حارس المقبره

من شجاعتي
نزل همام قدامى وانا كنت بنزل وراه وجسمي كله كان بيترعش بقيت مرعوش ماعرفش ليه لحد ماوصلنا لتحت وكانت الريحة تخنق لكن همام كان مجهز عيدان بخور وولعها فغيرت ريحة الجو شوية
وبقيت انا ابص حواليا پخوف ومنتظر اي حاجه تهبش فيا وتخلص علينا ياترى هيطلعنا عفاريت ولا كلاب ولا ايه هيحصل استرها علينا يارب عايز ابقى غني قبل ماموت
ولاقيت همام فجأة پيصرخ وبيقول 
الحق ياعثمان
اتمسمرت في مكاني وجسمي نشف وقولتله 
خير يازفت في ايه
شوف كده لاقيت ايه
ايه دول ياهمام
دول بوابير جاز ياعثمان
بوابير جاز ازاي يعني ! ايه اللي هيجيب بوابير الجاز هنا
دي بوابير فرعوني ياعثمان شايفهم دهب ازاي
بوابير فرعوني دهب ! امال فين الاصنام وفين القرنفل
اديني بدور اهو دور معايا ياعثمان
حاضر ياخويا هدور
بص ياعثمان شايف اللي انا شايفه
ده طشت المونيه يالوح ماله فيه ايه يعني
ده مش اي طشت ده طشت فرعوني ياغبي
اكيد المقپرة دي بتاعت اسرة فرعونيه من بتوع عشانا عليك يارب انا مش عارف انت منبهر بأيه
متع عينك وشوف معايا الكنز
كنز ! حاضر همتع عيني اهو
لاء انا مش مصدق نفسي انا لاقيت اهم حاجه في المقپرة
وتطلع ايه اهم حاجه في المقپرة
شوف بص
قدرة فول دي !
قدرة فول فرعوني
انا عايز افهم انا دخلت مقپرة فرعوني ولا دخلت محل الارزاق بالله هي دي الكنوز ياهمام !
لا لسه ياما هتشوف المقپرة ماشاء الله كبيره
هي دي مقپرة مين من الفراعنه ياهمام 
مقپرة عم رجب بتاع الاواني الله يرحمه
عم رجب ازاي هو الفراعنه كان فيهم حد اسمه رجب فين الاصنام ياهمام 
اتفضل ياسيدي ماهو لو صبر القاټل ع المقتول متع عينك وافرح
ده قط ده ولا تعلب ولا ايه
ده تمثال قط فرعوني من الفخار عيار 28
قط من الفخار غالي ده ياهمام 
ده هيعمل ارقام فلكية كل حاجه هنا هتعمل فلوس ياما ده كنز ياعثمان