صدفه مجنونه بقلم زهرة الربيع

مراتي كانت شغاله ايه من حقي اعرف
صدفه بعدت وقالت لا مش من حقك متنساش ان جوازنا اتفاق مش اكتر
عمار شدها عليه پغضب وقال بعصبيه صحيح جوازنا ورقه وبس لاكن انتي بقيتي على زمتي ومن حقي اعرف انك كنتي شغاله في خماره وان شغلتك ت الرجاله اكيد مكنتش هربط اسمي بواحده رك زيك حتى لو كان اتفاق
صدفه اتسعت عنيها بزهول وفاجأتو بقلم قوي جدا وهيه ھتنفجر من الڠضب 

بقلمي زهرة الربيع
عمار اتسعت عنيه بزهول وبصلها پغضب رهيب ومسكها بقوه وقال لولا اني عمري ما عملتها ومديت ايدي على واحده ست كنت وقعتلك اسنانك في كف ايدك على الحركه دي يا زباله
صدفه بصتلو پغضب وقالت وليه جاي على نفسك يا ابو الرجوله الي يقبل يقول لمراتو كلام زي ده يقبل علي نفسو اي حاجه اضربني عمرك ما هتصغر اكتر من كده
عمار قال پغضب انتي ليكي عين تتكلمي وتبجحي واحده غيرك المفروض دلوقتي تبقى بتحمد ربها انها عايشه انتي فاكره انك لما تعملي الحركات دي هصدق انك شريفه من اول يوم قابلتك واضح انتي ابه واضح انك متعوده على كده الغلط غلطي انا
صدفه اتجمعت الدموع في عنيها وقالت اخرس اخرس بقى كفايه مس هستحملك اكتر 
عمار قال بسخريه الحقيقه بتوجع مش كده
صدفه قالت الحقيقه انت متعرفش عنها حاجه انا مفيش حد لمسني ولا حد يقدر يعمل كده معايا انا عارفه ربنا وعارفه يعني ايه حرام
عمار ضحك جامد وقال لا ولله صدقتك انا 
صدفه قالت پغضب عنك ما صدقت اصلا الۏسخ بيشوف كل الناس اوساخ
عمار شدها بقوه وقال اخرسي بقى مش كفايه انك وسخه كمان لسانك طويل انا هعرف بنفسي وهكشفك على حققتك انا جووزك وده حقي
صدفه بصتلو بزهول وقالت انت انت هتعمل ايه
عمار قرب عليها وقال انتي فاهمه هعمل ايه والي فهمتيه صح ووو
7
وقرب منها وهو مصر
صدفه بقت تزقو وتصرخ وتقول ابعد ابعد يا حيوان ابعد سبني ھقتلك والله هقتلكككككك
بس عمار كان مش مهتم لصړاخها بس صدفه بقت تبكي جامد وتقول حسبي الله فيك منك لله منك لله اتشنجت جامد وبقت زي لوح الخشب وغابت عن الوعي
عمار قام على طول وبقى يقول بقلق صدفه مالك يا بت صدفه مالك صدفه ردي عليا وجري طلب لها دكتوره بسرعه
بعد شويه الدكتوره خلصت كشف وبصت لعمار پغضب وقالت انت جوزها
عمار قال ايوه انا خير مالها
الدكتوره قالت پغضب يعني مش عارف مالها تقدر تقولي ايه الي بوظ هدوم مراتك كده وايه الي وصلها للحاله دي انت ازاي تتعامل مع مراتك بالطريقه دي
عمار اتنهد بضيق وقال لو سمحتي يا دكتوره دي حياتنا الخاصه انتي الي عليكي تقولي مالها 
الدكتوره وقفت قدامو پغضب وقالت حاضر هقولك مالها المدام عندها صډمه عصبيه ادت الي تشنج وده طبعا لانها خاڤت ذياده تمام كده يا عمار بيه
عمار اتنهد بحزن وقال طيب طيب هتفوق امتى واعمل ايه علشان تهدي 
الدكتوره قالت انا كتبتلها على شويه مهديئات تاخدها بانتظام وبلاش توتر الفتره دي مفهوم يا عمار باشا
الدكتوره مشيت وعمار قعد جمب صدفه بحزن وقال معقوله يعني واحده تكون متعوده على المواضيع دي تخاف بالشكل ده اكيد فيه حاجه غلط واتنهد وقال بضيق غلط ايه انت بتضحك على نفسك كلام سيف واضح والبنت باين عليها من تصرفاتها انها مش تمام وقف وقال پغضب انا مالي ومالها مكانش فيه داعي اعمل كل ده انا بيني وبينها اتفاق تاخد يومينها وقرشينها وتغور وبصلها بضيق واخد هدوم ودخل الحمام
صدفه فتحت عنيها ببطأ وتعب وكان عمار لسه في الحمام بصت حواليها بارهاق واتملت عيونها دموع لما افتكرت الي حصل قامت بتعب ومسكت الجزمه في ايدها وراحت ناحيه الباب
بس وففت مكانها على صوت عمار قال رايحه فين مش هتبطلي تتسحبي زي الفيران كده
صدفه بصتلو وقالت بجمود عايزه امشي من هنا انا مش هقعد ولا دقيقه تاني
بقلمي زهرة الربيع
عمار قال بضيق بس احنا متجوزين مش بمزاجك
صدفه قالت پغضب لا بمزاجي احنا كان فيه بنا اتفاق وانت منفذتوش انا كمان مش مجبره اكمل عن اذنك
عمار قال بسرعه لو مشيتي مش هتاخدي ولا قرش
صدفه قالت پغضب انا مس عايزه منك ولا مليم ومش هقعد دقيقه تاني
صدفه لسه هتمشي عمار وقف قدامها وقال احم خلينا نتفاهم شوفي انا غلطت معاكي مكانش يصح اقربلك كده بس انتي كمان غلطتي حاجه مهمه زي دي كان لازم تحكيهالي وانا اقرر نتجوز او لا و
صدفه قاطعتو پغضب وقالت لا انا مش مضطره ابررلك حاجه ولا اقولك اي حاجه عني انت جبتني من بار مش كده كنت بصلي هناك مثلا انت لاقتني مش ده الي قولتو تقدر تقولي مسألتنيش ليه مدام الموضوع يهمك ابعد عن طريقى ومتضيعش وقتك ووقتي
عمار اتنهد وقال انتي معاكي حق كان لازم اسألك تمام انا اسف الي حصل مش هيتكرر وبعدين انا مجتش جمبك انتي اغمى عليكي وسبتك على طول 
صدفه ضحكت بدموع وقالت كتر خيرك يا باشا انا عارفه انك مقربتليش مفيش داعي توضح ابعد من قدامي
عمار قال بحزن صدفه انا اعتذرت صدقيني انا نا معنديش اغلى من جدي اصلا مش باقيلي غيره وهو صحتو تعبانه وقلبو مش هيستحمل لو عرف اني كدبت عليه هيروح فيها ارجوكي متمشيش انا اول مره اترجي حد
صدفه بصتلو بدموع وقالت انا معنديش ثقه فيك وبعدين اخاڤ اقعد معاك بعد الي حصل
عمار قال بسرعه انا اوعدك مش هقربلك والله ما هضايقك تاني وعد
صدفه اتنهدت وقعدت على السرير بضيق وقالت تمام بس حاول تعجل وكلم جدك 
عمار قال بسرعه اسبوع بالكتير وهكلمو شكرا
صدفه هزت راسها بحزن واخدت بيجامه تلبسها ودخلت الحمام
عمار اتنهد براحه وقعد يشتغل على اللاب
بعد شويه صدفه خرجت وهيه لابسه بيجامه جميله 
عمار فضل باصص لها بتوهان شديد وبيتأمل ملامحها وكل تفاصيلها بشرود
صدفه اتجاهلت نظراتو و قعدت على السرير بزهق وطلعت تليفونها بقت تلعب بيه ولاكانو موجود
عمار فضل يبصلها بضيق واستنى انها تكلمو بس منطقتش نفخ بضيق ووقف وقال بعصبيه هو ازاي انتي بالبروود ده مش فاهم 
صدفه بصتلو بطرف عينها وقالت بتكلمني انا
عمار قال بضيق وسخريه لا بكلم خيالك وطيفك الي سحرني طبعا بكلمك هو فيه غيرنا هنا
صدفه بصتلو وقالت بضيق نعم فيه ايه تاني
عمار قال فيه انك بارده قوي يعني مش فاهم انتي مش حاسه ان المفروض تقولي حاجه يعني انا غلطت معاكي اعترفت واعتذرت بس انتي كمان غلطتي حتى لو كان الي بنا اتفاق مش جواز حقيقي كان المفروض تصارحيني بحقيقه شغلك مش شايفه انك المفروض تعتذرى او تبرري حتى يعني حتى تبقى مكسوفه من الي عرفتو
صدفه رفعت عيونها بدهشه وقالت نعم واتكسف من ايه
عمار قال باستغراب تتكسفي من ايه ههه انا عرفت كل حاجه عرفت حضرتك كنتي شغاله ايه ايه الي ممكن يكسف ست اكتر من ان حقيقتها الرخيصه تتكشف
صدفه قالت بضيق شديد لا مش مكسوفه من حاجه ولا هعتذر ولا هبرر وانت كلك على بعضك متهمنيش اي فكره حابب تاخدها عني خدها واي تفكير في دماغك المړيض ولا يعنيني حتى انا قاعده معاك لهدف واحد مش اكتر والي هو الفلوس وانت كل الي ليك عندي اني امثل قدام جدك اننا متجوزين غير كده ملكش عندي حاجه
عمار اتنرفز جدا وراح نام پغضب على السرير 
صدفه نامت جمبو وبصت الناحيه التانيه
عمار قعد وقال بضيق انتي هتنامي هنا 
صدفه لسه هتتكلم عمار قال بمقاطعه طبعا هتنامي هتتكسفي مني مثلا مانتي متعوده ايه الجديد يعني
صدفه كانت حاسه پغضب رهيب من كلامو بس ابتسمت باستفزاز وقالت بالظبط انا كنت مع رجاله ومكنتش اتكسف اكيد مش هتكسف لما ابقى مع واحد ذيك
عمار اتسعت عنيه بزهول ومسكها من ايدها پغضب وقال قصدك ايه يا بت انتي ايه واحد ذيك دي
صدفه قالت باستفزاز والله الي فهمتو يعني انا مش شيفاك راجل اصلا علشان اتكسف منك
عمار اسودت عنيه من الڠضب وقال بنبره مرعبه
انا راجل ڠصب عنك وعن الي خلفوكي ولولا انك من شويه كنتي ھتموتي في ايدي كنت وريتك الرج له يا رخيصه وزقها پغضب وقام راح ناحيه الكنبه
صدفه اتملت عنيها دموع بس قالت بقوه اهو علشان الموقف ده بذات مش شيفاك راجل لان مفيش راجل يقبل على نفسو يجبر واحده عليه لحد ما تكون ھتموت في ايده ياسيد الرجاله
عمار حس بۏجع في كلامها واتضايق من الي عملو وشاف ان معاها حق في كل كلمه اتنهد ونام على الكنبه من غير ما يرد
وصدفه كمان نامت ونزلت دموعها على خدودها بحزن والم وقالت في نفسها منك لله با عرفه منك لله
في صباح يوم جديد صدفه فتحت عنيها بنوم ملقتش عمار على الكنبه قامت بضيق واخدت هدوم ودخلت الحمام
عمار كان نازل على السلم وهو بيكلم سيف في التليفون وبيقول اه تمام لا انا انهارده جاي الاجتماع كمان ساعه مش كده
وسمعو شويه وقال لا تمام هلحق ان شاء الله خلاص سلام هفطر واجي على طول
عمار قفل معاه ولقى جدو بيفطر باسو من خده وقال ايه الصباح الجميل ده صاحي بدري انهارده
جاد قال بابتسامه ده لاني مبسوط كنت مستنيك افطر معاك انت ومراتك منزلتش معاك ليه
عمار قال بضيق احم لسه نايمه يمكن مش هتقوم دلوقتي و
بس قطع كلامو نزول صدفه وهيه بتقول انا هو يا جدو صباح العسل يا راجل يا عسل
جاد ضحك وقال صباح الورد يا حببيبتي ها نمتي كويس
صدفه قالت جدا ده المرتبه طريه بشكل ياخرااابي تحس انهابتبلعك كده 
جاد ضحك وفضل يوزع نظرات عليها وعلى عمار وقال مصبحتيش على جوزك يعني انتو زعلانين مع بعض ولا يه
عمار قال لا ابدا يا جدي بس لاكن صدفه قاطعتو وقالت بتمثيل اسأل حفيدك بقي يا جدو
عماربصلها پغضب وجاد قال ااااه انا قولت كده برضو عمل ايه الولد ده اصلا انا عارفه ميسترش ابدا
عمار قال ياجدي انا معملتش حاجه وبصلها بتحذير وقال هيه صدفه بتحب تهزر
صدفه قالت بسرعه شايف شايف يا جدي بيزغورلي بعينه ازاي انا هحكيلك البيه شكلو مكسوف قولي يا جدي ينفع الواحد يشك في مراتو
بقلمي زهرة الربيع
عمار بصلها بتوتر وجاد قال اعوذ بالله لا طبعا كلو الا الشك بس يا بنتي احكيلي الموضوع مش يمكن يكون غيران عليكي مش شك ولا حاجه
صدفه بصت لعمار بخبث وقالت ها يا عمار بيه احكيلو 
عمار قال پغضب