الخاطبة بقلم مريم سمير
دخلت كنت حاسه ب خنقة قولت لماما اني همشي وبعد محايلة سابتني اروح وقعدت هي تكمل الليلة
خرجت من باب القاعة بصيت علي الشارع يمين وشمال ملقتش ولا تاكسي فضلت واقفة لحد ما تيجي أي مواصلة
تحبي اوصلك
كان نفس الشاب الي كان في القاعة بصيت قدامي
_ لاء شكرا أنا هتصرف
طب استني معاكي لحد ما تلاقي تاكس
الصراحة اه شوفت صورتك امبارح
_ اه انت عريس بقي شوفت صورتي ف جاي تفتح معايا كلام تسمح تمشي
أنا مش قصدي أنا..
_ أنا مش عاوزة اسمع حاجة
موقف محرج اوييي دا جاي عشان شاف مجرد صورة ليا! يعني شكلي الي عجبه مش أنا!
فيه حاجة ولا اييي أي اتأخرت عليكي
بصيت لقيته احمد نازل من العربيه ف رفعت حاجبي
بصوا لبعض ف فهم وسحب نفسه ودخل جوا رجعت بصيت ل احمد _ انت أي الي عملته دا وثواني انت أي الي جابك هنا اصلا
العريس ابن مرات خال عم بنت خالة ابويا
_ اي اي
متدخلنيش في تفاصيل دلوقتي راحة فين بحلاوتك دي مهو ليه حق!
_ كنت راحة في.. ايدا في أي وانت مالك
_ طب ادخل الخطوبة الي جاي عشانها
واسيبك ويجي واحد تاني يعاكسك وألم أنا وراكي أي مخرجك يعني من القاعة مش فاهم
_ زهقت!
طب تعالي اوصلك
_ لاء
طب تعالي نقعد علي البحر
_ لاء
اقسم بالله هزعلك اتفضلي قدامي
_ أنا هركب عشان مش لاقيه مواصلات بس
ركبنا وروحنا علي البحر كان لسه بدري وكنت مخڼوقة
روحت قعدت علي البحر وبصيت قدامي
_ انتي كويسه
أنا مش هعرف اعيط حاطة مسكرة والله وهتهبب ف مش هينفع
_ يعني مش كويسه
لاء الي كان واقف دا عريس شاف صورتي وجه الخطوبة عشان يشوفني ويتعرف عليا
وانتي مش عاوزة تتجوزي بالطريقة دي صح
متزعليش من مامتك هي زي اي أم مريم أنا امي كل لما تقعد في مكان تقول أنا ابني احمد مخلص هندسه وشغال على عربيه قرص وتصوت
ضحكت ومسحت عياطي المسكرا حلوة مش خسارة فيها الفلوس
ابتسملي بالمناسبة شكلك تحفه
_..
دي اقل بدلة عندي علي فكرة
ضحكت
_ انت كمان شكلك حلو صحيح انت مدام مهندس أي مخليك شغال علي عربيه
_ منا بشتغل في شركة ابويا بس انا الي بحب الطبخ لما قولت ل امي قالت يا دي العيبة انت عاوز الناس قولت علينا اييي أنا بعمل كد عشان عاوز اعمل كد مش عشان الفلوس انتي فاهمة
_ فهماك الظاهر الي بينا حاجة مشتركة
الحلاوة ولا اي
ضحكت
