قصة مشوقة

بابا ارجوك متعملش فيا كده متسلمنيش ليه! دا انسان انا معرفهوش! ليه اتحمل نتيجة غلطك ارجوك مترمنيش ليه! انا بسمع عن الانسان ده حاجات مش كويسة ابدا انت ليه بتعمل كده انا ذنبي ايه لو سمحت خليني هنا! اعمل فيا اي حاجة بس متبعنيش ليه ارجوك
قالت عشق الكلمات دي وهي بتترجي ابوها بعيون منفوخة من كتر البكاء وهي راكعه قدامه و ماسكه ايده تترجاه عشان ميدفعهاش نتيجة اخطائه هو!

بص ليها ابوها ناصر و رد ببرود انتي عايزاني اعمل ايه اسيبه يحبسني انتي عايزة كده!
عشق بحزن لا طبعا مش عايزة حضرتك تتحبس بس يا بابا انا مش عايزة اتجوز الشخص ده ارجوك انا معرفهوش اساسا ولا عمري شفته! طب اشمعني انا اللي عايزة تجوزني ليه! مع ان مايا اكبر مني! ليه انا!! دا حتي انا لسه مخلصتش جامعتي!!
وكملت بتوسل اكتر ارجوك يابابا انا هعمل اي حاجة بس ارجوك بلاشثم اننا ممكن نبيع القصر دا وتدفع الديون اللي عليك
ناصر بعصيبة شديدة سحب ايدة من بين ايديها انتي هتفضلي غبية كده لحد امتي بقي القصر ده هيسدد الديون اللي عليا انتي عارفة انا عليا كام عاررفة ولاااا لا انطقي!! انا هقولك عليا 100مليون عارفة يعني ايه 100مليون ثم ايه الانانية اللي انتي فيها دي عندك استعداد تضحي بيها انما بنفسك لااا ايه الجحود اللي انتي فيه ده وبعدين متنسيش انها مش بنتي دي بنت مراتي من بكره هيتم جوازك جهزي نفسك دا اخر كلام عندي وكفاية الدراما اللي انتي عملاها دي صدعتيني ياشيخة
قال كلامه بمنتهي القسۏة من غير رحمة او حتي شفقة وسابها ببساطة وخرج ولا كانها بنته وحته منه ازاي في اب يتخلي عن بنته بالطريقة دي!! دا اللي عشق فكرت فيه قبل ما ټنهار وتقع علي الارض
في مليون سؤال ومش لاقيه اجابه عليه! ابوها بيضحي بيها كده ليه! ضحكت بتريقه من بين دموعها ابوها بيكرها من وقت ماتولدت امها ماټت بعد ما ولدتها بيتهم مفهوش اي صورة لامها عمرها ماشافتها دايما بتستغرب ليه مفيش اي ذكرى لامها ليه ابوها كان بيضربها لما تسال عنها!! كانت زي اي طفلة من حقها تسال عن امها لسه فكره اليوم اللي ابوها دخل فيه القصر ومعاه ناريمان مراته او بمعني اصح الساحرة الشريرة زي ماهي مسمياها وقتها كانت فرحانه جدا اخيرا هيكون عندها ام زي صحابها بس للاسف ناريمان ابعد ماتكون عن الام قد ايه هي وبنتها مايا كانوا بيضربوها وياخدوا هدومها ويقطعوا كتابها ويروحوا يشتكوا لابوها انها بتقل ادبها عليهم ف يضربها كانت بس بتتمني تعيش بين اب وام واخوات تحبهم ويحبوها هو دا كتير عليها!! كبرت بين ابوها ومراته وبنتها شافت معاهم الويل وعمرها ما اشتكت ابدا لانها كانت بتتمني يحبوها هي مش بتحب المشاكل بتحاول تبعد عن اي كلمة تجرحها نفسها ابوها في يوم يحبها يمكن عشان كده مش بترد على اهانه مرات ابوها وبنتها!! يمكن بتذاكر وتنجح وتطلع من الاوائل بس عشان تشرف ابوها ويفتخر بيها ف يحبها!! ابوها دايما بيعامل مراته وبنتها زي الاميرات مع ان مايا بنت نريمان من جوزها الاولاني يعني مش بنته ليه بيحبها اكتر منها! ليه بيكرها هي عملت ايه!! مين هيساعدها دلوقتي معندهاش قرايب لمعت عينيها وهي بتفتكر حبيبها ايوه حبيبها اللي اعترفلها بحبه ليها فأول سنة ليها في الجامعة وقالها انه هيتقدم ليها بعد ماينهي دراستة قامت بسرعة ولهفه تدور علي تليفونها ايوه حبيبها هينقذها زي ما بتقرأ في الروايات لقت تليفونها على السرير اخدته بلهفه واتصلت عليه
عشق بنبرة باكية سيف
وفي قصر الشبح زي ما بيقولوا علي صاحبه كان قاعد في مكتبة بهيبته وقوته اللي بېخاف منها الكل بوسامته اللي بتخلي الستات ټموت فيه ويكونوا رهن اشارته
كان قاعد وواقف جانبه صاحبه و دراعه اليمين علي
صخر كل تجهيزات الفرح جاهزة ياعلي
علي كل حاجة جاهزة زي ما انت عايز ياصخر
صخر أتأكد ان كله
تمام مش عايز ولا غلطة متنساش ان دي اول مره هظهر قدام الاعلام والصحافة حتى رجال الاعمال اي غلطة هتحصل انت المسؤل قدامي
علي متقلقش ياريس اتاكد ان كل حاجة هتكون تمام
صخر راحت جامعتها انهارده
علي لا ناصر عمران انهارده بلغها علي الاتفاق وان بكره هتتجوز كل حاجة ماشيه زي ما انت عايز بس الولد اللي اسمه ااا
قاطعه صخر بعصبية شديدةخلااااص فهمت كل حاجة هتنتهي انهارده حتي هو سكت ثواني وكمل خلاص ياعلي روح ظبط كل حاجة مش عايز غلطة
علي تمام ياصاحبي سلام
خرج علي من المكتب صخر سند ضهره علي الكرسي وغمض عينه وهمس بنبره متملكه بكره واخيراا هنتقابل هتدخلي
سجني
ومستحيل تخرجي منه ابداا
عشق بنبرة باكية سييف
سيف بقلق عشق مالك ياحبيبتي
عشق بتوسل سيف الحقني ارجوك بابا عايز يجوزني ڠصب عني ارجوك اتصرف!
سيف اتصرف اعمل اايه يعني!
عشق تيجي تتجوزني مش انت بتحبني!
سيف بخبث طبعا بحبك و بحبك اوووي كمان بس انتي عارفة اني لسه بدرس وبابا مش هيوافق اني اتجوز وانا لسه متخرجتش ف مش هينفع اتجوزك حتي لو ابوكي وافق
عشق مش هينفع ليه مش فاهمة!
سيف بخبث عشق انا عايز اقابلك حالا وهقولك علي فكرة تخلي اللي عاوز يتجوزك يرفضك بنفسه
عشق بتعجب يرفضني! طب ماتقول على الفون انا مش هعرف اخرج دلوقتي
سيف بمكر عشق حبيبتي مش انتي بتحبيني ومش عايزة تتجوزي غيري
عشق ببرأة أيوة مش عايزة
سيف يبقي تتصرفي وتطلعي من عندك وتيجي تقابليني باي طريقة
عشق اوك هتصرف باي
سيف باي ياقلبي
قفلت عشق مع سيف وبينها وبين نفسها هتعملي ايه ياعشق هتتصرفي ازاي دلوقتي لازم تشوفي سيف عشان يخرجك من المصېبة اللي انتي فيها دي بس لو الساحرة الشريرة جت ومش لقتني نايمة في سريري هتسود عيشتي اكتر ماهي مسوداها اااه ياربي
ثواني وكملت بفرحة اهااا لقيتها انا هحط مخده بدالي على السرير وهخرج من باب الجنينة وهرجع بسرعة بجد بجد انا ذكية جدا ههههه من كتر ذكائي بكلم نفسي
راحت حطت المخده على السرير وكانها هي اللي نايمة وخرجت بسرعة من اوضتها وهي ماسكه بأديها حذائها عشان متعملش اي صوت عشان محدش يحس بيها نزلت السلالم بخفة وصلت للصالون شافت الكل مجتمع ابوها ومراته وبنتها
مشيت برااحة لحد ماوصلت للمطبخ ومنه لباب الجنينة لبست حذائها وجريت لحد ما طلعت بره القصر و اتصلت بسيف اللي كان مستنيها علي ناار
عشق سيف انا عرفت اطلع من القصر هقبلك فين!
سيف بسعادة برافوو عليكي تعاليلي
فأوتيل
عشق بتوتر بس الاوتيل دا بعيد خلينا في مكان قريب احسن
سيف بمكر حبيبتي متقلقيش انا لايمكن ااذيكي احنا هنقعد في المطعم بتاع الاوتيل مش اكتر مش انتي بتثقي فيا
عشق بتلعثم اااه ااه ب بثق فيك
سيف تمام هستناكي
عشق باي
قفلت عشق مع سيف وفكرت بتوتر ياربي اعمل ايه مش عارفة قلبي مقبوض ومش عايزة اروح بس لازم اروح عايزة اخلص من المصېبة اللي بابا عايز يرميني فيها دي
وقفت تاكسي عشان تروح ل الاوتيل وماخدتش بالها من العيون اللي بتراقب كل تحركاتها
فى قصر ناصر عمران والد عشق
كانت ناريمان مراته قاعدة وجانبها مايا بنتها ومعاهم ناصر
ناريمان پشماتة افهم من كده انه بكره هيكتب الكتاب وياخد عشق ونخلص منها اخيرا
ناصر بلا مبالاة اها بس هو مش هيجي هنا بنفسه كتب الكتاب هيكون ف قصرة
علي الضيق يعني القريبين منه بس هما اللي هيحضروا كتب الكتاب والفرح هيعمله بعد اسبوع تقريبا انتي عارفة ان لحد دلوقتي مظهرش في اي مؤتمر صحفي عمرك ما تلاقي صورة ليه في اي مجله مع انه ظهر في مجال البزنس من 3سنين بس!! رغم كده انه بقي اهم رجل اعمال في البلد مفيش اي شغل هو مش مشترك فيه وفي أي مجال سواء صناعة او تجارة وكافة شيء
كمل بحيرة بس مش عارف ليه عايز يتجوز عشق بالذات يعني ليه مقلش علي مايا وشاف عشق فين اصلا!! انتي عارفة انها من الكلية علي البيت ومن
البيت ع الكلية
ناريمان بسخرية هو انت مش واخد بالك يا ناصر انك معندكش الا عشق وان مايا دي بنتي من جوزي الاولاني ف اكيد مفيش قدامه الا اللعبه بنتك رغم انك عارف ومتاكد انها اا
قاطعها ناصر بعصبية ناريمان قولتلك 100مرة الموضوع ده ميتفتحش تاني لا قصادي ولا حتي بينك وبين نفسك ودي اخر مره احذرك فيها المرة الجاية معرفش رده فعلي هتكون ازاي فاااااهمة
ناريمان بتوتر مفهوم انا مقصدش حاجة انا
قاطعها ناصر بسخريةوالا تقصدي الموضوع ده تنسيه تماما
مايا اهدي يا اونكل اكيد ماما متقصدش وبعدين من امتي حضرتك بتزعل لما ماما بتتكلم علي عشق ماهي متعودة علي كده وانت عادي هو في حاجة انا معرفهاش
ناصر بص ل ناريمان بصه رعبتها ف قاطعت بنتها بسرعة وتوتر لا طبعا حاجة ايه بس مفيش حاجة يا مايا ناصر بس متوتر وكملت بسخرية متنسيش ان بنته هتتجوز بكره
مايا بعدم اقتناع اوك
ناصر بتساول الا قوليلي يا ناريمان ليه معرضتيش مثلا انه يتجوز مايا مش معقول تخلي الفلوس دي كلها تضيع من اديكم وتروح لعشق ولا ايه
ناريمان بتكبر وهو انت مفكر انا ممكن اجوز بنتي لحد انا معرفوش وبعدين كفاية سمعته اللي سابقاه اللي يقول دا بتاع ستات واللي يقول أنه بيشتغل مع الماڤيا عشان كده وصل لقوته ونفوذه بالسرعة دي وبعدين مسألتش
نفسك هو
ليه مش بيظهر للناس مع انه المفروض شخصية عامة!! لا ليه صورة ولا انترفيو ولا اي حد يعرف شكله انت نفسك ماتعرفش شكله كل تعاملاتك مع شريكه ودراعة اليمين اللي اسمه علي ده اعتقد لأما هو راجل عجوز جداااا او فيه علة تمنعه يظهر للناس اصل هو فعلا زي ما الناس بتقول عليهشبح وانا بنتي الف واحد يتمناها وانا عايزة راجل ل بنتي مش شبح خلي عشق تشبع بيه هههههه
شاركها الضحك مايا و ناصر
ناصر عندك حق اكيد في عيب يمنعه يظهر كل رجال الاعمال الكبار قبل الصغيرين بيترعبوا منه حتي انا مع اننا لا نعرف شكله ولا حتي سنه لما بيحط
حد
في دماغة بيجيبة الارض اديكي شوفتي اللي حصل فيا دي عشق هتتنفخ هههههههه
ضحك معاه الكل واستمروا بحديثهم الساخر
وصلت عشق ل الاوتيل اللي سيف قالها عليه طلعت تليفونها واتصلت بيه
عشق الوو سيف انا وصلت
الاوتيل انت فين!
سيف بصي وراكي ياحبيبتي
عشق بصت وراها لقت سيف راحتله وسلمت عليه
سيف هاي
عشق هااي ورحمة الله وبركاتة
سيف وحشتيني
عشق بخجل شكرا
سيف ههههه شكرا دا اخرك! كتر خيرك ياشبة!
ابتسمت عشق بخجل ومردتش
سيف يلاا
ندخل هنقعد في مطعم الاوتيل
دخلت عشق مع سيف وهي قلقانه ومتوترة خاېفة!! هي حاسه ان فيه مصېبه هتحصل بس بتحاول تطمن قلبها وان كل حاجة هتكون كويسة طول ماهي مع حبيبها!!
دخلوا المطعم وقعدوا
عشق بتوتر هاا ايه هي الفكره اللي عندك
سيف ايه يابنتي انتي مستعجله علي ايه! تشربي ايه الاول
عشق شكرا بس مش عايزة حاجة
سيف اصر يجبلها حاجة تشربها وقام بنفسه وجبلها عصير وقدمهولها عشق قدام اصراره شربت
عشق ها شربت العصير ايه بقي فكرتك
سيف نتجوز
عشق ابتسمت بسعادة وحست انها طايرة بس فرحتها والابتسامة اللي ملت وشها اختفت اول ماسيف كمل كلامة
سيف بهدوء عرفي نتجوز عرفي
عند صخر تليفونة رن كان علي
صخر ببرود ايوه ياعلي خير
علي
صخر هكون فين يعني ما انت عارف عندي شغل
علي
صخر بطل تحسسني انك امي انا مش صغير ياعلي وعارف انا بعمل ايه كويس
علي
صخر بجمود هانت ياعلي وكل حاجة هتنتهي ومترنش عليا تاني عشان اتخنقت منك ومن غير سلام
صخر قفل في وش علي وكمل اللي هو بيعملة
سيف بهدوء نتجوز عرفي
عشق مش مستوعبة ان اللي سمعته ده يكون صح اكيد سمعت غلط مش معقول يكون قالها كده!!!
عشق پصدمة انت بتقول ايه ااا انا تقريبا سمعت غلط ولا بيتهيئلي
سيف لا مسمعتيش غلط ولا حاجة انا بقولك نتجوز عرفي لانك عارفة ان بابا مستحيل يوافق اني اتجوز وانا لسه طالب وانا لسه مكونتش نفسي وظروفي متسمحليش افتح بيت دلوقتي ف مستحيل اتجوز حاليا! هو دا الحل الوحيد ياحبيبتي
عشق مش مستوعبه اي كلمه من اللي
هو بيقوله حاسه ان كل احلامها بتتدمر معقول سيف يكون شايفها رخيصة كده وانها ممكن تتجوز في السر!! وجواز عرفي!! مستحيل اكيد دا كابوس كابوس وهتصحى منه اكيد
قطع شوردها سيف
سيف بخبث قولتي ايه يااعشق صدقيني انا بحبك ومش عايزك تبعدي عني ودي الطريقة الوحيدة اللي هنقدر نوقف بيها جوازك منه
ردت عشق بسخرية واحتقار بجد!! طب لو انا وافقت وقولتلك اوك يالا ياحبيبي نتجوز عرفي وفي السر ف بعبقريتك كده هتمنع جوازي اللي هو بكره ازاي هتعمل ايه هتتصرف ازاي يا يا حبيبي
تجاهل سيف سخريتها هنكتب الورقة بتاريخ قديم ونطلع في الاوضة اللي انا حاجزها هنا في الفندق ونقضي وقت حلو مع بعض وبكره هروح ل ابوكي واخليه يشوف العقد وانك مراتي واكيد هو هيعمل اي حاجة عشان يلغي جوازك من الراجل اللي هو عايز يتجوزك دا عشان يداري علينا وميتفضحش ها ايه رايك!
عشق كانت مصډومة!! بجد مصډومة كان عندها امل انه يكون بيهزر او دا مقلب!! بس كل حاجة ادمرت في اللحظة دي حست اد ايه بتكرهه بجد بتكرهه عمرها ماكرهت حد في حياتها حتي مرات ابويا مكرهتهاش برغم كل اللي بتعمله معاها قد ايه كانت بتضربها وحتي بتمنعها من الاكل ازاي كانت بتشغالها خدامة في البيت اللي المفروض بيتها ازاي كانت بتحرمها انها تخرج وكانت بتحاول بكل الطريق تخلي ابوها يمنعها من التعليم قد ايه اهانتها واهانت والدتها الله يرحمها وقفت بهدوء وسيف كمان وقف وابتسم بنصر فكر انها وافقت بس اتفاجئ بعشق وهي بكل قوتها ضړبته قلم كل اللي في المطعم سمعوه من قوته
عشق بشمأزازانت احقر واندل انسان انا قابلته في حياتي مش عايزة اشوف وشك تاني ياحيوان انت
خلصت كلمها وطلعت تجري بره المطعم وبره الفندق كله دموعها نزلت ڠصب عنها مش متخيله ان حتي الشخص الوحيد اللي كانت مفكره انه بيحبها طلع حقېر بالشكل ده سمعت صوت خطوات وراها