قصة جديدة

عملتلك عشا.. غير هدومك عشان ناكل سوا.
مالك كلت في الشغل.. اتعشي أنتي.. تصبحي علي خير.
ليلي بحزن و أنت من أهل الخير ي مالك..
لمېت السفرة وقفلت نور البيت و دخلت لأوضتي.. كان نايم و رايح في النوم.. لمېت شعري ومسكت تليفوني قلبت فيه شوية عشان أشغل نفسي عن الزعل عشان معيطش.. 
شديت الغطا و نمت في زواية بعيد عنه عشان إحساس اني مفروضه عليه بيطاردني لمجرد اني اقرب منه. 

تاني يوم الصبح جهزت الفطار و كالعادة عمل ساندوتش و أخده وهو ماشي و سابني أفطر لوحدي.. 
بقيت أحس اني عايشة في البيت دا لوحدي.. 
عمري ما مليت و لا زهقت.. دايما اجهز الأكل وأروق البيت و أعطره و ألبس أحسن ما عندي و استناه..
ليلي يومك كان عامل ازاي!
مالك مضغوط..
ليلي ربنا يقويك.. جهزت العشا.. غير هدومك عشان ناكل سوا..
مالك أنتي عارفه اني باكل في الشركة.. ليه كل يوم بتعملي عشا..
ليلي بحزن عشان الشركه بتخلص الساعه 4 و انت بترجع 11 ي مالك قولت يمكن جوعت..عمتا تصبح علي خير..
أخدت الأطباق و دخلتها جوا و مشيت من قدامه. سمعت صوته و هو بيدخل الأوضة و قفل الباب وراه بقوة.. 
خرجت قفلت نور البيت و دخلت اوضة الأطفال و نمت.. 
كفاية.. كفاية اوي كدا انا عملت أكتر من طاقتي و اقدم للجوازة دي كتير وفي المقابل صفر.. 
صحيت تاني يوم حضرتك الفطار و جهزته علي السفرة و قعدت مستنياه و انا ايدي علي خدي.. خرج بعد شوية و عمل سندوتش كالعاده..
ليلي عاوزة أطلب منك طلب ي مالك.
مالك الفلوس جوا في الدرج خدي اللي انتي عاوزاه..
ليلي لا أنا مش عاوزة فلوس.
مالك اومال عاوزة اي!
ليلي عاوزة أتطلق.
اسكريبت
الجزء الثاني
ندي أنا.. مراته.. 
ليلي اي!! 
ندي مراته.. مراته.. انتي ليلي صح! هو جراله اي! 
ليلي پصدمه مش مصدقه.. مستحيل.. إنتي كدابة.. 
ندي لا.. انا مش كدابة و الدليل اني عرفاكي.. انا و مالك اتجوزنا قبل فرحكم ب أسبوع لأنه اضطر علي جوازتكم و كنا بنحب بعض و انا اصريت نتجوز و الأول.. 
ليلي پصدمه يعني مالك متجوز عليا! متجوز عليا.. 
قعدت قصادهم و أنا مش قادرة أصدق.. معقول اتجوز!! عايش حياته مع اللي بيحبها و معيشني انا في العڈاب دا.. 
ندي هو الدكتور قالكم اي! 
ليلي بجمود حصله بتر في رجله.. 
ندي پصدمه بتر!! ي حبيبي ي مالك.. 
ليلي خليكي مع حبيبك.. أنا هروح.. 
خرجت من المستشفي كان لسه الصبح بيطلع وفضلت واقفه شوية لحد ما لقيت تاكسي و وصلت للبيت.. 
منال اي دا انتي جيتي امتي متصلتيش ليه بحد يروح لمالك.. 
ليلي بسخرية متقلقيش ي مرات عمي.. مراته معاه. 
منال مراته!!! 
ليلي اه هو انتي متعرفيش ان ابنك متجوز عليا.. 
منال ي بنتي والله ما أعرف.. أنا هاخد ابوه و نروحله.. 
ليلي مع الف سلامة.. 
طلعت شقتي ولمېت هدومي و نزلت لبيت ابويا.. كلنا عايشين في نفس العمارة.. 
محمود انتي جيتي امتي ي ليلي! 
ليلي من شوية ي بابا..
محمود و اي الشنطة دي! 
ليلي بابا انا هطلق.. 
محمود اي!! ادخلي.. ادخلي اقعدي وفهميني!! 
ليلي پبكاء طلع متجوز ي بابا.. 
محمود متجوز! مين اللي قال الكلام دا! 
ليلي مراته جات المستشفي.. سيبتها معاه وجيت.. انا مش هكمل معاه ي بابا.. 
انا مكانش ليا ذنب في الجوازة دي ولا انا اللي أجبرته عليا.. انا كمان كنت مجبورة بس قولت لا خلاص بقي جوزك حبيه.. و حبيته ي بابا.. 
عايشين زي الأغراب و تقريبا مبنشوفش بعض.. بيرجع الساعه 11 بليل و هو بيخلص شغل 4 وعمري ما ظنيت انه ممكن يكون متجوز و عايش حياته و
قولت