بسمة الصعيد
من يوم ما جيتو من المستشفي وهي حابسة نفسها في اوضتها ومش بترضي تخرج منها حتي جامعتها مش بتروحها معرفش ليه
حرك صالح راسه بتفهم وقال لنسرين وهو بيروح ناحية السلم
طب حضري العشا وانا هجيبها وانزل
ابتسمت نسرين براحة وقالت وهي بتقوم بحب
من عيوني يا حبيبي ده انت كمان مبقتش تاكل في البيت من يوم ما نزلت الشغل بقيت احس اني وحيدة بعد ما كنت مالي عليا البيت
طب خلاص اديني بكرة اچازة ايه رأيك نخرچ سوا احنا التلاتة واهو نغير چو البيت
فرحت نسرين وردت وهي بتشاور بايديها
طبعا موافقة بس يارب بسمة ترضي ياريت تقنعها يا صالح
صالح حرك راسه بموافقة وقالها بثقة
متجلجيش هتوافج انا هقنعها وهتيچي
فتون اني كنت رايد اشرحلك اللي شوفتيه دلوك انا
ميشغلنيش يا واد عمي و مش رايدة اعرف حاچة يا سالم الله يرضي عنك هملني لحالي دلوك
رفعت فتون راسها وبصت في عيون سالم اللي كان مركز في عيونها الاتنين وشاف لامعة الدموع في عيونها واتأكد من شكوكه وانها كانت بټعيط فقالها بهمس
ولما انتي مش شاغلك اللي شوفتيه پتبكي ليه عاد يا فتون
لما انا مش فارج معاكي جوليلي الدموع دي ليه في عيونك لما شوفتيني مع واجف معاها يافتون فهميني يا بت عمي ليه بتهربي من الاچابة كل ما اسألك
فتون هنا دموعها نزلت وهي باصة في عيون سالم وردت باندفاع
عشان الاچابة مش هتفرج معاك في حاچة يا سالم ومش هتغير حاچة برضك عرفت ليه مش بچاوبك عشان انت عمرك ماهتفهم ولا هتتغير يا سالم حاولت كتير معاك بس انت مش شايفني اصلا ملوش لازمة الحديت يا سالم هملني بجي لحالي
بسمة انا صالح ممكن اتحدت معاكي شوية
شوية وفتحت بسمة الباب بس اتفاجأ صالح بيها لابسة دريس
