جواز صالونات

انا متجوزه من كام شهر.. جواز صالونات.. زوجي طبيب اسنان.. عدت فتره الخطوبه عادي كان بيحاول يتعرف عليا.. لكن انا كنت رفضاه وبصد معاه في الكلام مكنتش بديلو فرصه لاي حاجه.. جابلي هدايا كتير غير المواسم والفلوس.. امي اجبرتني عليه دا طيب ومش هتلاقي زيه وبحكم ان والدي مټوفي فكان لازم اتجوز.. جريت الايام وجه يوم الفرح وكنت ھموت نفسي من القهر.. هو مفهوش عيب.. طوله معتدل شعره ناعم لبسه كلاسيكي هادي دايما.. لكن مكنتش عايزاه.. جينا ليله
الډخله اول دا دخل عليا الاوضه قولتو انا مش عايزاك تلمسني ولا تقرب مني خالص.. قالي ليه.. قولتو كدا انا مش جاهزه لسا.. قالي ماشي الي يريحك تعالي ناكل طيب.. قولتو مليش نفس.. قالي انتي مكلتيش من الصبح.. سكت.. سكت هو كمان وخرج برا الاوضه ورجع في ايديه صنيه عليها اكل.. وخد مخده وغطاه وطلع برا.. وقالي دا مفتاح الباب خلصي اكل وغيري وفي حمام في الاوضه واقفلي على نفسك بالمفتاح عشان متبقيش خاېفه وانا هنام في اوضه الاطفال.. 

حسيت اني اطمنت واستريحت لما قال كدا.. قفلت على نفسي.. ونزلت على الاكل خلصته كله.. لاني كنت جعانه فعلا.. وعدت الليله.. وبعد كدا كل يوم نفس النظام.. والاكل كان بيطلب من برا عشان انا مبطبخش.. ويسبلي الاكل بتاعي وياكل هو
لوحده.. لحد ما في يوم قالي تعالي عايز اتكلم معاكي قولت ربنا يستر اكيد عشان موضوع ليله الډخله وانه راجل زي بقيت الرجاله وكدا.. قالي وعينه كانت بتلمع ساعتها كانه هيبكي مثلا بس
متماسك جدا.. قالي شوفي لو انتي مش عايزاني ولا مرتاحه في البيت واهلك اجبروكي فعلا على
الجوازه دي انا عندي حل.. فضلت ساكته قالي اقول ولا لا..قولتو قول.. قالي مفيش حاجه هتخليكي تتطلقي مني في الوقت دا الا انك تقولي لاهلك واهلي اني 
.. قالي هيطلع عليا سمعه وكلام الناس واصحابي في الشغل.. كل دا بسيط بس متفضليش كدا متعلقه ولا طايقه تبصي في وشي وانا موافق.. والدهب والمهر وحاجتك كلهاوالمؤخر هديهولك تعويضا عن الي حصل.. انا فكرت ان الموضوع يومين ويعدي لكن معرفش انك رافضاني كليا بالطريقه دي ومش عارف رضيتي ليه تتجوزيني.. فضلت ساكته متكلمتش.. قالي مترديش دلوقتي خدي وقتك والاكل هيوصل كمان شويه انا حاسبت عليه.. خدي الاكل وكلي ولو احتجتي اي حاجه الفيزا على الطرابيزه فيها فلوس اشتري الي انت عايزاه وانا هنزل دلوقتي شويه برا.. انا مكنتش مصدقه الي بسمعه.. عنيه وطريقه كلامه وحركات ايده.. مش عارفه حبيته ولا ايه
وازاي راجل يقول على نفسه كدا.. وكل دا عشان
مين.. بعدها بيومين امي كانت قاعده عند حد من اخواتي وحصلت 
مشاكل جوزها مش عايز امي تعقد واټخانق معاها.. قالولي شيلي انتي شويه بقى.. انا كنت قاعده مع امي قبل ما نتجوز في بيتنا.. ولما اتجوزت اتنقلت هي مع اختي عشان تخدمها.. امي صعبت عليا قولتها انا هاجي اخدها.. رنيت على جوزي قولتله تعالا ضروي.. قولتو على الي حصل.. قالي هغير هدومي واروح اجيبها وانتي جهزيلها قوضه.. قولتو طب لو سألت على حكايه انك بتنام في اوضه
تانيه اقولها ايه.. قالي عايزاني اعمل ايه.. قولتو خلاص هنام في الاوضه مع بعض.. قالي ماشي.. امي جت وقعدت معانا.. وزوجي كان شايها فوق راسه كأنها امه.. كنا بنام في الاوضه انا على السرير وهو على الارض.. كان دايما ينزل يصلي الفجر ويجيب الفطار معاه وهو جاي ويقول لامي انا عارف انك بتصحي بدري وعايزه تفطري ويجيب صنيه الفطار ويعملها اللبن ويفطر هو وامي وانا نايمه.. امي لاحظت حاجه غريبه.. كل يوم وهو نازل يصلي الفجر.. بيشيل في ايده كيس اسود.. كل يوم شايل نفس الكيس مليان ويرجع بيه فاضي.. امي سألته..ايه سر الكيس دا قرب منها وقالها