حبيبي المجهول

لما لقاها اميره وقال بدهشه...اميره
اميره ابتسمتله وطلعت بطاقتها للضابط وقالت.... انا اميره حسن مرات مراد بيه وعرفت حاجه مهمه عن القضيه
الضابط سمح لها تقول 
ومراد اټصدم لما قالت ....حضرتك انا قابلت البنت المدعيه وبصت لزياد اللي ملامحه بهتت جدا وقالت ...وهي قالت كلام غير اللي قالته هنا..... اسمعها حضرتك

دخلت البنت وقالت بارتباك ....حضرتك انا اخذت فلوس علشان اقول كده واعترفت على زياد.... ان هو اللي عمل كده
زياد بقى يزعق ويقول .....انتي كذابه دي جايه توقعنا في بعض وخلاص صدقوني دي بت كدابه
بس البنت طلعت تسجيل لزياد وهو بيتفق معاها وقالت ....حضرتك ده إثبات
زياد كان هيقع من طوله والضابط سمع التسجيل واتأكد من برائه مراد و نادى لواحد من العساكر ياخدوها هي وزياد
بس مراد قال بسرعه ....حضرتك سيبهم انا متنازل
زياد بصلو باستغراب ودموع وهو ابتسم بسخريه وقال... زياد اخويا الصغير وهو اكيد ما يعرفش معنى اللي بيعملوا فيا ده ..ميعرفش يغني ايه اصلا
زياد نزل عيونه في الارض واميره مسكت ايد مراد وطلعت معاه بعد ما اخد افراج
اول ما طلعو مراد بص لها بدموع وقبل ما تتكلم شدها لحضنه بقوه وبقى يحضنها معاه و قال بدموع وحشتيني يا مجنونه..وحشتيني اوي ليه عملتي فيا كده ...ده انا حسيت زي ما اكون مسجون بقا لي سنه ليه سبتيني كل المده دي..ليه تبقي انتي والدنيا عليا
اميره ضمتو بدموع وقالت.... سامحني يا قلبي ...كان لازم اعمل كده علشانك ..وبصتلو وقالت...انا والله ما صدقتش ولا حرف من اللي اتقال ...بس من نظرات زياد حسيت انه ليه دخل بالموضوع وكان لازم يفهم اني متضايقه منك عشان اعرف اوصل للبنت....و فعلا وصلت لها هيه اخذت مني كتير قوي بس مش مهم كله فداك المهم انك طلعت بخير
مراد بص لها بحزن وقال..... طب انتي جبت فلوس منين
اميره قالت بدموع .....ما تخافش ربنا بيدبرها و بابا وماما ما سابونيش ابدا وانا بعت العربيه بتاعتي...و بعت كام حاجه كده غاليه عليا من اللي انت جبتهم لي بس مش مهم... المهم ان انت كويس... انت عندي بالدنيا كلها
مراد ابتسم وعيونه بتلمع بالدموع وهو مش مصدق اللي عملته علشانه وضمھا لقلبه مره ثانيه وقال.... انا اخيرا ما بقتش لوحدي .....الله يرحمك يا بابا سابلي روحه ومحبته
واهتمامه بعد ما مشي ....كانت اجمل حاجه حصلت في حياتي انه جمعني بيكي ربنا يخليك لقلبي وعيوني وما يبعدكش عنهم ابدا
اميره لسه هترد عليه خرج زياد بحزن وحرج شديد بعد الكلام اللي قاله مراد ولما ما مرضاش يحبسه بصله بحزن وقال.... شكرا على اللي عملته جوه انا مستاهلوش انا هاخد ماما ونمشي من البيت..و تقدر تعتبرني مش موجود خالص من هنا ورايح
لسه هيمشي مراد حط ايده على كتفه وقال..... انت هتاخد والدتك وتروح البيت التاني عشان كل واحد يعيش براحته بس ما فيش حاجه اسمها اقدر اعتبرك مش موجود انت اخويا وهتفضل كده ولو احتاجتني في اي وقت هتلاقيني قدامك
زياد نزلت دموعه بحزن وندم ونزل عيونه في الارض
مراد ابتسم وقرب حضنه وهو حضنه بقوه وقال.... ربنا يخليكوا لبعض..ظ عن اذنك
وسابهم ومشي
مراد مسك ايد اميره بحنيه وقال....د ربنا يخلي لي اميرتي اللي عشقتها.... اوعي تبعدي عني يا اميره....انتي دلوقتي كل حاجه بالنسبه لي
اميره ابتسمت بدموع وقالت....عمري ما هبعد عنك اصلا مبقتش اقدر
مراد ابتسم بسعاده وقال.... ربنا يخلينا لبعض و ما
يحرم قلبي منك ابدا
اميره ابتسامه بحب شديد وقالت.... ولا يحرمني منك يا مراد انا كنت هتجنن في الفتره دي ما اعرفش قضيتها ازاي قلبي وجعني قوي وخفت عليك قوي قوي وكل اللي كان مزعلني  اني مش قادره ابقى جنبك وفي حضنك.... بس خلاص يا قلبي كل شيء اتحل ..وهنفضل انا وانت لوحدنا وهنعيش اللي اتمنينا كله...و اللي كتبناه في جواباتنا وامانينا و كنا نرسمه لبعض في خيالنا
مراد باس جبينها وقال..... ان شاء الله يا قلبي ربنا يقدرني ويحققلك كل اللي في خيالك واقدر اكون حبيبك المجهول اللي اتمنيته 
كنتم مع حبيبي المجهول بقلم زهرة الربيع ...زهرتكم تحيكم ودمتم في امان الله مع من تحبون