جواد وحور مريم حسن
بسمة
دا بيحبك من لما شافك أول مرة بس علي سبقه وخطبك ومترددش إنه يتقدملك لما فركشتي
هو عشان ابن عمتك يبقى تزهقيني
أنتي غبية يا حور وجواد بيحبك أوي وهتندمي بعدين لو مفوقتيش
ياختي حبيه أنتي طالما هو جامد كدا ومفيش منه اتنين
ياريت بس هو بيحبك أنتي قلبه ملكك أنتي أنتي وبس فكري كويس يا حور
وأنتي عيونك أهي معترفة
مهما يا روحي تخبي
إحنا قلوبنا شايفة وعارفة
واجهي الأمر بحكمة
وانطقي يلا
الكلمة وقولي
أه أه فعلا أه
أخيرا حنيتي عليا ورديتي يا حور
عايزة أقابلك ضروري يا جواد على الكورنيش
طيب خمسة وجاي
بصيت قدامي بتأمل الناس اللي بتمشي والأطفال اللي بتلعب والبياعين بصيت جنبي لما حسيت بيه كان لابس تيشرت أزرق وبنطلون رمادي وعليهم جاكيت فعرفت إنه جيه بدون ما يغير هدومه بسرعة فقلبي وجعني أكتر
شاورتله يقعد وخدت نفس وقررت أدخل في الموضوع على طول
أنا مبحبكش يا جواد بس صدقني المشكلة مش من عندك المشكلة من عندي أنا أنا مبقتش بحب علي خالص بس بقيت مهزوزة بسببه وبسأل نفسي كتير أنا عملت إيه غلط طب هي قدمتله إيه أنا مقدمتلوش أنا أنا بهرب من نفسي عشان محبكش ومتوجتش تاني وأنا بعفيك مني لو مش عايز تكمل معايا و
هششش أنا هفضل معاكي أنا بحبك وحبي يكفينا إحنا الإتنين بس أنا عايزك تحاولي معايا مش عايز أكون الشخص اللي بيدي بس
عيطت أكتر
أنت إيه اللي جابرك تكمل معايا
اتنهد وبصلي بابتسامة مليانة غلب
قلبي
كلام أحلام لا مش هنطق لا لا
هو دا الحب
بسمتك بتقول عشقاه
هيمانة فيه بتحبيه ورايداه
صباح الجمال على قلبك
الساعة سبعة يا جواد وإنهاردة إجازة حرام عليك سبني أنام
ولا كلمة زيادة اجهزي عشان هفسحك إنهاردة لحد ما تقولي توبت
قفل في وشي قبل ما أرد بصيت للتيلفون شوية وضحكت يعني أدعيله عشان هيخرجني ولا أدعي عليه عشان مصحيني دلوقتي
خلصتي ألبس إيه بردو
وهي البلوزة البيضا والبنطلون البوي فريند قصروا معاكي في حاجة
خلاص هلبسهم
أنتي رايحة فين دلوقتي
جواد اتصل وقال إنه هيفسحني اليوم كله
لا أنتي تلطصي وشك بكريم مرطب لحد ما أجيلك وأختارلك حاجة تخلي الواد ميشيلش عينه من عليكي
خمس دقايق وكانت بسمة في أوضتي ومعاها عدة الشغل وبعد مناقشات كتير ملهاش فايدة لبست فستان بسيط وردي وعليه طرحة بيضا
ربنا يحفظك من عين الحاسدين
أوعي يا حجة بقالي سنة بجهز وزمان جواد خلل تحت
أوعى يا عم البت وقعت ومحدش سمى عليها
مردتش عليها معرفش ليه بس مردتش
لا دا إحنا نلغي خروجة إنهاردة ونتجوز أحسن
جواد
اسمي طالع منك زي السكر
ضحكت وروحت أركب العربية لقيته فتحلي الباب كالعادة
خدي يا ستي الآيس كريم بتاعك
مسكت كم الجاكيت بتاعه
جواد يلا نمشي من هنا
ليه في حاجة
مفيش بس ممكن نمشي
بصيت جنبي بضيق فجواد خد باله ولقى شاب بيبصلي بنظرات مقرفة فاتعصب وقبل ما أتكلم كان مسك فيه واتخانقوا
بطلي عياط يا حور
لما تبطل زعيق يا جواد
أنا مبزعقش
لا بتزعق أهو بتزعقلي وأنا مش غلطانة وعملت خناقة كبيرة
يعني كنتي عايزاني أسكت وأنا شايفه
