حارس المقبره

حاجه هتتغير وهبقى من اعيان مصر والوطن العربي قريب اوي
حلوه النكته دي بقى انت هتبقى من الاعيان
بيحصل وهيحصل حطي ايدك في ايدي وطوعيني عشان الخير يعم عليا وعليكي
ايه ورثت من ورايا وانا ماعرفش بس هتورث مين ياحسرة ده عيلتنا كلها بهايم واحده قايمه وواحده نايمه
لا ده سر بس هيحصل خير كبير علينا اوي اوي اوي همسك فلوس كتير يجي مليانيرات جنيه
ايه مليانيرات دي كام يعني وهتاخدهم منين وازاي
مش هقدر اقولك دلوقت من اول بكره كل حاجه هتبان وحياتي وحياتك هيتغيروا وهجبلك حاجات كتير جلاليب وفراخ وفاكهة ودهب وقرنفل
انت بتتكلم جد ياواد ياعثمان
ياما عثمان القديم ماټ انتي دلوقتي معاكي عثمان افندي باشا ابو قلب مېت آللي بيلعب بالفلوس لعب
اذا كان الحكاية كده خلاص أطلق بلا رجاله بلا هم بس اشوف بعينى الفلوس الأول
ايوه بس الفلوس دى عشان اجيبها هنا ماينفعش يكون في غريب فى الدار ده مبلغ كبير وفيه الطمع افهميني
ممممم طب الفلوس دى هتيجى امتى
قولى يومين تلاته او اسبوع بالكتير
وايه بس يثبت كلامك دلوقت اصدقك ازاى
لئيمة انتى انا عارفك طب خدي امسكي ياما
ايه ده
دول 71 جنيه عربون ليكي عشان تصدقي
71 جنيه يافالح! فين المليانيرات دي
ماهو دول ماتخدين منهم عشان تعرفي ان جيبي عمران بالخير وهيفضل عمران ليوم القيامة ان شاء الله
اوعى ياعثمان تكون بتضحك على امك الغلبانه وتخرب بيتي لحسن اموت فيها
اتكلي على الله واخربيه عشان انا هخليكي صاحبة املاك وبيوت واراضي وحاجات ياما
بس هقول للراجل ايه دنا يادوبك اتجوزت من يومين
قوليله ان معمولك عمل ومش هيتفك الا لما تطلقي ولو فضل على ذمتك العمل هيسخطه بغبغبان
فكره حلوه ياعثمان انت مخك بقى شغال كده من امتى باين عليك اتغيرت بجد صحيح ياولاد الفلوس مفعولها زي السحر على البني ادم
طب بالأذن انا بقى اروح اشوف مكان انام فيه
هتروح فين ياحبيب امك هتسيب بيتك وتنام فين خليك