حارس المقبره
قولي هنفتحها ازاي ونصيبي هيبقى اد ايه من الكنوز دي
هنفتحها ازاي دي مش شغلتك انت انت بس هتكون معايا لما نيجي ننزلها بعد لما تتفتح
طب ماتديني نصيبي من فوق وانزل انت بلاش تشحططني معاك
الله امال انت عايز تعمل ايه هتقبض بس
لا ياخويا هتعب زي زيك واكتر منك المهم قولي هاخد كام في القصة دي
ياسلام بقى انت ياهمام يارمة هتديني ١٠ الاف جنيه حته وحدة
وممكن يبقوا اكتر كمان ولا تزعل نفسك شوفت انا بحبك اد ايه
اكتر كام يعني
ممكن يبقوا حسبة ١١ الف وخمسماية
ياواد ماتوقفش قلبي من الفرحة انا هاخد كل ده انا هاين عليا اقوم ابوسك مع ان ريحتك معفنه
تشوف غيري! دنا كنت اډبحك وارمي لمحك للقطط انا معاك ورجلي على رجلك
يعني مش هتخاف زي عوايدك
انا ولله الحمد شوفت هوايل تخليني اشجع من ميكي ماوس الشخص اللي قاعد قدامك دلوقت قلبه مېت ياهمام
طب الحمدلله اما نشوف اسمع ياسيدي النهارده هخلص مشوار فتح المقپرة ومن بكرة هتكون معايا لو اتفتحت بأذن الله بس قول يارب
انا هشتغلك ياعثمان ! اخص عليك طب امسك ده عربون وربط كلام بنا عشان تصدق
ايه دول
71 جنيه اللي معايا دلوقت خدهم خليهم معاك
انت كده قطعت كل الشكوك اللي جوايا مش معقول هتدفع ال دول من غير ماتكون واثق من كلامك انا معاك ياهمام من قلبي انا بقيت احبك حب زي مابقيت احب امي كده
انا حويط اوي ومش هقول لمخلوق ماتخفش عليا لو الطبلية دي اتكلمت انا لا يمكن هنطق
مشيت من عند همام وانا طاير من الفرح كلها ايام وهبقى من اعيان البلد 11 الف وخمسماية هيعيشوني في نغنغه يجي 18 سنه واكتر وفضلت الف فى البلد لحد مارجلي ودتني
