المحاضرة الجاية
امممم أو يونس او ممكن يحي
يووووه بقي يا ايمان أنتي هتباتي هنا ولا اي اتحركي يالا روحي البيت وانسي يونس ولا يوسف ده اكيد مش هتتقابلوا تاني
انتي كده حظك يابنتي تقابلي الناس مره واحده في حياتك وبعد كده بخ مش بيبان ليهم آثرفاكره انك هتعيشي جو الروايات الفكسان ده وانتي في الآخر هتتجوزي علي علوكه أو اشرف كخه
دخلت البيت واللي المفروض يكون دافئ لاي شخص إلا أني حسيت ببروده في جسمي أول ما دخلت
بصيت علي الكنبه وانا بتخيل ماما قاعده عليها بتتفرج علي التلفزيون وفي ايديها كوبايه شاي ومندمجه
وبابا وهو قاعد جنبها لابس نظاره نظر وماسك الفون بتاعه بيحاول يتعلم يستخدم الفيس بوك
لكن بالرغم من كل ده كنت بحس بالدفا والحنان كنت بحاول اخلص اي حاجه عندي بأقصي سرعه عشان ارجع علي البيت اجري علي حضنهم واضحك معاهم
نزلت دمعه من عيوني وانا بقول بهمس
اتنهدت وروحت قعدت علي الكنبه بتعب حقيقي اليوم النهارده كان مرهق اوي
كنت طول اليوم بلف بالعربيه ماشاء الله الناس كلها خارجه من بيتها النهارده
ملحوظه إيمان بتشتغل اوبر
بعد اسبوع كنت راكبه في عربيتي وراكنه علي جنب في مكان مستنيه الشخص اللي هوصله
ركب وكان لابس نظاره شمس واتكلم بلكنه انجليزيه
هيا
اتوترت ورمشت عيوني اكتر من مره بس في النهايه اخدت نفس طويل ودورت العربيه وكملت طريقي
بصيت في المرايه عليه كان قلع النظاره واول ما عيوني اتقابلت في عيوني قلبي اتنفض بين ضلوعي اول ما شوفت عيونه اللي كانت تشبه الي حد كبير لعيون الشخص المجهول بالنسبالي
فضلت فتره ابصله وانا بتنفس بسرعه وهو باين علي وشه الهدوء والغموض في نفس الوقت
بصلي وسأل بهدوء
هل هناك خطب
هه ل لا لا لكنك تشبه شخص اعرفه
بصلي بنفس الغموض ورد بهدوء
حسنا
اخدت نفس وكملت طريقي وانا بحاول اسيطر علي التوتر اللي احتلني من وقت ما دخل العربيه
الفون بتاعي رن وكانت واحده من أصحابي اللي في مصر رديت عليها وفضلنا نتكلم شويه وشويه وقفلت معاها وانا ببتسم براحه كبيره جدا
رديت بصدممه وانا بلف براسي
اي ده انت مصري !
ابتسم بهدوء
طب بصي قدامك هنعمل حاډثه
ابتسمت بتوتر وبصيت قدامي وانا بسأله مره تانيه
انت مصري !
اه مصري بس غريبه
بصيتله في المرايه باستغراب
اي هي اللي غريبه!
انك معرفتنيش
بلعت ريقي بتوتر
ا ا اعرفك منين
ضحك بهدوء
لا ازاي معرفتنيش بجد انا يونس
رفعت حاجبي باستغراب
يونس مين !
بص للسلسله بتاعته اللي كانت في التابلوه وهو بيبتسم بخبث
اللي محتفظه بالسلسله بتاعته لحد دلوقتي
فتحت بوقي بصدممه وانا بوقف العربيه مره واحده وپصرخ بلهفه
رسام الليل !!!
بص يمين وشمال بتوتر
بس بس هتفضحيني
ا احم ا اسفه بس
قاطعني بهدوء
طب ممكن تكملي سواقه عشان محدش يشك فينا
هزيت راسي بتوتر وكملت سواقه وانا ببصله في المرايه ما بين اللحظه والتانيه مستنيه يجاوبني علي سؤالي
ابتسم وهو بيهزلي رأسه وبيهمسلي بصوت واطي
ايوه انا رسام الليل
ضحكت بذهول وانا ببصله في المرايه
طب ازاي !
رفع حاجبه باستغراب
ازاي ايه
ا اقصد يعني ازاي ا اصل اصل انت بصراحه اللي يشوفك ميقولش عليك مچنون !
مچنون !!!
حطيت ايدي علي بوقي وضحكت باحراج
سوري مش قصدي بس...
قاطعني بجديه
لا عادي بس ياريت بعد كده تراعي الفاظك
وبصلي في المرايه وهو بيقول بحزم
اصل انا مش بسكت علي الاهانه كتير
رفعت حاجبي وملامح وشي اتغيرت للأحتقار والاشمئزاز وانا برد عليه ببرود
ايه الغرور ده !
رد بغرور اكبر
دي طبيعتي أن كان عاجبك
رديت بعصبيه وانا بوقف العربيه
لا مش عاجبني وياريت تنزل من عربيتي وإلا
وإلا !
لفيت براسي وانا ببصله
