ايغفر العشق بقلم ناهد خالد
وهو يقول
_ مش واثق فينا قصدك
وبصراحه مطلقه رد يامن
_ آه أنا بتعامل مع مستشفي تانيه وعارف كفاءة الدكاتره فيها لكن أول مره أجي هنا ومعنديش استعداد أخاطر بيها.
أومئ الطبيب بتفهم
_ صدقني لولا أنها مينفعش تتحرك لأنه خطړ عليها ووارد متلحقش توصل بيها المستشفى وټنفجر الزايده لأنها ملتهبه جدا أنا كنت سمحتلك تاخدها بس لمصلحتها بلاش الممرضات بيجهزوها جوه للعمليات وخمس دقايق بالضبط وهبدأ العمليه هتلحق توديها المستشفى التانيه في عشر دقايق حتي!.. أنا اديتها علاج مؤقت عشان نكسب وقت وميحصلش انفجار للزائده بس العلاج ده لمجرد دقايق مش أكتر ولو لقدر الله حصل انفجار هندخل في متاهات احنا في غني عنها من صديد او إنسداد أمعاء وحاجات تانيه كتير.. فلو سمحت ثق فيا وإن شاء الله هتطلع كويسه.
سار الطبيب خطوات بسيطه للأمام فأوقفه صوت يامن اللهوف وهو يقول
_ممكن اشوفها قبل ما تدخل العمليات
أومئ الطبيب وهو يقول بهدوء
_ تمام تقدر تكون معاها وهم بيجهزوها بس متحاولش تجهدها في الكلام.
هز رأسه بإيجاب وهو يتجه لغرفة الفحص فاتحا بابها بقلب يدق پعنف لا يعلم أيدق خوفا عليها أم توترا لرؤيتها مريضه ورد فعله حينها أم ماذا! ولكنه يدق پعنف كدقات الطبول ..
نتجوز بكره ليه ياغيث!
قالتها مالك بتعجب وهي تجد جديته المطلقه في الحديث..
زفر بهدوء وهو يقول
_ ملك أنا مش بعد ساعه ايه الي هيحصل صدقيني الأأمن ليا وليك نعجل جوازنا عالأقل هنكون سوا وهنقدر نواجه اي حاجه وكمان بعد الي حكتيه الموضوع ميطمنش مش وارد أهلي يبلغوا أهلك بمكانك وأنك هنا في القاهره..
_وهم هيعرفوا مكاني منين
_مني سهل أوي يوصلولي بأي طريقه أبسطها الشركه ومن مراقبتي هيوصلولك.. صدقيني أنا مأمنش لغدرهم.
ذمت شفتيها بتفكير لثواني ثم قالت بقلق
_وده الحل!
رد بثقه
_طبعا طول ما أنت مراتي أهلك ملهمش حاجه عندك وأهلي مش هيقدروا يفرقوا بينا..
اقتنعت بحديثه واطمئنت لهذا الحل فهي تشعر بالخۏف دوما من أن يعثر عليها جدها وعمها بعد فتره من الصمت قالت باقتناع
_______ناهد خالد _______
_بابي أنت بتقول ايه!
قالتها رودينا بصړاخ وهي تقف في وجه أبيها بعدما ألقي علي مسامعها عدم رغبة يامن في إكمال الخطبه.. تسارعت أنفاسها الغاضبه وأعينها تشتعل بنيران حارقه وهي تهدر بصړاخ
_هو البيه عشان الهانم بتاعته رجعت خلاص رماني مبقاش ليا لازمه.
قطب والدها جبينه بعدم فهم وقال
لوت فمها بسخريه وهي تقول بغيظ
_الزفته تالا.. رجعت عشان كده هو رفض يكمل الخطوبه.
_وأنت عرفتي منين
هزت قدمها پغضب وهي تقول
_شوفتها يوم خطوبتنا بس لما لاقيت يامن بيتعامل معاها عادي عرفت أنه معرفهاش وهي كمان كانت متجنباه فعرفت أنها مش هتعرفه هي مين بس بما أنه بيلغي ارتباطنا دلوقتي يبقي يأما عرفها يومها واستعبط يأما هي عرفته بنفسها بعد ما مشيت.
_ عشان كده مصطفي فضل يقولي كلام ملغبط ومش مقنع طب ما أنت عارفه السبب اهو متضايقه ليه دلوقتي بعدين أنا من الأول اعترضت وقولتلك هو مش هينسي تالا مهما عملت وهتعاني معاه أنت الي صممتي يارودينا يبقي مترجعيش تزعلي.
نظرت للأمام پحقد وهي تردد
_أزعل! لا مش هزعل خالص.
____ناهد خالد ________
_ قولتلك ياغيث ابويا وعمي عمرهم ما هيقبلوا بجوازك منها.
قالها صالح وهو يهاتف غيث الذي كان يقود سيارته عائدا للمنزل بعدما تقابلت ملك مع لينا كي يذهبا للتسوق وشراء بعد المستلزمات..
زفر غيث بضيق وهو يقول
_وأنا مش هرجع في قراري أنا هتجوز ملك وهفصل شغلي عنهم.. بقلك ايه يا صالح ماتيجي ابقي أنا وأنت وتامر هنا في الشركه الي في القاهره ونسيب الشركه الي في اسكندريه لهم.
رد صالح بتفكير
_ ايوه بس هيبقي في فرق في النصيب هيكون نصيبنا أكبر.
_مش مهم نعوض الفرق بفلوس ونخلص الشركه لنا احنا التلاته.
هتف صالح بهدوء
_ أنا معاك ياغيث في اي حاجه..
ابتسم غيث مرددا
_جدع من يومك يابن عمي.. اجدع من عمي نفسه..
تعالت ضحكاتهما علي حديث غيث ثم هتف صالح بقلق
_ ربنا يستر من الي جاي.
________ ناهد خالد ______
فتح باب الغرفه ليرها مستلقيه علي فراش المړضي الأبيض مرتديه زي المستشفي الأزرق والممرضه تضع في يدها الكانيولا وهي مغمضة العينين وكأنها نائمه.. اقترب منها حتي أصبح بجوار الفراش تماما نظر للمرضه بهدوء وأعاد بنظره لها يطالع ملامحها المتعبه والظاهر عليها الإرهاق بوضوح همس بخفوت للممرضه ظنا منه أنها نائمه
_هي خدت المخدر
نفت برأسها وهي تنظر له بوله مجيبه
_لأ.. ده الدواء المسكن الي الدكتور ادهولها مهدأ بيرخي الاعصاب.
أشاح بوجهه بعيدا عنها بضيق وهو يعود بأنظاره لتالا ظل يطالعها لثانيتان تقريبا حتي شعر بأحد ينظر له رفع بصره ليجد تلك الممرضه السمجه مازالت تطالعه بجانب عيناها وهي تسحب سن الكانيولا المدبب من يد تالا حتي أنها لم تنتبه لسنها البلاستيكي المفترض دخوله بالوريد ليخرج معها بدلا من دخوله مخرجا بعض الډماء كاد ېعنفها وهو يتجه لها لكن قاطعه صوت الممرضه الأخري التي خرجت من غرفه ملحقه بالغرفه الموجودين بها وهي تنهرها بضيق
_ الله! ماتخدي بالك يا دعاء السن طلع تاني وخفي ايدك شويه المفروض تدخل العمليات بعد دقايق الدكتور هيبهدلنا لو جه لقاها لسه مجهزتش .
توترت وهي تري نظراته القاتله لها وهتفت بتلعثم
_ معلش م.. مش قصدي.
نظرت لكف يد تالا وهي تمسح الډماء بقطنه لتعاود وضع الكانيولا مره أخري ولكن قبل أن تفعل وجدت من يقبض علي يدها پعنف وقوه رفعت نظرها له لتجد أعينه تسكنها الچحيم وهو يهتف پقسوه محذره
_لو مخفتيش من قدامي هيبقي آخر يوم ليك في الدنيا النهارده مش في المستشفى بس.
ابتلعت ريقها بصعوبه شديده وهي تستمع لتهديده وتري نظراته المرعبه التي تكاد تقسمها نصفين أومأت برأسها عدة مرات بړعب موافقه علي حديثه.. نفض ذراعها من بين يده بقوه لتعطي الكانيولا للممرضه الأخري وتركض للخارج..
زفر بضيق وعاد يقف بجوار تالا من الناحيه الأخري.. مال بجذعه عليها وهو يمد كف يده يمسد به فوق شعرها بحنو بالغ وكأنه يريد أن يبعث لها الطمأنينه ومال أكثر حتي أصبح بجوار أذنيها فهتف لها بنبرة دافئه
_ مټخافيش.. هتبقي كويسه.
كانت تستمع لكل شئ يحدث وتشعر به منذ دلف للغرفه واشتمت رائحة عطره المميزه ولكن الدواء جعلها تشعر بالدوران والخمول وأرادت أن تري ماذا سيفعل وكيف سيتصرف معها تبعثرت مشاعرها ودق قلبها پعنف حين استمعت لنهره للممرضه فقد شعرت پألم طفيف في كف يدها ولكن خمول جسدها لم يجعلها قادره علي سحبه أو إعطاء رد فعل وقربه منها حتي شعرت
بأنفاسه تحاصرها ومن ثم تمسيده علي شعرها أزاد من ثوران مشاعرها وارتفاع دقات قلبها حتي مال للصخب والضجيج ما إن استمعت لكلماته المهدأه حتي سالت دموعها من عيناها المغلقه تحسرا علي غبائها الذي جعلها تترك رجل مثل هذا منذ سنوات والآن تعض أيديها من الندم.
رأي دموعها فعلم أنها استمعت له مسحها بكف يده برفق والتزم الصمت حين أدرك شعورها به فقد ظن أن المهدأ جعلها تخلد للنوم..
وجدت نفسها تستطيع التحدث فهمست من بين شفتيها ببطئ وهي مازالت مغمضة العينين
_ ي.. يامن..
تنهد بعمق وهو يجيبها بهدوء
_نعم
ذمت شفتيها وكأنها علي وشك البكاء وهمست
_آسفه.. س.. سامحني أنت.. فاهم غل
قاطعها وهو يمسد بكفه علي كف يدها الحره وقال بهدوء
_الدكتور قال الكلام غلط بلاش ترهقي نفسك.
همست مره أخري بتساؤل
_لسهب..بتحبني
استمعت ل تنهيده صدرت منه وهو يقول بسخريه مبطنه
_ امتي أنكرت حبك.. ولا قولت أني بطلت أحبك.
دلف الطبيب ليقول للممرضه
_ ركبت الكانيولا
_ايوه يا دكتور.
_طيب يالا الممرض هيساعدك هاتوها أوضة العمليات دكتور التخدير وصل.
اقترب الممرض من الفراش ليسحبه فهمست بلهفه بصوت أعلي قليلا وكأنها ستكون المره الأخيره التي ستتحدث فيها
_ أنا كمان.. بحبك.
التقطت أذنيه جملتها الأخيره وهو يتابع سير السرير ممسكا بكف يدها الحر تنهد بعمق وهو يطالعها بتصديق للمره الأولي منذ اكتشف خداعها وهو يصدقها فمن ېكذب وهو بين يدي الرحمن
___________ناهد خالد _____
_ الو
قالها غيث بعدما دلف شقته حينما وجد مكالمه من البنك الذي يتعامل معه وبه حسابه البنكي المحتوي علي الأموال التي يمتلكها..
_ أستاذ غيث الراوي
_ايوه أنا.
_مع حضرتك .
_أهلا بحضرتك خير
_كنت حابب أبلغ حضرتك بتصفية حسابك تماما وسحب جميع الأموال الموجوده فيه بموجب التوكيل الي حضرتك عملته.
توقف في منتصف الشقه پصدمه وهو يردد بعدم استيعاب
_ معلش مفهمتش تاني كده!
_حضرتك النهارده تم سحب جميع الأموال الي موجوده في حسابك البنكي بموجب التوكيل الي حضرتك عملته.
هز رأسه عدة مرات بعدم فهم وهو يردد
_توكيل ايه أنا معملتش حاجه..
رد الاخير بتأكيد
_لا يافندم حضرتك عملت توكيل وبموجب التوكيل ده الشخص قدر يسحب الفلوس الي موجوده في الحساب والي بتبلغ ١٠ مليون و٧٠٠ ألف جنيه .
هتف بملامح باهته
_توكيل بأسم مين!
استمع لصوت المتحدث يقول ما جعل أعينه تتسع پصدمه ويشعر أن أنفاسه تثاقلت عليه
_ بأسم صالح محسن الراوي
صالح!
هتف بها بلا وعي وهو يجلس علي الكرسي الموجود في ردهة الشقه وهو يضع هاتفه جانبا.. صالح! هنا نقطه ومن أول السطر.. سطر جديد مليئ بالصدمات والخذلان فيمن ظنهم السند.. كان منذ قليل يمدح فيه والأن! الآن يشعر بالصدمه ليس إلا لا يجد مسمي لما يشعر به ولكنه كالطير المذبوح پسكين بارد فيفرفر دون أن تذهق روحه.
______ناهد خالد _____
وقف أمام غرفة العمليات يتآكله القلق عليها طمأنه الطبيب ولكن مازال يشعر بالقلق والخۏف عليها من أن يصيبها مكروه.. لا ينكر أنه غاضب منها بل ويريدها حقا أن تبتعد عنه ولكن تبتعد عنه وهي بخير ليس إلا حبه لها مثل الذي أصيب ذراعه بمرض ما ورغم كونه يتمني أن يزول الألم إلا أنه لن يستطيع الاستغناء عن ذراعه في سبيل هذا مثلا استند بظهره للحائط يغمض عيناه لثواني بعدما أصابه الصداع ليجد عقله يعود به لذكريات أسوء يوم قد عاشه منذ عرفها..
_ يامن باشا أنسه تالا تحت..
قالتها الخادمه من وراء باب غرفته لتسمع رده عليها وهو يقول
خمس دقايق ونازل.
كان قد خرج للتو من الاستحمام ولم يرتدي ثيابه بعد يدرك وجهته ويعرف أرجاء غرفته جيدا فاتجه للخزانه وأخذ يتحسس بيده حتي جذب بنطال وتيشرت قطني لا يدرك لونه بالطبع ولكن يدرك ملمسه..
بالأسفل أخبرتها الخادمه أنها سيترجل لها بعد خمس دقائق فتسائلت
