غزاله الباشا

خلصنا من الحيزبونه دي مش مصدقه.!
. عملتيها إزاي يابنت الأيه.!
. قوليلي عرفتي إزاي تحطي الإسوره في اوضتها بدل مكانت عندك.!!
. الله بتشكوا في قدراتي ياولاد ولا إي.!
ضحكت على ضحكهم مش مصدقين أخيرا خلصو من شخصيه ذيها سنين بيحاولو ومعرفوش شهر واحد بس عرفت إنهم عايزين يتخلصو أميرة يحيى منها بأي طريقه حتى لو عم عبده البواب بقى رئيس الخدم مكانها مش هيمانعوا عملت علاقه طيبه معاهم مع سعاد وآمال وسعد وسمير وفوزيه وإنعام كلهم ناس طيبين معادا هى كانت مثال للغرور والتسلط كمان أحب أعرفكم بنفسي أنا وعد صفوان بنت عيلة صفوان الي في زمن ما كنا من أغنياء المعادي بس حصل ظروف خلتنا ننتقل لمنطقة شعبيه جميله ناسها طيبين ساعدوني ألاقي الشغل دا بعد ما بابا حصلتله ظروف صحيه بسبب الإفلاس الي حصل وبقى ملازم الفراش 

وماما متقدرش على الشغل نظرا لإنها مش صغيره جبوني بعد سنين طويله من العلاج ملهمش حد غيري ومليش غيرهم ووعدتهم إني هشتغل وهتعب ومش هخليهم محتاجين أي حاجه 
بالعكس أنا شخصيه عمليه مبحبش الدلع بحب الكلام لدرجه الطبقه الي كنت منها كانو بيستغربوا من أسلوبي ميعرفوش إني بحب بنت البلد جدا ودايما أحب أتكلم زيهم بس الي كان بيبهرهم أميرة يحيى أقدر أكون من الطبقه الراقيه في دقيقه يعني أتصرف كهانم بنت هانم كمان في الأكل المشي البس والكلام كمان والهدوء ذي متقولو جوايا شخصيتين نسيت أقولكم أنا خريجه تجاره انجلش بس للأسف خريجه السنادي بدون خبره وكل معارف بابا شالو ايدهم بعد افلاسو ومحدش قبل يشغلني بسبب الي حصل والسمعه الي طلعت عليه بالظلم واي شركه محتاجه خبره لكن مش هيأس ودي قصتي 
روحت اوضتي المخصصه في الفيلا الفيلا كبيره جدا نسمه والدة يحيى مخصصه اوض بمساحة مناسبه لكل واحد أوض جميله بملتزماتها وكل اوضه فيها بلكونه بتطل على الجناين الي ورا هى سيده محترمه جدا بتشوف إننا من حقنا نقعد في اوض مناسبه وجميله علشان تكون بيئة شغل مريحه لينا بتقول لو محسناش إننا في بيتنا هنكره الشغل والمكان 
اتنهدت وقعدت على السرير ومسكت الموبيل إتصلت على ماما وقلت بهدوء
. أيوه ياحبيبتي بابا خد العلاج ماشي ياحبيبتي مش هتأخر النهارده أيوه ماشي ياحبيبتي مع السلامه.
اتنهدت وقلبت شويه في السوشيال ميديا بصيت على صورة البروفايل بتاعتي أيام مكنت في الساحل لابسه فستان صيفي خفيف ومسكا الطاقيه على راسي لتقع من الهوا وبضحك في الصوره اتنهدت للمره الي معرفش عددها الموبيل رن برقم غريب رديت 
. الو مين.! 
عمو سعيد عامل إي أنا بخير الحمد لله بابا كويس مبيردش على موبيلو.! أصل أصل عرفت.!!! هو حضرتك رجعت إمته من أمريكا.! من يومين حفله! بس أنا تمام تمام خلاص يا عمو حاضر أوكي باي.
نفخت بضيق من الورطه الي اتحطيت فيها عمو سعيد صديق بابا المقرب سافر من سنتين أمريكا وميعرفش الي حصل لبابا وأول أميرة يحيى منزل عرف كل حاجه وفي حفله تنكريه معموله في الفيلا عندو وعازمني ضروري ومحتاج يتكلم معايا بلعت ريقي وأنا بفكر أروح إزاي ومش عايزه حد هناك يعرفني حطيت ايدي على جبيني وقلت 
. إي الغباوه دي هتبقي تنكريه.! إزاي افلس من الي بره دا الأول.!
فكرت إزاي أروح الحفله بالليل من غير ميعرف باب الأوضه خبط سمحت للي بره دخلت سعاد بسرعه وقفلت الباب وقالتلي بصوت كلو حماس
. الباشا مش هيبقى موجود