الفتنه محمودالأمين
انت في الصفحة 2 من صفحتين
الخفيفة مرسومة علي وشه
وقلي
أهلا بيك أنت جيت برضو علي فكرة شغفك ده هيوديك في داهية
عزيز أنا عايزك تحكيلي كل حاجه وصدقني هدافع عنك لو في الاستطاعة
ضحك عزيز وهو بيقولي معاك سېجارة طيب عشان أحكيلك
طلعت سېجارة وقولتله
ممكن اعرف أنت بتضحك ليه
بضحك علي كلمة أدافع عنك دي اصل انت مش هتصدقني اصلا عشان تدافع عني
هحكيلك بس حاول تستوعب اللي هتسمعه
احكي بس وانا هسمعك
قلي زي ما قولتلك انا من قرية أسمها الصيادين وهي أسم علي مسمي يا بيه أحنا معظمنا صيادين
كل يوم بنطلع البحر نجري
علي أكل عيشنا ونرجع اخر الليل بالرزق اكل وفلوس والحمدلله العيشة كانت مستورة أنا كنت متجوز صابرين بنت الاستاذ فايز مدير المدرسة الابتدائي
لحد ما في يوم صحينا كلنا علي رجوع العامر وقبل ما تسأل مين العامر
العامر ده ابن عتمان كان ابوه التربي بتاع البلد زمان الله يجحمه مطرح ما راح كان راجل مؤذي بتاع اعمال وسحر وقرف
لما رجع كان عامل فيها الشيخ الواعظ الدقن والجلبية البيضة والسبحة وأشتري بيت كبير من بيوت البلد
محدش كان عارف هو جاب الفلوس دي منين لكن الكل قال ربنا يهديه
محدش كان عارف اي اللي بيدور في عقل الشيطان ده
لكن من تاني يوم خرج للناس علي منبر الجامع وقال
بلدنا يا سي الاستاذ بلد جهل وفقر كل اللي معاه مشكله كان بدل ما يصلي ويدعي لربنا كان يروح للعامر ويطلب منه المساعدة
اللي مش لاقي ياكل واللي تعبانة والناس قالوا عليها جن
مبتخلفش
وتعالي علي نقطة مبتخلفش دي وحط تحتها مليون خط
عشان قصتي بتبدأ من هنا
أول واحدة راحت للشيخ
العامر وسامحني اني بقول عليه شيخ
كانت واحدة اسمها ناهد كانت بنت راجل غلبان اسمه عوض راحت للشيخ العامر بعد ما زهقت من اللف علي الدكاترة
لما راحت عنده ورجعت حكت لمراتي أنها
من غير تفاصيل لما رحتله تاني أداها كيس في بودرة لونها اسود وقالها تدوبيها في شوربة وجوزك يشربها
هي مسألتش ليه حاضر وخلاص
وقالها تاجي بعد يومين كمان
والمقابلة دي كانت الکاړثة لما رحتله المرة التالتة
قالت انه ۏلع بخور ريحته تقيلة شويه خلاني دوخت ومحستش بنفسي ولما فوقت معرفش بعد قد اي
لقيته مبتسم وقلي قريب هتسمعي خبر حلو بس مطلوب منك ولمدة 40 يوم مفيش صلاة مفيش ذكر لاسم ربنا مفيش قرآن لو عملتي كده هيكون العقاپ شديد
طبعا لما سمعنا الكلام نصحنا ناهد مترحش تاني للراجل ده وان اللي بيطلبه منها ده كفر بمعني الكلمة
لكن هي مسمعتش الكلام
ويمكن اللي سكتنا ان ناهد حملت اه والله حملت
محدش كان مصدق والكل بقا يقول علي الشيخ العامر البركة حلال العقد قولتلك الجهل متمكن منهم
لكن اللي حصل كان کاړثة
صحينا في
يوم علي صرخات مكناش عارفين في اي
الناس كلها خرجت علي منظر جوز ناهد ماسكة فيه والناس كلها بتدلق عليه مية وبتحاول تلحقه
المنظر كان صعب جدا لكن الادهي لما دخلت بيته ومش هتصدق شوفنا اي
يتبع الجزء الثاني
محمودالأمين
