روايه بقلم الكاتبة روني محمد قصه جديدة كاملة

زادت ليصحبها صوته الاجش مناديا عليها 
وليد دعااااااء افتحي انا وليد 
لا تعلم كيف استطاعت ان تقفز لتتخطى المسافه لتصل الي الباب بكل هذه السرعه لتفتح سريعا وتطمئن برؤيته 
وليد طمنيني حد عملك حاجه 
لم تستطع ان تنطق باي كلمه لتكتفي بهز رأسها بالرفض ليقول 
طيب الحمد لله يلا بينا من هنا 
امسك بيدها لتتبعه پخوف من ملاقتهم وحينما خرجت الي الصالة وجدت مجموعه من الرجال اصحاب الأجسام الرياضيه يلتفون حول فهد وعمها ووالدتها يمنعونهم من الحركه نظرت لوالدتها بحزن شديد الي ان سحبها وليد خلفه ليخرجا من المنزل  
بعد وقت 
  وصلا كلا من وليد ودعاء الي منزله صف سيارته وطلب منها النزول بينما هي تسمرت مكانها لتقول 
لا مش هينفع انا هروح ابات في اي فندق ولا اي حته كتر خيرك لغايه كده  
نظر اليها پغضب ليقول 
يعني انا هكلك عاوزه تباتي فالشارع !!
مش قصدي بس مش هينفع صدقني ابات في بيتك  
ماما فوق 
_ اسفه بردو مش هينفع  
طيب تعرفي مين من قرايبكم ممكن يكون امين وتباتي عنده لغايه الصبح  
اخذت تفكر للحظات لتنكس رأسها وهي تقول 
معرفش حد مكنش ليه حد في الدنيا غير ماما 
نظر لها يتفرس ملامحها الحزينه ليقول 
_ دي مش امك يا دعاء 
رفعت رأسها وهي تنظر له پصدمه بعد ان توقفت الدموع في محجريها لتقول 
_ ازاي 
انا لما جيت بيتكم للمره الاولى عشان اخطبك وسألت عليكم عرفت انك كنتي فاقده الذاكره من 5 سنين صح 
ايوه 
كنت واخد الموضوع فالأول هزار لما جبتك وشغلتك معايا فالشركه ودي مكنتش صعبه لان صحبتك الي عرفتك بموضوع اعلان الوظيفه وعرفتني بموضوع فقدانك للذاكره المهم انا بعد ملاقيت الي اسمه فهد ده متابعك و  
اغمض عينيه وهو يكور قبضه يده پغضب ليقول 
كلمت المحامي يجبلي كل المعلومات اللازمه والي عرفته ان الي بتقول انها امك دي تبقى مش امك لانها ببساطه عمرها ما اتجوزت!!!!! 
كانت هذه الكلمات مثل الصاعقه التي قد نزلت على رأسها ألجمت لسانها لتقول 
ازاي انا مش بنتها امال انا
بنت مين 
يلا يا دعاء مفيش حد تقدري تثقي فيه دلوقتي غيري صدقيني انا عمري مهأزيكي انا هطلعك فوق وهخليكي تعدي مع ماما وانا ممكن امشي اروح اي حته لو وجودي هيضايقك  
نظرت له بإمتنان فبالفعل هو الأن بمثابه قارب النجاه في بحر حالك الظلام تتخبطها الامواج من كل جانب فهل يا ترا وليد سيكون هو درع الأمان لها ام سيكون الخڼجر الذي ېطعنها 
من هم اهلها وهل ستعرف اين هم 
كل ذلك ستعرفونه فالحلقات القادمه انتظروني 
ترجلت من السياره باتجاه البنايه وقفت امام المصعد الى ان لحق بها صعدا سويا الى ان وصلا الى الدور المخصص لشقته وقف المصعد ونزلا الاثنين واتجه الى شقته فقام باخراج مفاتيحه وضع المفتاح في المكان المخصص له وفتح باب الشقه وقفت دعاء لدقائق تتردد بالدخول فكانت كما يقال انها تقدم رجل وتأخر الأخرى فهم هو عدم دخولها لينادي على والدته التي كانت منشغله بالداخل جاءت والدته 
وليد انا هروح ابات عند حد من صحابي اليومين دول وأسيبكم براحتكم  
دعاء انا أسفه لو وجودي هي 
بترت جملتها حينما قاطعها وليد قائلا 
  من النهارده البيت ده بيتك يا دعاء لغايه ما يأذن ربنا وننقل في شقه اكبر  
دعاء شكرا ليكم بجد بس أكيد مش هفضل العمر كله هعيش معاكم انا من بكره هدور على شغل وشقة صغيره وانقل فيها  
نظر لها بغيظ من غباءها ليقول بنفاذ صبر
انا قولتلك يا دعاء ان ده خلاص بقى بيتك وانتي مش هتسبيه مهما يحصل و انا قعادي بره ده هيكون لفتره مؤقته لغايه لما نتجوز  
حملقت دعاء به من كلمته الاخيره لتقول
نتجوز 
وليد امال انتي مفكره ايه 
استأذنت والدته لتتركهم بمفردهم بحجه انها ذهبت لقضاء الصلاه حتى لا تفوتها  
وليد فاكره اول مره شوفتك فيها مش كنتي عاوزه تتجوزيني وانا بقولك اهوه انا موافق 
دعاء بس انا مش موافقه انا كنت مجنونه ساعتها والحمد لله عقلت بس حاليا انا فعلا مش ناويه
اتجوز 
تحولت نظراته الى العدائيه ليتكلم من بين اسنانه ليقول 
ليه هو انتي كنتي ناويه تتجوزي فهد فعلا 
لا طبعا انا اصلا قطعت دفتر الماذون و عملتلهم مجنونه عشان متجوزهوش  
امال ايه المانع  
مفيش مانع بس  
قاطعها قائلا 
انا هجيب المأذون معايا بكره ومش هتعدي ليله كمان غير وانتي مراتي  
نظرت له پغضب لتعقد يدها امام صدرها وتقول بعند 
انا محدش يأمرني بحاجه انا مش عيله صغيره ومش هتجوزك هه  
ضغط على اسنانه بقوه وهو يضم قبضته حتي كاد ان يكسر عظامه وهو يرمقها بنظراته الحارقه ويتركها ويخرج دون ان يتفوه بكلمه فهي لا تعلم مايشعر به الأن  
افاقت على صوت صفعه الباب التي رجت الجدران من حولها والارض من تحت قدميها اغمضضت عينيها بحزن وهي تشعر وكأنها تائهه لا مأوى لها ولا أهل ولا حياه لا تعلم ان كان وليد هو فعلا أمانها ام سيصبح كوالدتها فهي قد فقدت الثقه بالجميع ماذا ستفعل حينما يأتي في اليوم التالي وبصحبته المأذون ويرغمها على الزواج منه بالقوه 
  لم تتحمل هذه الفكره واخذت تبكي ولكن خطرت ببالها فكره وهي ان تفر هاربه بعيدا عن الجميع وتبدأ حياه جديده ومن ثم تبحث عن اهلها  
فتحت باب الشقه وانطلقت مسرعه خارجه من المنزل قبل ان يراها أحد  
أما وليد 
فقد وصل الى شقه صديقه أحمد الذي كان بانتظاره وبعد تبادل التحيات وجلسا سويا ليلاحظ احمد تجهم وجه صديقه وحزنه الشديد ليقول 
خير يا وليد لسه بردو مقولتلهاش الحقيقه 
وليد بضيق هقولها ازاي بس وانا شايفها مش فاكره حاجه خالص انا اصلا لغايه دلوقتي مش قادر اتاكد اذا كان هي فعلا ريم مراتي ولا لأ
أحمد وانت يا جدع ازاي مش هتعرف مراتك دانا مراتي اعرفها من وسط مليون واحده  
وليد ريم نقيض دعاء في كل حاجه انت ناسي انها مكنتش محجبة وكمان شكل لبسها كان مختلف الميك اب الي كانت بتحطه اوفر وشخصيتها كمان مختلفه دعاء عكس ريم في كل حاجه دعاء متمرده اما ريم فكانت بتستسلم بسهوله لأي حاجه بقولها عليها 
أحمد يمكن عشان كانت مراتك فبتسمع كلامك  
وليد لأ ريم مكنتش قادرة تتخطى الي عملته فده هز ثقتها في نفسها كانت ديما بتثبتلي انها احسن  
احمد هو ايه الي خلاها تختفي كده 
وليد مش عارف يا احمد انا كل الي فاكره من خمس سنين انها كانت الفتره الاخيره علاقتنا كانت متوتره وكانت بتهددني انها هتسيب البيت وتمشي  
احمد وبعدين  
وليد صحيت في يوم ملقتهاش فعلا ودي كانت الصدمه لفيت
عليها مصر كلها وكمان شوفت المطارات و قوائم السفر ملقتهاش سافرت اختفت واكأنها مكنتش موجوده  
أحمد طب اهلها امها ابوها اخواتها فين 
وليد انت ناسي انها كانت يتيمه ومتعرفش حد غيري 
أحمد طب مامتك صح ممكن تقولها عالحقيقه 
وليد لا ماما عارفه ان مينفعش نواجها دلوقتي غير لما