صدفه مجنونه بقلم زهرة الربيع
مش فاكره حاجه تانيه ههههههه
صدفه قالت بضيق اتكلم انا عملت حاجه تانيه وفين فستاني
عمار قال بصي اقعدي مع نفسك كده وهعملك قهوه تشربيها وههتعرفي انا بضحك ليه وهتعرفي فين فستانك ودخل ياخد دش
صدفه بقت تبص بدموع وتقول انا عملت ايه يخربيتك يا صدفه هببتي ايه وابتدت تفتكر الاحداث بقت تيجي شويه شويه قدامها وافتكرت كل تصرفاتها وكلامها الي قالتو لعمار
صدفه بلعت ريقها بارتباك وبصتلو بحرج شديد وهيه منزله راسها في الارض
عمار ضحك وقال مدام واقفه زي الفار المبلول كده يبقى افتكرتي
اشرب مكنتش عارفه بعمل ايه
عمار قال وهو بيسرح شعره واضح مش محتاجه تقولي اصلا المهم رايحه فين دلوقتي
صدفه قالت احم هنزل شكرا كغايه الي عملتو معايا اي حد مكانك كان استغل الموقف شكرا بجد
عمار اتنهد وقال هتنزلي كده بلبسك ده هيه الفضايح الي عملتيها باليل في العماره مش كفايه عايزه تنزلي كده زي الي اتظبطت في شقه
عمار قال بزهول خماره انتي من فين يا بت
صدفه قالت انا من شارع محمد على
عمار قال شاره محمد على وايه الي جابك هنا
صدفه قالت بتوتر حكايه طويله لو عندك حاجه ممكن البسها انزل بيها
عمار قال انا عايش هنا لوحدي ومعنديش غير اللبس بتاعي البسي حاجه منو وتعالي هنشرب قهوه انتي مستعجله ليه يلا البسي وحصليني
عمار عمل القهوه وقعد في الصالون وقال بصوت عالي ايه بتعملي ايه كل ده
صدفه خرجت بكسوف شديد
عمار بقى يبصلها وفضل متنح فيها
صدفه خدت بالها من نظراتو قالت پغضب البنطلون بتاعك واسع وبيقع فبلاش شغل الاوتوبيسات ده
عمار ضحك وقال اتوبيسات تعالي اشربيلك قهوه مش بشوف حاجه جديده رجليكي شفتهم من امبارح مش انا بس مصر كلها شافت
صدفه قالت پغضب لا عايز
قميصك اتفضل ورمت القميص في الارض وقالت معاك حق مفيش داعي البس مدام كلو اتشاف عن اذنك وراحت ناحيه الباب
بس عمار لحقها وقال پغضب استني انتي مش خاېفه على نفسك انا خاېف على سمعتي ميننفعش تخرجي من عندي كده كفايه الفضايح الي عملتيها امبارح
عمار قال اكيد لا انا بعت اجبلك فستان تخرجي بيه يا ريت بقى تقعدي تشربي قهوتك على ما يوصل
صدفه اتنهدت وقعدت على الكرسي بضيق وبقت تشرب القهوه وقالت دماغي ۏجعاني قوي
عمار قال ده طبيعي شربتي كتير هديكي مسكن هتبقى تمام
صدفه قالت بخضه تليفوني تليفوني فين
عمار قال بسرعه معايا كان في ايدك هجبهولك
عمار دخل جبلها التليفون وصدفه فتحتو ولقت مكالمات كتير اتنهدت ورنت لرقم وقالت الو ايوه يا صباح
وسمعتها شويه وقالت پغضب لا مش هرجع يا صباح وخليه يخبط دماغو في الحيط
وسمعتها شويه وقالت من غير ما يعمل حاجه انا كده بنت مفتريه وهربت من غير سبب وقوليلو الكلمتين دول قوليلو صدفه بتقولك لو كنت اخر الرجاله يا عرفه مش هتتجوزك علشان كان نفسها تتجوز راجل مش واحده صحبتها وقوليلو بتقولك جاتك القرف وكمان قليلو بتقول انت فاكر نفسك راجل ده انت بواقي الرجاله يا معفن وتفي عليه وقليلو دي من صدفه ايوه زي ما بقولك كده ملكيش دعوه انتي ويلا سلام هكلمك تاني كفايه كده انا مبحبش اكبر المواضيع
عمار كان قاعد بيسمعها بزهول وقال ده احم ده جوزك جوزك الي بعتالو الرساله الجميله دي
صدفه قالت لا الحمد لله طفشت قبل ما امضي على القسيمه
عمار قال يعني ايه مش فاهم جوزك ولا لا
صدفه قالت بحزن كنا عملنا الفرح وبنكتب الكتاب وهو مضى ودخلولي القسيمه بس انا مرضتش امضي وهربت يعني لسه مبقاش جوزي
عمار قال اممم اصل امبارح كنتي بتقولي جوزي
صدفه بصتلو بحزن وقالت من ٣ سنين وانا بقول جوزي من ساعت ما عرفت يعني ايه جواز ربنا يسامحو بقى
بقلمي زهرة الربيع
عمار اتأثر شويه وقال خانك
صدفه قالت بحرج الظاهر اني اتكلمت كتير امبارح
عمار قال الصراحه كتير قوي بس تقدري تعتبري نفسك مقولتيش حاجه خالص
صدفه لسه هترد الباب خبط وكان سيف قال ايه يا ابني فستان ايه الي عايزه على الصبح كده
عمار قال المهم جبتو
سيف ناولو شنطه وقال اه اهو فيه حاجه ولا ايه
عمار قال لا مفيش اسبقني على الشركه هحصلك كمان شويه
سيف قال على فكره عديت على القصر كلهم هناك فاكرين انك هتتجوز زي ما قولت لجدك وجدك متحمس جدا وفرحان كمان احم كمان
عمار قال كمان ايه قول
سيف قال كمان مجهزين العروسه فاكرين انك هتخطب بنت عنك
عمار قال پغضب ده لو الدنيا وقفت عليها مش هتجوزها بنت وداد روح انت
عمار قفل الباب وقال اتفضلي الفستان
صدفه اخدت الفستان ودخلت لبستو
وطلعت وكانت تجنن حرفيا عمار بصلها بتقيم وقال احم هتروحي فين دلوقتي
صدفه اتنهدت وقالت ارض الله واسعه المهم مش هرجع الحاره مش عايزه عرفه يعرف مكاني
عمار فكر شويه وقال انا عندي ليكي عرض ميترفضش هخبيكي عندي في القصر في اوضتي
صدفه اتسعت عنيها بزهول وقالت بردح نعمممم يا دلعاااااادي
في مكان تاني تحديدا المكان الي اتقابلو فيه صدفه وعمار كان عرفه هناك ماسك واحد وبيقول پغضب انا اټجننت اسمع كلامك هيه صدفه ايه هيجبها هنا تقولي شوفتها
الراجل قال پخوف والله شوفتها حتى الرجاله كانو پيتخانقو عليهاو
جيه واحد جرسون وقال الشاب ده معاه حق فعلا فيه بنت امبارح طلعت مع عمار باشا المنزلاوي بعد ما عملت مشكله كبيره كانت لابسه فستان فرح وو في نص المكان قدام الرجاله وبقو يتخانقو عليها لحد ما عمار باشا اخدها منهم وروحها معاه
عرفه اتحولت ملامحو لڠضب رهيب ومسك الجرسون بشده وقال تعرف عنوانو
الجرسون قال پخوف طبعا حد ميعرفش قصر المنزلاوي هديك العنوان ووووووو
4
الجرسون قال پخوف طبعا حد ميعرفش قصر المنزلاوي هديك العنوان
عند صدفه قالت بردح نعم يا الدلعادي قولت ايه يا اخويا تخبيني في اوضتك يعني ايه لا اسمع مش معني اني عكيت شويه تفتكرني بنت لا يا حبيبي انسي وشوفلك شوفه تانيه
عمار كان بيسمعها بزهق وقال خلصتي ممكن تسمعيني بقى اولا يا انسه صدفه ده لوكنتي انسه اصلا انا مش بفكر انك كده لاانا متأكد انك كده اصلا
صدفه قالت پغضب انت مش متربي وانا مش هفضل هنا ثانيه واحده لسه هتمشي
عمار قال انا عايز اقدملك خدمه قصاد خدمه يعني اتفاق مش اكتر انا هخبيكي عندي وانتي في المقابل هتعملي مراتي قدام عيلتي بس كده قولتي ايه
صدفه قالت پغضب قولت يفتح الله انا هعرف اخبي نفسي بنفسي ومش محتجالك
عمار حط اديه في جيوبو وقال بثقه ١٠ تلاف جنيه على كل يوم هتقعديه معايا شوفي لو قعدتي شهر هتطلعي بكام
صدفه وقفت مكانها وقالت بسرعه عايزني انهارده ولا بكره
عمار ابتسم بسخريه وقال انهارده هتمثلي انك مراتي واننا متجوزين قدام اهلي خصوصا جدي ده راجل تعبان ومش عايز ازعلو تمام
صدفه قالت بسرعه لا يا غالي مش تمثيل انت تتكتب عليا مهو انا مدخلش بيتك وافضل معاك في اوضه واحده كده من غير جواز
عمار قال پغضب نعم طب ما انا لو عايز اتجوز كنت اكيد هلاقي انضف من كده ولا ايه
صدفه قالت بضيق من غير تلقيح بالكلام لو كان عاجبك وبعدين اول ما لعبتك تخلص طلقني عادي مش هتخسر حاجه وده اولا
عمار قال بضيق موافق وثانيا
صدفه بصت الناحيه التانيه وقالت ثانيا جوازنا ورقه وبس يعني انت فاهم
عمار ضحك وقال اممممم طيب دي سهله قوي اصلا متدخليش مزاجي تحبي ننزل دلوقتي
صدفه قالت يلا بينا وطلعو سوا وعمار وقف وقال طب بطاقتك
صدفه قالت معايا متخافش بحطها دايما في جراب التليفون يلا بينا وطلعو على المأذون وكتبو كتابهم وركبو العربيه هيطلعو على القصر على الطريق عمار قال بتحزير اوعي لسانك يفلت بكلمه قدام جدي زي ما حفظتك احنا متجوزين واوعي تغلطي بحاجه
صدفه قالت يا سيدي روشتني خلاص فهمنا
عمار اتنهد وقال ربنا يستر وحاولي تعدلي من كلامك شويه
صدفه قالت بضيق ليه مالوكلامي بقى ان شاء الله
عمار قال ممالهوش بس يعني في بعض الكلمات مش مفهومه
صدفه قالت بضيق امممم طيب نعدلو بقولك ايه هو انت حقيقي ظابط زي ما قولت في الخماره
عمار قال بزعيق اهي خماره دي كمان تبطليها ايه خماره دي قولي نايت كلب او بار حتى ايه ده وبعدين انا مش ظابط انا كنت بخوفهم بس
صدفه قالت باستغراب امال الكرنيه و
عمار قال بمقاطعه دي رخصه السواقه والسلاح بتاعي بس هما كانو سكرانين محسوش المهم انا بشتغل رجل اعمال بدير شركات العيله خدي بالك تمام يلا وصلنا
صدفه نزلت واتجمدت مكانها وهيه بتبص للمكان بانبهار القصر والعربيات والحرس حجات مكانتش تشوفها حتي في احلامها
عمار قال ايه سرحتي في ايه يلا
صدفه قالت هو انت ساكن هنا ولا بتسرح بيا
بقلمي زهرة الربيع
عمار قال بضيق اسرح بيكي بعد ما ليه ساعه اقولك عدلي كلامك تقوليلي اسرح بيكي يلا ادخلي هتجلطيني يلا
عمار دخل مع صدفه وكانو عيلتو في الصالون عمار سلم على جده وباس ايده وقال عامل ايه دلوقتي ياجدي
جاد قال بجمود انا تمام خير جاي يومين ورا بعض من امتى بتفتكر جدك
عمار اتنهد وقال ايه لزمه الكلام ده يا جدي انت عارف انك اغلى حد عندي وبعد بابا الله يرحمو مش باقيلي غيرك
جاد بصلو بدموع وحضنو وقال وانت روحي متزعلش مني انا بس كنت شايل منك حبتين
عمار قال انا عارف وعلشان كده قررت اراضيك وبص لصدفه وقا تعالي يا صدفه سلمي على جدي
صدفه قربت وسلمت عليه وقالت ربنا يديك الصحه يا حج
جاد ابتسم وقال مين دي يا عمار
عمار بص بطرف عينه لمرات عمه وقال دي صدفه مراتي
سوزان شهقت بزهول ووداد شرقت وبقت تكح اما جاد غبصلو باستغراب وقال مراتك انت اتجوزت من ورايا لا واضح اني غالي عندك
عمار ابتسم وقال انت مش المهم عندك اني اتجوز واستقر وانا نفذت طلبك
