قد يأتي الهدى ع هيئه إبتلاء

يا اختي أطلعي كدا خلينا نخلص في الليلة دي
صبيت العصير وطلعت 
قدمت العصير ووصلت قدامه بصيت للأرض وأنا مستنياه ياخد 
سمعت صوته وهو بيقول
-يشرفني ياعمي أطلب أيد بنت حضرتك الدكتورة ليل
سمعت زغروطة ماما  وطنط ليلي وصړخة مسك الفرحانة لما قال كدا
أسكت! لا طبعا 
أغرقه بالعصير كله وأطلع أجري من العيادة علي الشارع ! حصل حصل طبعا
نزلت علي السلام بفرحة وتوتر
-بيحبني! لسا بيحبني ! وأنا اللي فكرته نسي حبه ليا طول الشهور دي
قعدت أتنطط في الشارع وأنا بضحك كانت الساعة ١ في الشتا ومحدش موجود 
قعدت أتنطط في الشارع وأنا حاسة كأني طايرة

حاسة بروحي خفيفي ولأول مرة من ٥ سنين 
أحس بنفسي كأني فراشة طائرة في وسط السما
أبتسمت وبصيت للسما بإمتنان
بصيت ليافطة العيادة واللي علي البلكونة اللي كل حبايبي واهلي نادوا عليه منهم
بصيت لبابا اللي نزل وقالي
جه قدامي وقال وهو بيضحك
-الولا فوق أغمي عليه من الخضة مفكرك رفضتيه 
ضحكت 
فقال
-فرحانة!
-حسيت قلبي هينط من جوايا لما سمعته بيقولك كدا حسيت كأني روحي طايرة
ضړبني بخفة علي راسي وأبتسم
-بنت عيب!
حضنتها بحب
-بابا
-نعم ياروحي
-أنا بحبك أوي يابابا
-وأنا كمان يا قلب أبوكي..بس لازم نلحق الولد قبل مايروح فيها..ها أقوله أي!
بصتله بتردد
-مش عارفة
بغيظ قالي
-كل الفرحة دي ومش عارفة!
بعد سنة أقدر أقول أن ربنا عوضني عن حياتي اللي فاتت أتجوزنا أنا وعمر حبيبي
عملنا الفرح الإسلامي اللي الكل شجعنا عليه
وبعد أسبوعين من الفرح  كانت أجمل مفاجأة سافرنا السعودية أدينا مناسك الحج والعمرة
أول ما وقفت قدام الكعبة سجد ببكي وامتنان لربي اللي جبر بقلبي وربط علي قلبي زمان  عرفت أن الهداية والسعادة ممكن تيجي علي هيئة إبتلاء ممكن تشوفها حاجة وحشة بس ممكن أصلا الابتلاء دا يكون بداية جديدةحمدت ربنا علي نعمه عليا و دعيت ربنا يرزقني الذرية الصالحة ويقويني في حياتي  ويجعلني زوجة صالحة لعمر ويجعله ليا خير زوج
بعد مارجعنا من السعودية بسنة حملت في زين واللي شرفنا بعد سنة من الجواز
ساعتها كانت طنط ليلي أتوفت واللي مۏتها كان صدمة بالنسبالي أتوفت في نفس اليوم اللي ابنها كان طلق مراته وقرر يسترجع والدته من تاني بس مايعرفش أن قضاء ربنا تم وأنه هيفضل طول عمره يندم ويتحسر في السنين اللي ضيعها من غير وجودها وحبها وحنيتها معاه في البيت
أتعالجت مسك وخفت وعلي أخويا اتجوز فاطمة وفرحهم كان بعد جوازنا بعديها بسنتين 
واللي أحنا بنحضره دلوقتي
كنا علي التربيزة العيلة كلها قاعدة
سوا

همست في ودانه
-عمر 
-عيونه
قلبي دي بسرعة 
قولت بهمس أكتر
-أنا حامل
بص قدامه وقال
-ماشي خليها بكرة...
بصلي تاني بص لماما وبابا بعدم تركيز  بص لزين في أيده بيحاول يستوعب تقريبا بعدين بص لعيوني من تاني وقال
-أنت بتقولي أي!
ضړبت بأيدي علي راسي 
-عمر أنت فعلا دكتور نسا وتوليد!
تمت بحمد الله
نهاية الحدودتة
كومنت لطيف وشير يا أصحاب
أميرةخيري