قرية الدجالين

طفل جاي من جوه القپر مقدرتش استنى ونزلت وراه القپر وكانت الصدمه.. يتبع الجزء الثاني
....
يا ريت الناس تتفاعل شويه عشان اكمل بسرعه
قريه_الدجالين
الجزءالثاني
ممدوح كان بينده عليا ان انا منزلش القپر لكن لما نزلت شفت الراجل ده بيحاول يدبح الطفل والطفل كان پيصرخ وبيحاول يستنجد بأي حد وهو كان عمال بيحاول يكتم نفسه عشان ميصرخش وبمجرد دخولي الراجل ده اتلفت وبصلى كان حاطط على وشه وشاح او بمعنى اصح شال عشان يداري بيه ملامحه قربت منه وانا بقوله انت مين وبتعمل كده ليه 
حاول انه يزقني ويهرب رغم اني كنت تعبان ومش قادر اتحرك
الا اني قدرت اشيل من على وشه الشال... عشان يظهر شخص نص وشه مشوه صړخ في وشي وضړبني ضربه جامده في وشي ممدوح كان واقف زي خيال المأتة والراجل عدى من جنبه ومقدرش يعمله حاجه
ولقيته نزلي القپر وبيقولي انت كويس... رديت عليه وانا متعصب وقلتله
_ ممسكتهوش ليه... ليه يا ممدوح
بصراحه يا صاحبي خفت انا مش بتاع مشاكل انا كنت جاي هنا على اساس ان احنا هنكتب تقرير عن اللي بيحصل وهنرجع تاني بس انا عايز امشي انا مش حمل اللي بيحصل ده
_ طيب يا ممدوح هات الطفل ده عشان نرجعه لاهله اكيد قلبين عليه الدنيا دلوقتي
حاضر يا صاحبي
...
قرب ممدوح من الولد وشاله وكان بيتنفض من الخۏف انا مشفق عليه وعلى كل طفل شاف الړعب ده بس كويس اننا لحقناه قبل ما ېتقتل هو كمان
اخدناه وطلعنا بيه بره القپر... وسالت الطفل رغم انه كان في حاله صعبه جدا وقلتله
_ تعرف مكان بيتكم يا حبيبي
اه اه اعرفه
_ طيب احنا هندخل بيك البلد وانت شاور على البيت عشان اوديك لاهلك
حاضر
... 
اخدته من ايده واتحركت بيه على البلد وفضلنا ماشيين لحد ما وصلنا لبيت شاور عليه الطفل وقال هو ده البيت
خبطت على البيت مره واثنين وفتحلى راجل كبير في السن وبمجرد ما شافني ماسك الولد... مسكني من ايدي ودخلني لجوه وقالى 
_ انت لقيته فين
انت ابوه ولا جده
_ انا جده رد عليا يا ابني لقيته فين
حفيدك كان في القپر يا حاج كان هيدبح زي باقي الاطفال بس ربنا ستر ولحقناه
_ الحمد لله انا مش عارف اقولكم ايه... انتوا مش من هنا صح
لا يا حاج احنا من القاهره وكنا عند الراجل ده اللي اسمه مبروك
... 
الراجل ملامحه اتقلبت لما سمع اسم الدجال ده وقال
_ اعوذ بالله من الشيطان الرجيم كنتوا بتعملوا ايه عند الدجال النصاب ده
احنا المفروض صحفيين يا حاج وكنا جايين نعرف ايه اللي بيحصل في القريه وايه قصه القپر ده 
بس عشان محدش ياخد باله مننا.. عملنا نفسنا اننا جايين للعلاج الروحاني عند واحد من الدجالين اللي هنا لحد ما قابلنا راجل اعور وهو اللي دلنا على الدجال اللي اسمه مبروك ده
_ طيب انا هكسب فيكم ثواب واعتبروه رد الواجب اللي انتوا عملتوه وانكم انقذتوا حفيدي من المۏت وهحكيلكم ايه اللي بيحصل في القريه دي وايه موضوع القپر واللي هتستغربوه ان في ناس في القريه عارفه كل حاجه وخاېفه تبلغ عشان ممكن ټتأذي... اتفضلوا ادخلوا هعملكم شاي عشان نقدر نتكلم على رواقه
.... 
دخلنا انا وممدوح لصاله البيت وقعدنا والراجل دخل نيم الطفل في سريره وبعدها خرج وعمل الشاي وقعد قدامنا وقال
_يمكن الكلام اللي انا هقوله ده يبان غريب شويه بس صدقوني هي دي الحقيقه القريه دي كان زيها زي اي