حب يحكمة المړض النفسي
هوا المرتب اللي الموظفين هياخدوه آخر الشهر تقديرا لجهودهم يعني معني كدا إنهم بياخدوا مرتب أقل مني دلوقتي مع إنهم أكيد ليهم سنين في الشغل هنا وخبرة أكتر مني
قمر يا جميلة بابا عارف مني إنك مش بتحبي حد يصرف عليكي و عارف برضو إنك لو تطولي تشتري شقة و تقعدي فيها لوحدك علشان متبقيش قاعدة متقلة علينا في البيت كنتي هتعملي كدا...فهو بس زودلك المرتب يعني علشان تقدري تصرفي علي نفسك كويس بما إنك مش هتقبلي إنه هوا اللي يصرف عليكي
قمر بحنق مفيش فايدة في مخك الناشف دا...روحي يختي
اتجهت جميلة إلي مكتب والد قمر و استأذنت السكرتيرة التي سمحت لها بالدخول لأوامر من والد قمر بدخلولها هي أو قمر إلي مكتبه مباشرة
جميلة بتردد لأ مفيش بس..بس حضرتك المرتب اللي أنا باخده دلوقتي أعلي من باقي الموظفين و أنا كنت حابه إني أكون زيي زي أي حد هنا
خالد بهدوء و إنتي عرفتي إزاي إنك أعلي من باقي الموظفين
قصت عليه جميلة ما سمعته من كريم
خالد أنا عارف إنك مش هتقبلي إني أصرف عليكي...فكل الموضوع إني زودلك المرتب علشان تصرفي علي نفسك كويس
خالد يا جميلة.....
قاطعته جميلة قائلة معلش يا عمي بس دي رغبتي لو سمحت
خالد بتنهيده خلاص يا بنتي اللي تشوفيه....علي راحتك
قاطع كلامهم دخول كريم
كريم واضح يا عمي إنك مشغول هجيلك في وقت تاني
خالد تعالي يا كريم يا بني...أعرفك دي جميلة صديقة قمر اللي كنت كلمتك عنها قبل كدا
جميلة بابتسامة بسيطة كويسة الحمد لله....طيب هسيب حضرتك علشان أكيد وراك شغل كتير....عن إذنك
خرجت جميلة بينما جلس كريم يتحدث مع عمه قائلا في مشاكل معاها و لا أي!!
قص عليه خالد ما دار بينه و بين جميلة فعقب كريم قائلا واضح إنها بنت حكيمة و مكافحة يعني واحده مكانها كانت استغلت الفرصة
كريم واضح إنها رغم ظروفها و إنها قاعدة عندكم بس عندها عزة نفس و مش قابلة إن أي حد يصرف عليها.... واضح كمان إنها عاقلة كدا و راسية
ثم عقب قائلا بمزاح مش زي بنتك خاالص الصراحة... بنتك دي مچنونة أصلا... اتعرفت عليها ازاي دي!
ضحك خالد ثم قال طيب يلا بقي نركز في الشغل
دخل كريم مكتبه شاردا بعض الشئ يشعر بشئ داخله يدفعه لأن يعرف عنها أكثر...واضح أن لديها عزة نفس كبيرة فهي لا تريد أن تجعل أحد يصرف عليها كما أنها قادرة علي تحمل المسؤوليه فطوال فترة دراستها في مصر كانت تعمل وتصرف علي نفسها.
قاطع شروده هذا دخول مراد قائلا باشا...أي مالك.. في سرحان في أي!
كريم بهدوء لا يا عم مفيش حاجة...عادي يعني
مراد بعدم اقتناع يعني أنا مش عارفك...ما علينا في شوية ورق عايزك تمضيه
كريم ماشي
قرأ كريم الأوراق جيدا ثم قام بالإمضاء عليها
مراد كدا تمام..كل حاجة بتاعت الصفقة اللي جاية مضبوطة
ثم تابع قائلا بس مقوتليش يعني إن أختك هتيجي تشتغل هنا..
كريم أنا نفسي مكنتش أعرف إنها هتيجي النهاردة...هوا عمي كان قايلي إنها هتشتغل هنا بس مكنتش أعرف أنها هتيجي النهاردة دول يا دوب لسه واصلين إمبارح الصبح...بس هي كدا قمر محدش يتوقعها.
مراد بس صحبتها جميلة دي باين عليها عكسها تماما....و باين عليها هادية كدا
كريم بشرود آه
ثم عقب قائلا بس إنت عرفت إزاي إنهم اشتغلوا هنا و عرفت جميلة منين!!
مراد عادي يا عم... عمك طالبني و قالي أوديهم علي مكاتبهم و أفهمهم الشغل ماشي إزاي
كريم ااااه.. طيب يلا بقي روح علي شغلك.... و آه احتمال مجيش النهاردة الجيم....يعني قمر هتيجي بالليل تتطمن علي ماما و هقعد معاهم بقي
مراد ماشي يا كبير
في المساء كانت قمر تتأهب للذهاب إلي والدة كريم أخذت تلح علي جميلة كثيرا لكي تأتي معاها و لكنها أصرت علي الجلوس في المنزل و عدم الذهاب
وصلت قمر إلي فيلا كريم
قمر أهلا أهلا بست الكل
احتضانتها والدة كريم بقوة قائلة إزيك يا حبيبتي و حشاااني جدا عاش مين شافك.. كبيرتي يا قمر و احلوتي.....كان نفسي آجي أسلم عليكم إمبارح بس المړض هد حيلي
جيهان و لا يهمك يا سوسن إحنا مقدرين دا يا حبيبتي
قمر ألف سلامة عليكي يا ست الكل
أخذن يتجاذبن أطراف الحديث حتي أتي كريم
ألقي عليهن التحيه ثم قبل يدا كل من سوسن و جيهان
الټفت إلي قمر قائلا بغيظ أهلا باللي ڤضحاني.. بقي حد عاقل يعمل اللي عملتيه دا.....تنادي عليا وسط الموظفين و تقوليلي يا كيمو....ډمرتي برستيجي يا بنتي
ضحكوا جميعا
فقالت قمر متعمدة إغاظتة الله مش برحب بأخويا
كريم بغيظ أخوكي في البيت...لكن هناك رئيسك في الشغل.....و بعدين تعالي هنا إنتي لحقتي تنزلي الشغل أمتي دا إنتي لسه جاية إمبارح كنتي استريحي يختي في بيتك
قمر بلؤم يعني يرضيك يا كيمو أسيب شركة بابي حبيبي للناس الغربة يشتغلوا فيها و أنا معرفش حاجة مش لازم أكون هناك و أتابع بنفسي كل حاجة
كريم متظاهرا بالڠضب إصمله يختي....قال يعني الشركة من غيرك هتقع.... وبعدين إنتي قصدك إي إنتي بتلقحي عليا كلام.....عالفكرة دي شركتي زي ما هي شركته يعني
قمر ببراءة أنا...أنا بلحق عليك كلام لا طبعا.... أنا قصدي علي الناس التانية مش عليك أكيد يعني
كان كل هذا أمام سوسن و جيهان اللتان لم يستطيعا أن يكتما ضحكتهما من تصرفات كريم و قمر الطفولية
جيهان موجه كلامها إلي سوسنعمرهم ما هيتغيروا...هيفضلو زي القط و الفار كدا عالطول
سوسن بضحك و الله وحشني لماضتهم هما الاتنين
كريم عحبك كدا يا هانم اهو أمي و أمك اشتغلوا علينا....تصدقي أنا غلطان إني مروحتش الجيم مع مراد و قلت آجي أقعد معاكي
قمر باستفهمام مراد دا اللي بيشتغل في الشركة ولا حد تاني!
كريم لا هو....أنا و هو أصحاب جدا... طبعا زي ما إنتي شايفة الشركة كلها سعوديين مفيش غيره اللي مصري هوا و كام واحد تاني....بس هوا صاحب جدع الصراحة و شاطر جدا في شغله و دخل قلبي بسرعة و بقينا أصحاب
قمر ااااه بس باين عليه محترم....كان بيتكلم معانا بكل أدب و زوق و هادي كدا في نفسه
كريم بضحك لا ميغركيش هدوءه دا...هوا بس محترم مع الچنس الآخر.....لكن لو علي الجنان هو زيك كدا.... أو ممكن أقل منك شوية
جيهان لا أكيد أقل منها مفيش حد في جنان قمر أصلا
قضوا اليوم يتجاذبون أطراف الحديث التي كانت لا تخلو من الضحك و المزاح
دخلت جميلة غرفة قمر فوجدتها ما زالت نائمة تعجبت قليلا ثم قامت بإيقاظها
جميلة أي أومال يا قمر إنتي مش رايحة الشركة و لا أي
قمر بإرهاق لا تعبانة النهاردة مش هقدر أروح
جميلة إحنا هنبدأ دلع و لا أي.. دا إنتي لسه مكملتيش إسبوعين علي بعض
قمر بتعب مش عارفة حاسه نفسي تعبانة
جميلة بقلق مالك يا قمر في حاجة
قمر يا بنتي مفيش و الله شوية إرهاق....المهم معلش هتعبك معايا في شوية شغل عيزاكي تخلصهولي علشان لو كريم و لا بابا طلبه و لاقاه مش جاهز هينفخوني
جميلة ماشي يا ستي... عيوني...هتصل بيكي أطمن عليكي...يلا سلام
وصلت جميلة إلي الشركة التي كانت لا تبعد كثيرا عن الفيلا قامت بإنهاء عملها ثم بدأت في إنهاء عمل قمر بجد فهي كانت مخلصة جدا في عملها و ماهرة أيضا
أتي كريم إلي مكتب قمر و لكنه لم يجدها فتوجه إلي مكتب جميلة قائلا السلام عليكم....أومال قمر فين!
جميلة قالتلي إنها تعبانة شوية مش هتقدر تيجي
كريم بقلق مالها فيها حاجة
جميلة بتسرع لا أبدا أبدا.. هي بس قالتلي إنها مرهقة شوية
كريم دا كان في شغل مهم طالبه منها
جميلة هي قالتلي أخلصولها...نص ساعة و هيكون جاهز
كريم طيب خلصيه و هاتيه علي المكتب
أماءت جميلة برأسها إيجابا ثم عادت إلي العمل بجد مرة أخري أنهت جميلة عمل قمر و عملها ثم اتجهت إلي مكتب كريم لتسلمه إليه كما أمرها طرقت علي باب مكتبه حتي أذن لها بالدخول
جميلة بتوتر اتفضل حضرتك...
كريم طيب اتفضلي اقعدي جلست جميلة بتوتر ثم نظرت إلي كريم الذي كان يطالع الورق أمامه بإهتمام
قالت جميلة بتردد و لعثمة في الكلام واضحة في حاجة حضرتك غلط في الشغل
كريم بإيجاز لا بالعكس
جميلة يعني حضرتك...حضرتك كله تمام..مفيش حاجة غلط
نظر إليها كريم باستغراب لاحظ توترها و لعثمتها في الكلام
كريم بالعكس يا آنسه جميلة الشغل تمام جدا..ليه بتقولي كدا
جميلة لا بطمن بس
كريم لا كله تمام...تقدري تتفضلي
خرجت جميلة من مكتبه بينما استغرب هوا... ما كل هذا التوتر هوا لم يقل لها شيئا أو أو يظهر أي تعبير علي وجه يدل علي هذا....تعجب من أمرها و لكنه عاد لمتابعه باقي أعماله
ذهب كريم إلي فيلا عمه للإطمئنان علي قمر
نزلت قمر من غرفتها لإستقبال كريم
كريم بمزاح من إنتي زي القرد اهو... أومال مالك خضتيني عليكي ليه
قمر لا تتخض و لا حاجة يا عم بس شوية إرهاق
كريم بضحك إنتي لحقتي يبقي عندك إرهاق... دا إنتي لسه مشوفتيش حاجة....الشغل يا حبيبتي عايز الناس القوية اللي تستحمل مش عايز المدلعين اللي زي حضرتك....
قمر بحنق أنا مدلعة ماشي يا كريم
كريم بضحك آه مدلعة طبعا....مشوفتيش جميلة بنت بسم الله ما شاء الله خلصت شغلها و شغلك لكن اي برفيكت... مفيش غلطة ... بس أنا استغربت من حاجة كدا
قمر بتساؤل أي
كريم بعد ما جابتلي الشغل عندي في المكتب لاقيتها متوترة أوي كدا و بتتلعثم في الكلام...مش عارف...بس حاسس الموقف مكنش محتاج التوتر دا كله
قمر هي كدا جميلة بتبقي متوترة أوفر شوية و معندهاش ثقة في نفسها خالص...غالبا الثقة منعدمة يعني...فتلاقيها مش واثقة في أي حاجة بتعملها مع إنها شاطرة جدا....بس هي لما كانت بتشتغل في القاهرة كانت بتقولي كدا برضو بس
