غزاله الباشا
بالليل قال رايح مشاوير مهمه وادانا أجازه دلوقتي وقالي أبلغك وقال تكوني في مكتبه حالا يالا..
قمت بسرعه وقلتلها
. قولي والله.!
. والله.
جريت بسرعه على بره ووقفت على باب المكتب بنهج خدت نفس عميق وفردت ظهري وخبطت على باب المكتب سمعت صوته الهادي بيسمحلي بالدخول دخلت وقفلت الباب ورايا
. حضرتك طلبتني.!
قدمت منه وقال وهو بيلم ملفات وورق في درج المكتب.
. تقدري تروحي بيتك النهارده انتي والبنات لإني إحتمال كبير مباتش في الفيلا ومش محتاج حاجه تقدري تتفضلي.
مشيت من قدامه وطلعت من المكتب وقفلت الباب ابتسمت وجريت على المطبخ وقلتلهم.
. اجااااازه انطلقو..
قلتها وجريت على الأوضه أخد حاجتي وطلعت من الفيلا وصلت للبيت لاقيت ماما خارجه من اوضتها هى وبابا قلتلها بأبتسامه
ابتسمت وقربت مني ضمنتي ليها حسيت إنها بټعيط بعدتها شويه وقلت بقلق
. في اي ياماما بابا حصلو حاجه.!
.لا ياحبيبتي بابا كويس ونايم.
. أمال مالك ياحبيبتي في إي.! حد كلمك.!
هزت راسها بنفي وقالت بحزن واضح في صوتها قبل عينها
.صعبان عليا مرمطتك يابنتي صعبان عليا بعد مكنتي عايشه في مستوى عالى نعمل فيكي كدا.
. ياحبيبتي أنا مشتكتش وبعدين بابا شايلني على راسو كل الأيام دي مش هقدر بس كام يوم اخدمو بعنيا
. كبرتي أمته ياوعد.!
. إمبارح لاقيت نفسي فاضيه شويه قلت يالا بقى أكبر.
ضحكت وخبطتني على دراعي وضحكت وقالت
. نفسي أعرف جيبا لسانك دا منين حقيقي كل الي كانو حواليكي بابي ومامي انتي الوحيده الي كنتي بتفتحي صوتك دا بابااااااه.
. يا زوز بابي ومامي دي للعيال التوتو إنما إحنا بابا وماما وكدا يعني.
ابتسمت وهزت راسها بقلة حيله بعدت عنها شويه وقلت بصوت واطي
. عمو سعيد رجع مصر.
اتلفتت للأوضه وبعدها بصتلي
. عرفت باباكي مش راضي يرد على التليفون خالص أنا رديت عليه من شويه من غير ميعرف قالي إنو نزل مصر.
. أنتي عارفه مش عايز يبان قدام صحبه بصوره وحشه الحاجة الي لبسوها لبابا كانت صډمه ليه اضطر يدفع كل ما يملك علشان يتخلص من كل دا.
. بس عمو سعيد عمرو ميفكر كدا.
. عارفه يابنتي انتي فهما أعصاب بابا تعبانه شويه.
.عمو سعيد عزمني على حفله النهارده في بيته وقالي محتاج يتكلم معايا شويه في الأمور الي حصلت.
. قلت كدا كمان.
. بس هتروحي لوحدك.
. إي ياماما محسساني إني هروح لحد غريب دا عمو سعيد مربيني وطنط كمان.
. عارفه يابنتي بس الناس يعني..
. فهما قصدك متقلقيش هعمل حسابي اصلا الحفله تنكريه وفهمت ليه عملها كدا علشان محدش يشوفني ويحرجني بأي كلمه.
اتنهدت وفهمت طول عمرو معمل اي حفله تنكريه ودايما بيتريق على الي بيعملو كدا بس كل مره غير المرادي تنكريه علشان أخد راحتي وأروح هناك الليل جه ولبست فستان سيمبل بسيط أسود بيتربط من الجنبين بمشد بأكمام طويله لبست هيلز أحمر ووشاح حوالين وشي أسود سيبت شعري على ظهري بتموجات وقصه أميرة يحيى على جبيني خدت شنطتي وسلمت على ماما ونزلت خدت تاكسي لحد باب الفيلا والأمن لما عرفو أنا مين دخلوني علطول اتنفست بعمق ودخلت بدور بعيني على الموجودين بدور عليه لحد ملمحته مشيت بخطوات هاديه بثبات لحد عندو اتكلمت بنبره راقيه تختلف عن الي بتكلم بيها في الشغل
. اونكل سعيد.
اتلفت
