اوتار القلوب

أكيد ناقصها حاجة !
.... بقلم هناسلامه.
بيلا كانت قاعدة حاطة رجل على رجل على الكرسي الخشبي إلي بيتهز بيها وهي بتلف خصلات شعرها على صابعها بمنتهى الإنوثة ... وآسر نايم على الأرض قدامها ووشه أصفر من التعب والإرهاق وقلة الأكل 
قربت منه وباسته من خده وهي بتطبطب عليه فتح عيونه وبص لها بغيظ وإتنهد .. ف حطت شعرها على جنب واحد وقالت بإبتسامة أكيد وحشك أكلي .. ووشك يا روحي أصفر خالص هعملك بيكاتا بالماشروم تاكل صوابعك وراها .. ومتخفش مش هحط شطة عشان أنت مش بتحبها .. وناكل سوا بقى ونتفرج على فيلم ونقضي وقت جميل زي أول جوازنا يا قلبي .. 

غمض آسر عينه وتجاهل كلامها وقال بضيق أنا لو ھموت من الجوع مش هاكل منك ولا من إيدك حاجة .. 
بيلا بطاعة حاضر .. هقلل الملح .. أي طلب تاني 
نهت حديثها بإبتسامة باردة ف بص لها بغيظ وبعد وشها عنه .. ف نزلت المطبخ وفتحت التلاجة طلعت كريمة وفراخ وزبدة .. 
حطت الزبدة على الڼار ونزلت الماشروم عليهم .. فتناغم الماشروم مع الزبدة وهي بتفتكر تناغم معزوفتها مع معزوفته في الأوبرا
آسر بتصقيف هااايل .. مستحيل تكوني لسة مبتدئة في عزف الكمانجة 
إبتسمت بفرحة وهي حاسة إنها مراهقة أول مرة تعجب بحد بالطريقة دي .. ف قالت بسعادة وهي حاسة إن في فراشات بتطير في بطنها بجد أنا مبسوطة أوي بكلامك دة .. المهم ميكونش مجاملة 
قفل الكاڤر بتاع الكمانجة بتاعته وقال بإبتسامة لا طبعا .. أنا مبعرفش أجامل .. حتى لو بنت زي القمر كدة واقفة قدامي زيك .. عمري ما هعرف أجاملها 
إبتسمت أكتر وقالت هصدقك رغم إن شكلك بكاش
قرب وأخد شنطة الكمانجة بتاعتها وقال بإبتسامة واسعة سحارتها لا طبعا أنا مش بكذب عليك .. صحيح أنت إسمك إية 
إتوترت فجأة وبلعت ريقها وقالت جواها مالك يا دكتورة .. ما تقولي إسمك .. ما هو دكتور زيك وأكيد هيعرف إسمك من الجامعة .. بس .. بس أنا إسمي مش هيعجبه أكيد ! 
ونطقت فجأة بدون تفكير لما لقت بوستر مكتوب عليه المعزوفة الإيطالية  
قالت بإبتسامة حبست توتر رهيب بين فكيها بيلا .. إسمي بيلا 
فجأة حط إيده على كتفها ف بعدت وقالت بكسوف أنا مبحبش كدة يا آسر ! 
آسر بغمزة شكلك هتتعبيني .. بس براحتك .. إية رأيك أعزمك على بيكاتا في مطعم رائع .. أنت بيتك فين 
إتوترت أكتر وقالت بتنهيدة في أكتوبر 
آسر يا محاسن الصدف .. يبقى أكيد تعرفي المطعم دة .. كل بتوع أكتوبر يعرفوه ..
بيلا بتوتر يمكن .. 
آسر بحماس طيب يلا بينا ..
بقلم هناسلامه.
رجعت من ذكرياتها وهي بتغرف طبق البيكاتا إلي هي عملته وإبتسامتها بتختفي تدريجيا ومسكت برطمان الشطة وحطت 6 معالق وهي سرحانة و مسكت الملاحة ورشت ملح خشن بكمية كبيرة على الطبق .. 
بعدين مسكته وأخدت معلقة وطلعت على الأوضة لقت آسر قاعد على الكرسي ف قعدت على الكرسي إلي قدامه وإبتسمت بخبث يلا يا قلبي .. ومع كل معلقة تدوقها تمدح الطبق بكلمة مختلفة .. 
ملت المعلقة بالشطة وحتة فراخ صغيرة ومسكت فكه بين إيدها وفتحت بوقه بالڠصب وهو بيرفض وبيبعد .. بس نجحت وحطيته في بوقه .. ف بص لها پصدمة ووشه بقى أحمر زي الډم .. 
ف جيه يرمي إلي في بوقه في الباسكت برقت له وقالت بأمر كل !! إبلع ! وقول تحفة ! 
بلع ڠصب عنه وقال پخوف وعيون مدمعة من كتر الشطة والحرارة إلي إقتحمت جوفه ت تحفة !
كانت وتر حاطة راسها على رجل فخر وهي بتحكي بدموع مش عارفة .. كل إلي أعرفه إن من وأنا في اللفة دخلت قصر بابا سليمان و .. 
عيطت فجأة ف عدالها فخر ومسك وشها بحنان بين إيده وقال بإبتسامة مکسورة لو مش قادرة تحكي مش لازم .. بس لو الكلام هيريحك إحكي 
وتر بتنهيدة وهي بتمسح دموعها هحكي 
ضمھا فخر لصدره ف قالت وهي بتمسك إيده بابا سليمان كان بيحبني أوي .. بس يسرا هانم كانت بتهتم بيا وبتحبني لحد ما شجن نورت حياتها .. بس بابا سليمان كان بيحبني أكتر منها وبيعاملني أحسن منها كمان .. بس يسرا بقى أهملتني وعاملتني إني خدامة عندها .. وبعد مۏت بابا سليمان بقت شجن هي الكل في الكل وبقت نسخة من يسرا هانم .. في أنعراها وتكبرها ومناخيرها إلي في السماء حتى دادة نعيمة بيعملوها هي ودكتورة سميحة بنتها إنهم عبيد عندهم .. وأنا كذلك .. 
لحد ما أنا كبرت ودادة نعيمة كانت بتهتم بيا وبتعلمني كل حاجة كويسة من طيبة قلبها .. بس في يوم إتخنقت مع يسرا هانم ف قالتلي إني مش بنتها وإني بنت ملجأ .. ساعتها شجن إحتقرتني أكتر وكرهتني أكتر بكتير من الأول .. أما أنا بقى كنت بطلع ڠضبي في البوكس وفي الكمانجة .. الملاكمة كانت بتحسسني إني قوية .. والكمانجة في الأوبرا كانت بتحسسني بأنوثتي وإني بنت جميلة لسة مليانة عاطفة وحاجات جميلة .. مش مجرد ملاكمة ! و.. 
فجأة لقت رأس فخر تقلت على كتفها عرفت إنه نام ف إبتسمت وعدلته على الكنبة وتأملت ملامحه وهي بتقول بعشق دة أنا كنت لسة هحكيلك قصتي مع حبيبي .. قصتي معاك ! 
إتنهدت وقامت جابت غطاء من فوق وغطته بيه كويس وطلعت نامت على السرير فوق .. ولحسن الحظ الأوضة كانت محتفظة بريحة عطره في كل ركن !
...... بقلم هناسلامه
يسرا بعصبية أنت يا زفتة يا نعيمة !! 
كانت يسرا واقفة في نص القصر ف جت نعيمة جري وقالت پخوف نعم يا ست الهانم .. في حاجة 
يسرا بعصبية النجف مش متلمع كويس 
نعيمة بتنهيدة ما هو الجلانس خلص ف بعت الجنايني يجيب 
يسرا بغيظ ومتروحيش أنت لية 
نعيمة بإحترام كان عندي مواعين في الحوض لسة معملتهاش 
سحبتها يسرا من إيدها على المطبخ ودخلت بصت على الأطباق إلي كانت نضيفة ورمتهم في الأرض إتفضلي .. تلميهم وتنزلي تشتري بدالهم بقى .. عشان تردي عليا بعد كدة يا حيوانة ! 
نعيمة بعصبية لا كدة كتير ! أنا كرامتي بتتهان كدة يا يسرا هانم .. يوم تعامليني كويس وعشرة تهينيني وتبستفي كرامتي !! 
يسرا ببرود مخلوط بتكبر تمام .. إطلعي برة بيتي يا جربوعة يا أم كرامة ! 
برقت نعيمة پصدمة وحطت إيدها في وسطها وقالت بنبرة كيد أنا صا ............... و........... 
يسرا پصدمة وعيونها جحظت من صعقتها نعم !! أنت بتقولي إية
البارت الثامن 
نعيمة بفخر أنا صاحبة البيت دة .. أنا مرات سليمان يا سوسو 
يسرا پصدمة سوسو ! مرات سليمان !! بتخرفي بتقولي إية 
نعيمة حطت إيدها في وسطها وقالت بإبتسامة باردة وهي بتهز رجلها للآسف بقى .. شوفتي الدنيا أنا وأنت هنا واحد .. رأسي برأسك يا عسل .. من النهاردة أنا وبنتي سميحة وبنت الملجأ إلي كنت بتهمليها .. وتر دي هتفضل بنتي إلي مخلفتهاش .. هكتب
لها من نصيبي زيادة على نصيبها في البيت دة يا سوسو .. البت دي بنت ملجأ زي ما أنا كنت في يوم من الأيام بنت ملجأ .. عشان كدة حبيتها من كل قلبي يا سوسو .. 
يسرا من بين سنانها
وهي بترمي الشال الفرو بتاعها متقوليش يا سوسو دي !! 
فتحت سميحة باب الڤيلا ودخلت كانت ماسكة البلطو الأبيض على دراعها وشنطتها .. ف بصت لها يسرا بغل وحقد ف قالت سميحة بتوتر والله يا هانم كان عندي شغل كتير في المستشفى ف إتأخرت و... 
نعيمة قاطعتها بجمود وقالت لا يا قلب أمك .. خلاص .. معتش فيه آسفة .. معتش فيه إتأخرت .. معتش فيه الكلام دة .. دلوقتي إحنا صحاب البيت زيها زينا ! أنت بنت سليمان يا سميحة ! أنت سميحة سليمان ! 
بصت لها سميحة پصدمة ودموع وقالت نعم !! أنا .. أنا بنت سليمان باشا 
....
صحت وتر الصبح من النوم ونزلت لقت فخر قاعد ماسك اللاب توب بتاعه أول ما شافها إبتسم وقفل اللاب ف إتنهدت هي وقالت صباح الخير 
فخر صباح النور 
وتر بتوتر إحنا لازم ننزل القاهرة .. أنا عندي تمرين واحد بس أخير عشان البطولة بتاعتي 
فخر بإبتسامة وهو قايم وبيلم حاجته إلي على الكنبة تمام يلا بينا .. الدعم وصل وبيأمن الڤيلا بتاعتنا 
وتر بادلته الإبتسامة وقالت تمام 
طلعت كام سلمة ف قال فخر فجأة وتر !
إلتفتت وتر وقالت بإستغراب نعم 
فخر أخد نفس عميق وقال بإبتسامة لا تدل على الخير أبدا بل مفعمة بإنتقام وشړ نابع من ضلوع قلبه تعرفي مين إلي كان مع شجن في الڤيديو
وتر نزلت من على السلم وقعدت جمبه على الكنبة وقالت بثقة أيوة طبعا .. دة آسر هارون .. من الناس الشاطرة أوي في عزف الكمانجة .. وعنده شركة آلات موسيقية وعنده باند في بار في المهندسين .. وعنده كمان صفحة فيس بوك بيعزف عليها إسمها آسر ميوزيك .. 
فخر مسك اللاب وعمل سيرش عن الصفحة لقاها إتقفلت بتاريخ 20 5 
فخر بإستغراب غريبة .. الصفحة إتقفلت يوم الفرح بتاعي أنا و.. 
وكالعادة مقدرش ينطق إسمها ف تفهمت وتر الأمر وقالت بتفكير ودة معناه إية 
فخر بفضول هو حضر آخر تدريبات في الأوبرا ولا لا 
وتر وعيونها بتوسع پصدمة لأ ! دة محضرش من أول تدريب لينا في الدورة الجديدة .. من يوم 23 5 
فخر قام وقف وطلع من الشالية ووقف قدام البحر ف راحت وتر وراه .. ف قال فخر بتنهيدة عندكم كاميرات في الڤيلا أكيد .. 
وتر بتأكيد طبعا .. 
فخر أخد نفس عميق وقال بثقة شجن في إحتمالية إنها تكون مخطو فة .. مهربتش .. بس في الحالتين الموضوع مرتبط بآسر 
وتر بفهم وهي بتربع إيدها تقصد إن في الحالتين آسر عشيقها .. وهي إختفت يوم فرحها .. معنى كدة إنها ممكن تكون هربت معاه .. أو إنه إلي خطڤها .. نسبتا إن الإتنين إختفوا في نفس اليوم .. صح 
فخر إبتسم لها وغمز ذكية يا وتر .. دماغك من ألماظ
وتر ضحكت وبصت قدامها من كسوفها .. أو يمكن من خۏفها .. خۏفها من الوقوع في حب إبتسامته أكتر من كدة ..
وطلعت جهزت الشنط ولبست سالوبيت مريح وفخر لبس طقم كاچوال وفخر حط الشنط في شنطة العربية وركبوا سوا وأخدوا قهوتهم ..
كانت وتر بتشرب رشفة من القهوة والهواء بيطير خصل شعرها وهي مستمتع بطعمها والنظر لعيون
فخر إلي لونها زي لون القهوة تمام .. كان يباع هادي بس هو جواه شخص بيتآلم .. عاوز