في عصمتي بلوة

وقال... امال ايه الصح
رباب قالت پغضب..الصح انك مينفعش تعمل اللي عملته ده مهما كانت علاقتنا مع بعض مش كويسه مينفعش تعمل حركه زي دي
رشاد اتنهد وقال ....ايوه فهمتك معاكي حق..وحقك عليا مش هعملها تاني ابدا والله ....وكمل وقال بخبث ...هطلع اقابلها بره عمري ما اجيبها تاني هنا في بيتنا
رباب بصتلو بدهشه وقالت ....ايه يا اخويا

رشاد كان عايز يضحك على شكلها وقال....زي ما بقولك كده مدام انتي مبتغيريش وكل المشكله في منظرك خلاص اروحلها انا ...ومش هجيبها هنا تاني واصل مرضيه
رباب حست پخنقه وكانت هتتجنن من كلامه بس مبينتلوش ابتسمت بالعافيه وقالت ...اه...كده احسن
وبقت تحاول تنام وهيه متغاظه جدا
رشاد ابتسم بسعاده مش مصدق لاول مره يحس انها غيرانه عليه ... بعد شويه شدها وضمھا بقوه لحد ما راح هو كمان في النوم
في صباح يوم جديد كانت رباب مع الخدامات في المطبخ بتديهم التوجيهات وبيحضرو الفطار 
دخلت ست في ال 50 وقالت بضيق شديد ...صباخ الخير يا مرت الولد... انا يا حبيبتي مش قايله لك 100 مره تريحي نفسك وما تديش الاوامر مدام انا موجوده انا ست الدار ده ومرت العمده وانا الي امر وانهي هنه ولا ايه
رباب اتنهدت پخنقه وقالت ...ابدا يا مرت عمي مش ناسيه بس كلهم صحيو وجعانين وانتي كنتي لسه نايمه فقلت اشق على المطبخ مش اكثر
مرات العمده قالت پغضب شديد..... انا نايمه بس بتي موجوده وصاحيه وهيه اولى بدار امها
رباب لسه هترد رشاد دخل وقال پغضب... رباب زيها زي بتك بهانه واكتر ... رباب مرت العمده الصغير والوريث لكل الدار ده باللي فيه يا مرت ابوي ...انت صح مرت ابوي وليكي في الدار بس بتك مجرد ضيفه فيه مش معنى ان احنا قابلين انها تفضل معاكي عشان ما تبعدش عنك تفكري انها بقت ست الدار وليها الاولويه على مرتي
مرات ابوه اتوترت قوي وقالت بارتباك ...انا مقصديش يا رشاد يا ولدي..انا قصدت اريحها البنيه تعبانه طول اليوم
رشاد قال بضيق... لا ريحي نفسك انتي هيه مرتاحه ومشكتش ده غير ان انا بحب اكل من عمايل مرتي وبس بستنضف اكلها
مرات ابوه اتغاظت قوي وبصت لهم بتوعد وطلعت من المطبخ وهي هتتجنن
رباب بصتلو بابتسامه وهيه طايره من السعاده لانه دافع عنها بالشكل ده
رشاد بص للخدامات وقال الفطار جهز
قالوا بسرعه وقلق...جهز جنابك وهنحضرو السفره على طول
رشاد قال ....طيب يلا كل واحده تروح تشوف لها شغله احنا هنودي الفطار
الخدامات استغربوا قوي لانه اصلا مش بيدخل المطبخ
وطلعو بسرعه وهما بيتهامسو
رشاد قرب على رباب بابتسامه
وقال....صباح الورد كده تقومي من

غير ما تخليني اشوف عيونك..صحيت ما لقيتكش جاري
رباب ابتسمت وقالت... عمي كان جعان سمعتو بينادي للخدم يجهزو طلعت اساعد
رشاد قرب منها قوي وحواطها عند المطبخ وقال ....بس انا مش عايزك تتعبي نفسك واصل الخدم يعملوا كل حاجه
رباب بصت لعيونه اللي كانت قريبه قوي وتاهت فيهم وقالت ...انا مش تعبانه من حاجه
رشاد شدها وقال بهمس....بس انا تعبان... تعبان قوي 
بقلم...زهرة الربيع
رباب نزلت عيونها بكسوف وقالت...وايه اللي تعبك سخن اياك
رشاد وقال.. قوي مولع يا بت... بقول لك ايه ما تطلعي معايا نتفاهموا فوق بدل ما نتفاهموا هنا ونتجرس
رباب ضحكت جامد ودفعته وقالت... احنا ولا هنتفاهمو فوق ولا هنتفاهموا هنا
وبقت تقطع السلطه ورشاد وقف وراها و ومسك السکينه معاها وبقى يقطع الخضار وقال ...بس انا تعبت من قلت التفاهم
رباب قالت بسخريه... ليه ما انت امبارح كنت بتتفاهم
رشاد ضحك جامد وقال.... وحيات