يمني

وسيضع عليه اللوم بأكمله ما أن تستيقظ مرام من تلك الحاله وتعود لرشدها... وهو غير مستعدا لذلك علي الأطلاق..
في حين مدت مرام يدها اليه في شوق وهي تناديه ولكنها صعقټ من رده فعله .. نهض دفعه واحده وخرج من غرفتها دون النظر اليها وهو يغلق الباب خلفه في حده .. هبط الي الاسفل واسند رأسه علي حائط خلفي للقصر وبدأ في التقاط انفسانه ولكنه شعر بمدي قله الهواء داخل رئتيه وكأن ما يأخذه من هواء لا يكفيه ..
انت اللي بتتعب قلبك بأيدك .. في حين ان الموضوع مفيش اسهل منه .. ربنا يكون في عون المسكينه اللي فوق دي..
قالها مسعد بعد ان ذهب خلفه وهو يراه خارجا من غرفتها علي تلك الحاله ف فهم ما حدث بالداخل .. سمع

عبدالله صوته ولم يعد به طاقه للرد عليه فأسرع من امامه دون النطق بكلمه بينما قال مسعد طب اقفل الاول قميصك ده واعدل هدومك عشان الحرس اللي هنا ميشوفكش بالحاله دي 
اما هي مازالت كما تركها تنظر للأمام فقط دون ان تنطق حرفا او تذرف دمعا .. مازال عقلها لا يترجم ما حدث وقلبها لا يستوعب تلك الصدمه التي تلقتها منه .. حبيب عمرها وايامها التي طالما حلمت به بين ايام عڈابها وهجرها له .. قدمت له نفسها علي طبق من ذهب وهو رفضها وكأنها لم تكن .. وفي تلك اللحظه هاجمتها ذكريات مريره بين فراق والم وتعب وشوق وحزن ووحده .. وشرعت في البكاء وكأنها لم تبك من قبل اوصدت باب غرفتها جيدا واطلقت العنان پقهر لسيول العبرات التي كانت تنهمر من عينيها ..
لم تدري كم من الوقت مر وهي علي تلك الحاله من البكاء والنحيب وعقلها بعالم اخر .. لم تشعر بأولادها الذين كانو يطرقون بابها طوال النهار كي تلعب معهم .. وكذلك زهره وايمان .. فكل واحده منهم حاولت جاهده علي اخراجها من غرفتها او الوصول اليها ولكن لا من نتيجه .. وحين ذهبت زهره لتتحدث مع عبدالله اجابها بأن يتركونها بمفردها فهي بحاجه الي ذلك .. لذلك لم يطرق بابها احدا مره اخري ..
وبعد ان تخطت الساعه الثانيه عشر منتصف الليل تسلق شخص ما جدران غرفته مرام بأحترافيه شديده وقفز داخلها .. ثم اخذ يتحرك ببطئ شديد جدا كي لا يصدر صوتا حتي وصل الي داخل الغرفه .. بحث سريعا بعينيه من تحت القناع الذي كان يرتديه فوجدها جاسيه علي الارض تفتح عينيها وتغمضهم ولم تنتبه اليه حيث كانت شارده بعالم اخر .
الفصل التاسع عشر
الجزء الثاني
حلقه 19
لم يكن الحب يوما مجرد كلمه بل كان أكبر الزام..
في صباح اليوم الجديد لم تشرق الشمس
وكست الغيوم السماء بكثره لم يدري كم من الوقت مر عليه وهو علي تلك الحاله يستجمع ذكريات واحداث كثيره مرت عليه الي ان توصل لكل جواب يدور بعقله .. اخذ نفسا عميقا واطلقه ببطئ والم .. لمحت عينيه الساعه في يديه فوجدها تعدت الثامنه صباحا فردد الساعه 8 ازاي! .. دي الشمس لسه مطلعتش ! 
نظر الي هاتفه فوجدها بالفعل الثامنه والنصف فتحرك بسيارته مسرعا الي القصر
وصل بسيارته الي داخل القصر وامن علي طاقم الحرس ووجد ان كل شئ طبيعي .. ما ان دلف بداخل القصر حتي التقي مع مسعد الذي ردد يا تري هديت وعرفت انك غلطان ! .. عملت فيها ايه خليتها مش راضيه تطلع من اوضتها لحد دلوقت !.. 
كاد ان يصعد عبدالله الي غرفته دون الرد عليه ولكنه توقف عند تلك الكلمه فأستدار له قائلا بدهشه هي لسه مطلعتش من اوضتها !
مسعد بلوم لا طبعا مطلعتش وحقها والله
.. اول مره احس اني مش فاهمك ومش عارف جبت القسۏه دي منين !
عبدالله بلهفه قسوه ايه ونيله ايه دلوقت !.. انتو ازاي تسيبوها يوم كامل من غير اكل ومن غير ما حد يشوفها .. امال انتو قاعدين معاها ليه ! 
مسعد بعتاب الله يسامحك ومش هرد عليك .. بس متغلطش الغلطه وتلبسها لغيرك .. 
تركه عبدالله ولم يرد عليه وصعد مسرعا الي غرفتها .. طرقها ببطئ قائلا مرام افتحي ارجوكي .. 
اتي خلفه جميع من في القصر تباعا حينما سمعو صوته ونبرته المرتفعه ..
لم يتلقي ردا منها وتوقع انها فقدت وعيها من شده الحزن وعدم التغذيه .. فجلب مفتاح الغرفه الاحتياطي وفتحها .. نظر بداخلها نظره خاطفه ولكنها كانت كفيله بأن ترعبه بشده حين لم يجدها امامه .. ذهب الي الحمام الملحق بالغرفه ولم يراها وسمع صوت زهره تصرخ مرااااام .. مرااام مالك فوقي ! .. 
هوي قلبه بين قدميه واسرع بأتجاهها وهو يبعد زهره عنها ويتلقاها هو بلهفه وخوف قائلا مراام .. فتحي عينيكي .. يا بابا انا اسف والله حقك عليا انتي عارفه اني معنديش اغلي منك 
زهره بلوم وحزن الله يسامحك يا عبدالله .. دلوقت جاي تعتذر لها !
قال عبدالله وهو ينظر اليهم پغضب الجم الجميع وتحديدا سمر ومسعد انتو جايين تلوموني ! .. مش انتو دكاتره ما تشوفوها فيها ايه!
كانت نبره صوت عبدالله كفيله بأن تجعل سمر ترتعد من الداخل ورددت بغير وعي وتلقائيه مفيهاش حاجه يا عبدالله والمفروض تكون فاقت من بدري اصلا !
انتبه عبدالله علي حديثها ولكنه لم يعلق في حين تدخل مسعد وأمسك بساعدها ولكنه لم يتلقي نبضا فشعر بالقلق وتوجهت يديه مباشره الي عنقها وضغط عليه ببطئ وتنهد بأرتياح حين وجد النبض مازال موجودا .. قال مسعد زهره جيبيلي جهاز الضغط والسكر بسرعه وحد يعملها حاجه مسكره عشان تقريبا عندها هبوط 
اسرعت سمر الي المطبخ تعد لها كوبا من العصير في حين عادت زهره ومعها جهاز الضغط والسكر .. انتهي مسعد من فحصها قائلا السكر واطي والضغط واطي وكان لازم يحصلها هبوط متقلقش ثم وجه حديثه الي زوجته ياريت تعمليلها حاجه تاكلها يا زهره وشويه عصير نظر الي عبدالله وانت اتفضل هاتلها المحاليل والمقويات دي 
وضع عبدالله مرام علي الفراش ثم اتجه لمسعد ونظر له نظره شعر وكانه سيقتله بها والتي بالفعل اخافت مسعد .. اخذ منه الورقه پعنف وخرج من الغرفه وامر حارسا بان يحضر تلك الادويه مسرعا .. ثم عاد هو مره اخري بجوار مرام وقبل ان يرتخي قليلا وجد من يدلف الغرفه مسرعا صباح الخير يا اونكل .. مامي لسه نايمه ! 
قال ذلك دومي في حزن بينما قال عبدالله معلش يا حبيبي ماما تعبانه شويه .. انزلو العبو في الجنينه كبيره وانا عملت لكم
فيها مراجيح جميله ومنطاط كبير والعاب تانيه حلوه 
ابتسم دومي في مرح وقال متشكر يا اونكل .. ممكن ابوس ماما ! 
وهتفت تمارا ايضا ممكن انا كمان يا اونكل ابوسها!
قال عبدالله ماشي بوسوها يلا وبعدين سيبوها ترتاح 
قبل ادم يد والدته في حين قبلتها تمارا علي خدها واسرعو الي الاسفل ..
بعد انتهاء دوام عمل اليوم نظر اسلام الي ادهم ففهم مقصده وما ان هم الجميع بمغادره الاجتماع استوقف ادهم عمر قائلا استني يا عمر متمشيش .. انا عايزك
توقف عمر مكانه واستدار اليه قائلا بأحترام تحت امرك يا فندم !
ادهم وهو يضع يده خلف رقبته قائلا لأ .. مش شغل .. انا عايز اتكلم معاك 
اومأ له عمر بالايجاب وجلسو حول مكتب ادهم وردد عمر خير يا فندم !
ادهم بهدوء اولا
الموضوع بخصوص اسلام .. هو جالي امبارح وعايزني اجي معاه نتقدم لايمان بنت عمك 
اشاح عمر بوجهه وهو يزفر في حنق وعصبيه قائلا انا مش فاهم هو ليه مصمم عليها ما انا قلتله لا !
ادهم قصدك قلتله
ميستاهلهاش .. ثم ان انت مين عشان تقول لا او ايوه !
عمر پحده وهو يهب واقفا طالما انا مش حاجه يبقي عن اذنك بقه انا ماشي واللي انتو عايزينه اعملوه
ادهم بحزم اولا انا لسه مخلصتش كلامي عشان تقولي هستأذن .. وبعدين انت هتفضل تهرب لأمته هه !! .. 
عمر بعصبيه انا مبهربش وبقول اهوه اعملو اللي انتو عايزينه .. عايزين ايه تاني !
ادهم انا اللي عايز اسمع رأيك .. انت فعلا شايف ان اسلام ميستاهلهاش ولا ... حاجه تانيه !
عمر بضيق مكتوم لا تانيه ولا تالته .. ولو علي الكلمه دي فهي طلعت عفويه مني مش اكتر مكنتش اقصد .. ولو اسلام عايز يتقدم حضرتك مش تايه عن عنوان بيتنا لكن انا اعفيني من الموضوع ده انا اصلا سايب البيت 
ادهم وسايب البيت ليه !
عمر وهو يزفر مخڼوق مش طايق نفسي .. ارجوك يا ادهم بيه حضرتك عارف معزتك عندي ..
سيبني في حالي انا باجي عشان الشغل وبس ومش مستعد اتكلم او افكر في اي حاجه تانيه .. 
ادهم بضيق وڠضب من استسلامه ذلك فقال طيب ماشي اتفضل امشي براحتك واعمل حسابك بقه ان انا اللي هسعي في الجوازه دي ومش هرتاح ولا يهدالي بال الا لما اجوز اسلام لبنت عمك .. حلو كده ! يلا امشي شوف انت رايح فين
نهض عمر من مكانه قائلا براحتكم .. عن أذنك
غادر عمر بينما نظر ادهم ادراجه قائلا في ضيق دا اي شويه الأغبياء دول بس ياربي ! 
بعد مرور ساعه كانت مرام تتناول كوبا من النسكافيه وهي تحمله متجهه الي غرفتها بعد ان فكرت جيدا واخذت قرارها ..وجدته مازال مستغرقا في النوم .. هتفت بصوت مرتفع استاذ عبدالله ! 
نهض عبدالله فجأه ونظر اليها واطمئن حين وجدها بخير وقال حمدالله علي سلامتك انتي كويسه! 
لم تعير سؤاله اهتمام وهتفت بنره عاليه ايضا ممكن اعرف الحارس الخاص المحترم بيعمل ايه في اوضه نومي وعلي سريري !
تعجب عبدالله من لكنتها تلك وقال مرام انتي....
قاطعته بصرامه شديده اسمي الدكتوره مرام .. وياريت متتخطاش حدود وظيفتك ودي لأخر مره هسمحلك
نظر لها عبدالله بضيق فهو يعلم انها لن تمرر الذي حدث مرور الكرام وتوقع اي تصرف منها ولكنه لم يعلم انه سيشعر بذلك الضيق والاختناق من كلماتها .. نظر اليها مره اخري قائلا في ضيق تحت امرك .. اي اوامر تانيه!
مرام ممكن افهم فين الخدامين اللي هنا
!.. ازاي قصر بالحجم ده ومفيهوش خدم! .. انت مفكر ان انا اللي هشتغل فيه ولا ايه! 
عبدالله وهو يتمسك بالهدوء لا في وهييجي النهارده طقم خدم كامل حضرتك .. في ايه تاني! 
مرام بصرامه بما ان مفيش خدم وحضرتك السبب يبقي تتفضل تحضرلي الفطار وبعدها تستعد عشان عندي شغل .. 
عبدالله بعصييه شغل ايه دلوقت انتي تعبانه !
مرام پحده انت ملكش دعوه مش انت اللي هتقول تعبانه ولا غيره .. انت بس تأمن سلامتي ودي شغلتك غير كده ميخصكش .. اتفضل نفذ اللي قلت لك عليه 
نظر لها عبدالله پغضب وضړب بيده مقبض الباب وهو ينوي الخروج
قبل ان يغادر عبدالله استوقفته مرام قائله اه وفي حاجه كمان يا سياده الحارس !
توقف عبدالله واستدار لها في حنق فرددت ببرود ياريت تخلصلي ورق الوصايه ده في اقرب وقت وتديني حقوقي لأني خلاص مش عايزه حاجه تربطني بالماضي وقرفه
تحولت نظرته من الضيق الي اللوم الشديد وكأن ذلك اخر شئ توقعه منها فردد بحزن والم وعتاب قرفه !!.. 
ولكنه لم يتلقي منها سوي الجمود والصرامه قائله ايوه طبعا هو انت مفكر انه كان ايه غير مجرد قرف انا كنت عايشه فيه وخلاص زهقت ومليت وعايزه اشوف حياتي بعيدا عن العك ده !
ابتسم عبدالله پألم متهكما تحت امرك يا .. يا دكتوره 
خرج عبدالله من غرفتها فوجد مسعد يقف امامه قائلا بأبتسامه واسعه قلت لك مش هتستناك العمر كله .. 
انت اللي ضحيت بيا يا عبدالله مره ورا مره وانا اللي بسامح ودا كله عشان بحبك .. يا اخي ملعۏن ابو الحب اللي يذل صاحبه كده..
بعد نصف ساعه توجهت مرام بصحبه عبدالله الي المشفي المتواجده بها داليدا اصرت مرام علي الجلوس بالخلف وليس بجواره في المقعد الامامي كي تخبره بأنه الان ليس حبيبها بل الحارس الخاص بها فقط وطوال الطريق كان الصمت هو المسيطر علي الموقف وحين يتحدث عبدالله عن امر ما تجيبه برسميه شديده وضيق الي ان توصلو للمشفي ..
قابلت الدكتور يوسف الذي فرح بشده حين راها فأسرع اليها قائلا دكتوره مرام .. ازي حضرتك ! 
مرام بود الحمدلله يا دكتور يوسف .. يا تري داليدا اخبارها ايه دلوقت 
يوسف بسعاده الحمدلله يا دكتوره فاقت امبارح وعدت مرحله الخطړ بس لسه نايمه حضرتك عارفه لسه كمان شويه وقت 
مرام بسعاده طب الحمدلله .. 
ثم انهت فحصها بنفسها وشكرت ربها
بانه انقذها وعاد اليها حياتها مره اخري ..
خرجت من تلك المشفي قائله لعبدالله اتفضل يينا يلا علي الصرح بتاعي !
عبدالله بضيق يا دكتوره بلاش علي الاقل دلوقت انتي لسه محتاجه راحه ! 
مرام بصرامه وانا قلت لك انت تخليك في شغلك وبس والا هيكون ليا تصرف تاني معاك لو فضلت تتدخل في حياتي بالطريقه دي ! وده اخر تحذير ليك 
اتجه عبدالله نحوها پغضب وهو يرفع قبضته في غيظ فأرتعدت مرام لاشعوريا... هوي بها عبدالله علي السياره وفتح الباب الخلفي لها قائلا اتفضلي سيادتك ..
بعد مرور ثلاث ساعات علي تلك الحاله
كانت مرام تطالع ورقا بيديها فنظرت الي بعض الاطباء قائله ليه في دكاتره تشريح بنسبه كبيره !! .. احنا تقريبا مش محتاجينهم .. ممكن نكون محتاجين جراحه عامه لكن تشريح لأ..
اجابها احدهم يدعي وليد حديث التخرج بأحترام احنا منعرفش يا دكتوره وده السيستم اللي اتحط هنا واحنا بنفذ مش اكتر
مرام ومين اللي حاطط السيستم ده !
اجاب الطبيب وليد ناجي بيه حضرتك 
اومأت له بالايجاب واكملت قراءه النظام المراد اتباعه....لفت انتباهها شئ اخر فتسائلت مره اخري وليه العمليات معظمها خميس وجمعه بأستثناء الحالات الحرجه !.. طب ناجي بيه مش دكتور وميفهمش في الشغل ده .. ليه انتو معترضتوش علي الوضع ده وان كل ده غلط 
اجاب وليد يا دكتوره احنا حاولنا نتكلم معاه انا ومعظم اللي متعينين جداد لكن هو رفض النقاش تماما في الموضوع ده وفي دكاتره كبيره