عهودالحب والورد بقلم سارةنيل
كانت متخبيا ليه وبتهرب من مين قوليلي البت دي لابسة أيه وهي ماشية الصبح.
لابسه بتاع كدا معرفش اسمه أيه يا توفيق بتاع من عند راسها لغاية عند ركبتها معرفش اسمه وشاح ولا إدناء معرفش بنتك بتجيب الهدوم دي منين شوف الناس قالت علينا أيه من حقهم يقولوا هي بتستخبى من مين..
صاح توفيق پغضب
اسمعي الكلمتين دول كويس يا نجلاء طالما البت دي مش عاملة لكلامي أي أهمية يبقى تعيش هنا زيها زي الغريب في بيتي ملهاش لقمة من مالي يدوب قعدتها بس .. لغاية ما تتربى وترجع لعقلها إحنا ساكنين في مكان راقي ومش حمل حد كل يوم والتاني يوقفني ويسألني بنتك بتعمل في نفسها ليه كدا..
قال وهو يخرج غاضبا
اعملي إللي تعمليه يا نجلاء ماعدتش تفرق معايا..
جلست نجلاء تستشيط ڠضبا وهي تتوعد لعهود بالكثير..
بعد مرور بضع ساعات كانت عهود تدلف إلى المنزل بإرهاق وتعب والجوع يفتك بها بعد أول يوم عمل..
ظلت نجلاء جالسة تضع قدما فوق الأخرى ولم يصدر عنها ولو كلمة واحدة..
تنهدت عهود بحزن ودخلت غرفتها بيأس بدلت ملابسها ثم أدت فرض المغرب بهدوء وسکينة..
جلست على سجادة الصلاة ورددت الأذكار وآية الكرسي فقد إعتادت أن تهمس بآية الكرسي بعد كل صلاة والمعوذتان..
خرجت بهدوء فرأت والدتها مازالت جالسة لم تتحرك من محلها..
ابتسمت لها عهود وهي تتجه نحو المطبخ وقالت
ماما إنت أكلتي ولا أعمل حسابك معايا.
تسائلت ووالدتها بجفاء
إنت راحة فين.
توقفت عهود وهي تستدير لها قائلة
هجهز أي حاجة أكلها .. أصل بعيد عنك يا نوجا حاسة إن مېته جوع مأكلتش أي حاجة من الصبح..
إنت ملكيش أكل هنا ولا لقمة وأبوك سحب مصروفك وبطاقة إئتمانك أبوك سحبها.. وملكيش عندنا ألا قعدتك.
تطلعت بها عهود بأعين متسعة جاحظة پصدمة فأكملت الأخرى دون شفقة
اشتغلي وأكلي نفسك واصرفي على هدومك دي لكن أبوك قال ولا قرش واحد من فلوسه هتروح على الهدوم دي.
خرجت شقيقتها وألقت بكلام كان كوقع الخڼجر على قلب عهود
زيك زي ولا أيه يا شيخة العرب.
يتبع.
عهودالحبوالورد
سارةنيل.
دمتم بود
رواية عهود الحب والورد الفصل الثالث بقلم ساره نيل
٣
لم تترك نفسها للصدمة والحزن والضعف والهوان أفاقت سريعا وابتسمت بإتساع .. فهل الذي بجوار ربه ضعيف!!
اقتربت منهم ومازالت الإبتسامة لم تمحى عقدت ذراعها ورفعت رأسها تقول بقوة نابعة من إيمانها
أكل وشرب ومصروف!! يعني إنت مفكرة إن بالطريقة دي مثلا ممكن تخليني أتراجع يا ماما وأقولك خلاص هخلع اللبس دا من بكرا..
ياريت الدنيا كلها تيجي على الأكل والشرب يا ماما الكلاب بتاكل يا أمي والعصافير ربنا بيسخرلها رزقها..
يعني دي أرزاق ربنا مقسمها أنا أموت من الجوع والعطش ولا أرجع خطوة واحدة في الطريق إللي مشيته يا نجلا هانم.
إنت أمي وربنا أمرني ببرك وطاعتك إلا في حالة واحدة..
المعصية .. وأنا بطريقة اللبس إللي بتأمريني بيها بعصي رب العالمين يا أمي لا طاعة لمخلوق في معصية الخالق
يا ماما يعني علشان أسمع كلامك أعصي ربنا حبيبي.
واستدارت لشقيقتها التي ظلت تستمع بصمت وأردفت
هو إنت مين علشان تحكمي ربي يغفر لي ولا لا.!
يعني هو يقول أنه غفور رحيم وإنت تقولي ربنا مش هيغفر ليا يعني هو بيقول على إللي بيرجع له إنه بيبدل سيئاته حسنات وإنت بتقولي مش هيغفر ليا!
يعني هو بيفرح بتوبة عبده وبيقول إن تابوا فأنا حبيبهم وإن لم يتوبوا فأنا طبيبهم وإنت تقولي مش هيغفر ليا.!
يعني هو كل ليلة يتنزل في السماء الدنيا وينادي هل من تائب فأتوب عليه هل من مستغفر فأغفر له وإنت تقولي مش هيغفر ليا.!
يعني هو بيناديعبدي إنك ما دعوتني ورجوتني غفرت لك على ما كان منك ولا أبالي عبدي لو بلغت ذنوبك عنان السماء ثم استغفرتني غفرت لك على ما كان منك ولا أبالي.
ولم العبد بيرجع له بيستقبله بحفاوة..
وإنت تقولي مش هيغفر ليا.!
كانت تتحدث بحړقة نابعة من أنياط قلبها ولم تشعر والدتها وشقيقتها إلا ببعض الدموع تلقيها أعينهم لا يعلمون ما سببها.!
تابعت عهود بصدق
أنا عارفة إن مش كنت كويسة وكنت بنت طايشة وفضلت
فترة بشعري وبعد ما قررت ألبس الحجاب مكانش يتسمى أبدا حجاب عملت كل الممنوع .. الذنوب كانت ډافنة قلبي..
أدمعت أعينها وأكملت
بس هو كان بيحبني وإبتلاء صغير كشف كل حاجة قدامي ولسه بعاني وخاېفة من ذنوبي ومن الإنتكاس محتاجة حد يشدد بأزري يقويني وأنا حاسة إن كل حاجة ضدي بقاوم لواحدي... بس عرفت مؤخرا إن أجري بيكون أعظم من إن يكون كل شيء مهيأ ليا..
أنا مش هتراجع ولو خطوة واحدة يا أمي وبلغي بابا بالكلام ده .. أنا مش هعصي ربنا علشان أراضيكم.
وبالنسبة للأكل والشرب والمصروف فرزقي على الله أنا ظني فيه حسن ومتيقنة إن مش هايسبني أبدا..
وابتسمت ثم زادت
تصبحوا على خير.
دخلت عهود غرفتها ثم تنفست بعمق وهي تزيل دموعها وهمست بقوة
خلاص مفيش أي بكى وحزن من النهاردة إنت أقوى من كدا إنت مخلوق من صنع الله تقدري على دا كله..
الله لم يخلقك هكذا عبثا.
هطور من نفسي وأتعلم كل جديد هفرح نفسي بنفسي ودي تبقى أيه يا ست عهود .. دي عهود الورد.
جلست على فراشها ثم أخذت تقرأ سورة الملك وتسطحت على الفراش وڠرقت في نوم عميق.
بالغرفة المجاورة جلست والدة عهود بجانب زوجها على الفراش بذهن شارد.
مالك يا نجلاء في أيه.!
عهود.
مالها!
قلبي واجعني عليها دي كانت جاية مېتة من الجوع وخلصانة خالص وإنت قولت أقرص ودنها بالأكل والشرب والمصاريف بس يا توفيق عهود عمرها ما تيجي بالطريقة دي كل ده مش فارق معاها وعنيدة أنا مش تايهة عنها..
قال توفيق بقسۏة مزيفة يشوش بها على نزعات الحنان التي تتلاعب بقلبه
مش هتستمر وعلى بكرا هتفوق وترجع لنا.
أنا سبت الأكل في المطبخ على أساس لو خرجت بليل تاكل وكدا بس أنا مش تايهة عنها دي عنيدة ومش هتعملها..
نامي يا نجلاء .. نامي وعهود بكرا تعقل.
كانت كالفراشة تسير وسط الزروع والورود بثوب فضفاض باللون الزيتوني تحمل أطرافه نقوش بسيطة من الورد وعلى رأسها خمار مزدوج تلفه بطريقة رقيقة مبتكرة أخفت معالم جسدها.
بتدأ تباشر عملها حيث تخصصت في العناية بالتربة والنباتات فكان في غاية السعادة لحبها النباتات والورود ولعملها بينهم كل اليوم.
صباح
الخير.
التفتت فور أن
سمعت صوته وزفرت بإحباط ثم ردت ببساطة
صباح النور أهلا يا باشمهندس أمان.
عاملة أيه يا عهود وأخبار الشغل هنا معاك.
الحمد لله بخير أنا بحب مجال شغلي جدا وإن شاء الله أقدم شيء كويس.
قال بأعين مليئة بالكثير من الدفء
واثق يا عهود واثق فيك.
ابتسمت بسخرية وتسائلت
نفس الثقة قبل ست سنين.
لا يا عهود .. أنا آسف
يا عهود آسف سامحيني وإنسى بقى..
إنت بعد ما سيبتي الكلية أقسمت يمين ماعدت أدرس تاني كأستاذ جامعي في كلية الهندسة .. وحرمتها على نفسي بعد خروجك منها إللي كان بسبب ظلمي لك..
دورت عليك كتير أووي يا عهود واتعذبت أكتر بسبب تأنيب الضمير إنت عيشتي معايا وفي مخيلتي وفكري ست سنين.
ابتلعت ريقها وأردفت بتوتر
مفيش داعي للكلام ده حضرتك أنا قولتلك إن مش زعلانة ومسامحة ربنا يسامحنا جميعا..
أنا واثق إن كل حاجة هتتغير أنا كفيل بده بس أما يبقى ليا الحق ويلا أسيبك لشغلك..
وقبل أنا يرحل عاد بعض خطوات في ظل تعجب عهود من كلماته وقال بغموض
خلي بالك من الورد .. يا عهود أصل هيشهد على كتير جدا.
ورحل وتركها في حيرة من أمرها..
ماله ده وأيه الكلام إللي بيقوله الغريب ده.!
يلا يلا متشغليش دماغك يا عهود يلا خلصي علشان تروحيلها..
وقفت أمام الباب تتذكر كثيرا من الذكريات عاشتها بهذا المكان الدافيء ظلت تتأمل بيوت الحارة بأعين مشتاقة وهذا المنزل ذا اللون الأخضر التي شيدت بين جدرانه كثيرا من الذكريات..
ادخلي يا بنت توفيق ونجلاء ادخلي..
احتضنتها من ظهرها بمرح وصاحت بسعادة
وحشاني أووي يا كونتيسة دلال.
بطلي بكش يا بت إنت .. فينك من كام شهر يعني.
ما إنت عارفة ضغط الإمتحانات إللي كنت فيه والتخرج والذي منه..
ااه قولي مشاغل زي توفيق أفندي المبجل إللي استكبر على هنا وعايز ياخدني في المدينة والفيلا والهلومه.
دا إللي كانوا مهاجرين من القرية رجعوا تاني لأن الجو هنا مش هيتعوض عايزين أنا بقى أسيب بيتي والمكان إللي عايشة فيه من ساعة ما وعيت على الدنيا وأجي المكان إللي يجيب المړض ده..
بصراحة يا دولا في دي عندك حق متعرفيش أنا بعشق أجواء القرية هنا قد أيه.
ڠصب عن أنف توفيق الكبيرة والست نجلاء المتغطرسة أنا حكمت عليك بالمأبد هنا..
ألقت عهود الحقيبة على الكنبة القديمة ذات الألوان العديدة والمساند المبهجة رغم قدمها لكنها تضج بالبهجة..
يلا بينا ... بصي أنا مېته جوع وعندي حاجات كتير عايزة أحكيهالك قوليلي بقاا عاملة أكل أيه يا دولا.
بامية يا مصلحنجية.
رددت عهود بخيبة أمل
يييي بقاا يا دولا ما إنت عارفة
إنها مش بتحبني..
خليك ناصحة يا بت ووقعيها في حبك.
تيتا بطلي تتمقلتي عليا.
خلاص يا أختي بدل ما ټعيطي ادخلي غيري هدومك وصلي وحصليني على المطبخ نكمل سوا الجلاش ومحشي الكوسة..
يييي تحيا الكونتيسة دلال..
جاءت لترد عليها لكن قطع حديثها صوت رنين جرس الباب قالت الجدة دلال
طب افتحي الأول كدا شوفي مين تلاقي حبيب قلبي وصل..
بقى كدا من ورايا يا دولا وكمان بتقوليها في وشي دا حتى إحنا ستر وغطا على بعض..
افتحي يا بت وبطلي لماضة..
ذهبت عهود وسحبت مزلاق الباب وهي تبتسم وتقول بمرح
شريرة يا دولا شريرة.
وبمجرد أن التفتت تصنمت بأرضها كمن ضړبته صاعقة وهتفت پصدمة
إنت .. إنت بتعمل أيه هنا.!!
عهود .. أيه جابك هنا.!
يتبع.
عهودالحبوالورد
سارةنيل.
دمتم بود
٤
أيه جابك هنا وتعرف دولا منين!
تسائل أمان بتعجب هو الأخر
إنت أيه إللي جابك هنا وتعرفي دولا منين!!
ربعت عهود ذراعها أمام صدرها وقبل أن تنطق قاطعتها الجدة دلال بقولها
حبيب قلبي أمان ادخل يا غالي أيه أخرك كدا.!
التفتت عهود لجدتها واستفهمت
تعرفيه منين يا تيتا.!
أمان يبقاا ابن ابن أخويا ومن سنين طويلة جدا هاجروا من القرية علشان شغلهم ومصالحهم بس كانوا بيجوا زيارات كدا..
ولوت فمها وأكملت بنزق
يعني البيه أبوه حاله من حال أبوك توفيق أفندي أصلهم مش هيقبوا لفوق ألا لما يسيبوا البلد حجج فارغة صحيح بس أمان حبيب سته بقاله فترة هنا جاب الجماعة وهما عجبهم العيشة هنا وأهو ماشي الحال.
ثم وزعت النظرات بينهم وتسائلت
وانتوا تعرفوا بعض منين بقاا دا إنتوا عمركم ما قبلتوا بعض ولا اجتمعتوا في وقت واحد في القرية..
جاء أمان ليجيب ويروي قصة تعارفه ب عهود لكنها سبقته تقول بإبتسامة
باشمهندس أمان يا دولا يبقا صاحب الشركة إللي قولتلك
بدأت تدريب فيها سبحان الله طلعنا قرايب حقيقي الدنيا دي غريبة جدا.
شعر أمان بالحزن فهي قد تجنبت القصة القديمة وتأبى ذكرها والحديث حولها من الواضح جدا أن بفضله قد تسبب لها پألم كبير وچروح غائرة..
آآه يا محاسن الصدف يا ولاد والله عهود وردة قلبي ونور عيني وحفيدتي الأولى والغالية على قلبي.
تطلع أمان بعهود بأعين مغمورة بالحب المكبوت وقال بمرح
دول كلهم عهود حقيقي اتشرفت بيك جدا يا عهود.
ابتسمت عهود بمجاملة وأردفت
وأنا أكتر يا باشمهندس أمان.
طب ما إحنا طلعنا قرايب وكمان إحنا برا فترة الشغل ما بلاش باشمهندس دي وخليها أمان بس.
ابتسمت عهود واكتفت بتحريك رأسها فقط ثم التفتت لجدتها وقالت
هدخل أشوف الغدا يا دولا وأجهز السفرة.
تأملتها الجدة بأعين متفحصة وقالت وهي تربت على كتفها
ماشي يا عيون دولا وأنا جايه وراك.
ابتسم أمان بحماس وارتمى على إحدى الكنبات وقال
شهلي يا ست عهود الله يباركلك أصل واقع من الجوع بعيد عنك.
ابتسمت عهود بهدوء ودخلت وأعين الجدة تتبعها جلست بجانب أمان ولكزته متسائلة بتعجب
واد يا أمان أنا قلبي مش مرتاح للحكاية إللي قالتها عهود في حاجة تانية أنا مش عرفاها يا واد.
اقترب منها أمان وأردف بلهفة مسرعا
فاكرة الحكاية إللي كنت حكيتلك عليها يا دولا.
قالت بتذكر
البنت إللي بقالك فترة بدور عليها وقولت إنك ظلمتها وقلبك الأهطل عاشقها من بعد الموقف ده..
أنا أعرف يا أخويا أيه الخيبة دي ما كانت قدامك يا مايل جاي تحبها بعد ما اختفت..
ما كفاية جلد فيا بقاا يا دولا عموما يا ستي البنت دي تبقى عهود.
وقفت الجدة پصدمة وهي ټضرب صدرها
عهود بنتي قصدك عهود عهود!!
أحنى رأسه بحزن وألم
أيوا عهود يا دولا ياريت ما كنت أوعى أدخل الجامعة ولا أدرس فيها بعد إللي عملته فيها ده.
وبلمح البصر كانت الجدة دلال تلتقط خفها المنزلي الثقيل وتنهال على أمان به لتبرحه ضړبا..
ظل ينتفض تحت يدها وهو يقول
اضربي يا دولا اضربي عايز أتوب أنا أستحق أكتر من كدا.
دا بعدك أجوزهالك يا واطي بقاا عهود يتعمل فيها كدا أنا هطلع كل إللي شافته من تحت راسك على جتتك يا خوف إنت .. عمرك ما تكون أمان لا أبدا..
توقف أمان فجأة وتسائل بترقب
شافته!! .. أيه إللي حصل لعهود يا ستي أنا بكلمك بجد أنا عارف إن في حاجات حصلت وغيرتها بس أيه إللي حصل!
تنهدت الجدة وجلست بحزن وهي تلقي بخفها بعيدا وهتفت بحسرة
زهرة شبابها انطفت بس الحمد لله كل محڼة وفيها منحة وعهود اتعلمت كتير جدا واتغيرت أووي بسبب الفترة دي..
بص يا أمان يا ابني عهود وحدها بس تقدر تحكيلك إللي حصل معها بس هي بقت وردة مفتحة واتعلمت عهود جديدة لنفسها ونفذتها وهي ماشية على خطاها هي زرعت في حياتها ورد وخلعت كل الشوك
إللي كان ماليها هي تخطت الأزمة دي لوحدها بفضل الله وعرفت تقف على رجليها تاني..
أنا فخورة جدا ببنتي عهود هي أفضل مثال للقوة والشجاعة وإن كل واحد
يقدر يغير من حياته للأفضل وإن الأنسان في إيده دايما الخيار وهو إللي بيختار.
انحنى أمان أمامها وأمسك يدها بين يديه مقبلها بإحترام
وهي فوق راسي وفي قلبي وساكنة روحي أنا عشقنها يا ستي كان كل يوم
