي كل حاجه انت جميلة في كل حالاتك متغيريش من نفسك علشان حد شوفي نفسك بعيون اللي بيحبوكوا هتعرفي قد اي انت جميلة
وقفت داليا وهيا بتصلهم بغل بس جواها مش راضية باللي بتعمله هتخرب علي أتنين بيحبوا بعض علشان هيا بتحبه إذا كان هو ذات نفسه مش حابب وجودها هيحبها..
أتمنت للحظه تتحب ربع حب فهد لغرام بصت لفهد بتركيز بيضحكلها بيهزر وبيغمر وهيا بتبصله بكسوف وبتبتسم بهدوء عينيه فيها لمعه غريبة الحب بيبان في العيون زي الغل بظبط خرجت بهدوء من غير ما حد يحس بيها وهيا بتراجع كل ترتيبتها مع نفسها هيا تستحق انها تتحب متسحقش إنها تحس نفسها قليلة لمجرد أنها حبت واحد بيحب غيرها..
شافت غرام داليا لما خرجت كان لازم تظهر إن فهد مش شايف غير غرام بصت
لفهد وضحكتله كل شيء حواليها بيدعوها للطمأنينة ضحكته نظرته الدفأ والآمان في عيونة عيونه اللي بتفضل مراقبها كل شوية..
وقتها غرام أفتكرت بوست قرأتة أتمنت تجرب الشعور ده بيقول
أعتقد مفيش أجمل من إن الإنسان يرافق شخص يشبهه في أفكاره ومبادئه
ساعتها بس الواحد بيحس نفسه خفيف وكأن كل شئ حواليه بيدعوه أنه يطمن!
نعيم لا يمل منه!
اللهم تؤنس وحشتنا بمن يشبه أرواحنا
همست وهيا تنظر له ولأبتسامتة الهادئة يبدو أنني عثرت علي نصفي الآخر وجدت من يؤنسني في رحلتي المتبقة ليكن ذلك الفهد الذي اسماني حرم الفهد
طرقع فهد بإيده قدام وشها لما شافها سرحانة وهمس الحلو بتاعي سرحان في إي..
سندت بإيديها علي السفرة وقالت قدام الكل سرحانه فيك في ضحكتك في الآمان اللي في عيونك الدفئ اللي في عيوني اللي مطمني إن كل حاجه هتبقي بخير في رفقتك بس مش عارفة ازاي كنت غبية لما مشيت جايز ده كان درس إن افوق واقدر الشخص اللي بيحبني..
مكنتش واعيه نفسها بتقول إي سرحت كل اللي كان هامها إنها بتقول لفهد نسيت وجود هدى وندا تماما.
وكملت وقالت بغزل وجدت الآمان في عينك فقط لأشعر أنني وجدت ذاتي بك ربما شعرت بذلك مؤخرا لكنني لم أجد الآمان سوى بقربك أيها الآمان...
بصها فهد بحب وهو بيسمع تصريحاتها قدام الكل معقول حبته رد عليها وقال كل مره كنت بشوفك فيها كنت بحبك أكتر من المرة اللي قبلها كنت بنبهر بيك كأني بشوفك لأول مرة..
أجابتهم هدى قول يا قلب امك طالعلي رومانسي الاه أبوك عمره مبل ريقي بكلمة عدلة ربنا يريحه في تربته.
بصتلهم غرام بسكوف وأستوعب هيا عملت أي بينما فهد مكنش همه وضحك علي كلام مامته...
بعدها ما خلصوا أكل قعدت العائلة كلها مع بعضها كانت غرام قاعدة علي كرسي منفصل لوحدها.
هدى بمشاكسة قومي يا حبيبتي اقعدي جنب جوزك انتو عرسان جداد بدل ما هو شغال يغمز محسسني إنه عنده جفاف عاطفي أبن العبيطة..
ردت ندا هدهد يقصف ولا يبالي بجد..
فهد بوقاحة اموت أنا في الناس اللي بتفهم تعالي يا حبيبتي جنبي الجو تلج .
برقت غرام من كلامه قدام اهله..
كمل فهد بمرح إي يا غرام هيا دبلتي مش مدفياكي ولا إي...
بصت غرام للدبلة وقالت والله يا حبيبي شكلي هروح
