قصة جديدة

ضحكت و قالت.... بهزر معاها بهزر في ايه
نوال قالت بسرعه ثانيه واحده بس هو انا هاخد اوضتك هاخد اوضتك ليه انتي مش قولتيلي ان عندكم اوضه فاضيه
ام حسن قالت..... هي دي الاوضه الفاضيه لان حسن  سابها خلاص
حسن قال بسرعه.... حصل احنا اتخانقنا امبارح وفركشنا انا والاوضه وسبتها فعلا  وبينا كل موده واحترام

امه قالت بضيق...كفايه خفه يا قلب امك 
نوال قالت بزهول.... لا طبعا مش هينفع اخد اوضته وبعدين لسه هننقل الحاجات دي ليه ما قولتليش كل الكلام ده لما اجرتها منك
امه قالت...لاني كنت ناويه اعمل لك كل الحاجات دي واخلي لك الاوضه جاهزه ....بس دلوقتي انتي اللي هتعملي كل حاجه بنفسك عشان تدفعي ضريبه الناس اللي جبتيهم لنا على البيت والعلقھ اللي خدها الواد.... يلا اشوفكم الصبح اصل ميعاد نومي جه
ام حسن راحت اوضتها ونوال كانت باصه لطيفها بزهول و مش مصدقه الورطه اللي بقت فيها وقعدت على الكنبه بيأس وتعب 
حسن بص لها وابتسم وقال ....ما تضايقيش نفسك قوي كده انا معاكي اهوه نص ساعه بالكتير ونخلص كل ده 
نوال اتنهدت پخنقه وقالت .....انا كنت تعبانه ونفسي انام على طول اوف بقى على حظي
ضحك وقعد وبصلها وقال ..انا ما اعرفش حظك عامل ازاي بس انا اكيد حظي حلو انهارده ما هو مش كل يوم هتجيني فرصه اقعد مع القمر كده وش لوش
نوال  ابتسمت بخفه وبصت له بطرف عينها وقالت... على فكره كل المشكله اللي حصلت دي بسبب انه فضل يعاكس زي حضرتك كده فاتلم شويه 
حسن ابتسم وقال... طب مش هتعرفيني عليكي.. انا حسن ابن ام حسن اللي دخلت من شويه دي وانتي
نوال ضحكت وقالت ...وانا نوال بنت ام نوال
حسن ابتسم وقال ....لا بجد يعني شكلك كده لبسك غريب عن المنطقه 
نوال اتنهدت بحزن ووقفت وقالت... ده موضوع طويل انا تعبانه وعايز انام.. انت هتساعدني في الاوضه ولا هتخلع زي والدتك 
حسن ضحك ووقف معاها وهو تعبان وقال.... لا طبعا اكيد مش هخلع يلا بينا 
نوال ابتسمت بحزن وقالت.... بس انت شكلك تعبان 
حسن اتنهد وقال ...بصراحه انتي تتعبي اي حد 
نوال اتنهدت بياس منه وراحت على الاوضه
حسن ابتسم وقال.... جدعه يا اما من بكره هخليها تاجر الصاله والحمام
و راح ورا نوال و كانت واقفه بتبص للاوضه بزهول شديد وكانت متكركبه والهدوم في الارض وفوضويه جدا محتاجه مجهود حقيقي قالت بزهول.... ايه المزبله دي انا ازاي هقعد هنا 
حسن دخل وقال... اديني نصايه بس هتلاقيها بقت عروسه ما تقلقيش
بقلم....زهرة الربيع
وبدأ يلم الهدوم من الارض ويرتب المكان وهي بقت تشتغل معاه ....وقالت بضيق ..ازاي اوضتك بالشكل ده
حسن اتنهد وقال...اصل انا دايما في الشغل وامي دي راميه طوبتي بتقول لي انا مالي اتجوز لك واحده تخدمك 
نوال رمت الهدوم من ايدها وقالت بغيظ..... هو انت هتتجوز خدامه علشان  تخدمك انتو ازاي تبصو للواحده على انها خدامه
حسن ضحك وقال ....هو انتي مالك قلبتي على رضوى الشربيني كده ليه.. يا ستي هي هتخدمني بايديها وانا هخدمها بعيوني...... وقرب منها وقال اهم حاجه يبقى في توفيق من ربنا يكون في اعجاب يكون في جمال
نوال ابتسمت ونزلت عيونها في الارض وقالت.... طب نضف وانت ساكت
حسن ضحك وقال ....طب هاتي انا ارتب لك الهدوم بتاعتك في الدولاب
نوال  قالت ....ملكش دعوه بهدومي انا هرتبها لوحدي واتلم بقى 
حسن ضحك وقال ..طب مش هتقولي لي بقى انتي من فين وايه