سندريلا في بيتي الجزء الثاني

وارجوك بلاش تحطي روج تانى. بقلمى منى أحمد حافظ 
ابتعدت عنه آلاء تشعر بأنها لم تعد تفهم شئ وقبل أن تتجه للمرحاض تناهى الى سمعيهما صوت بسمة تقول
_لولو أنت هنا.
اتجه نبيل وفتح الباب لشقيقته فارتبكت بسمة وولجت للداخل ووقفت تنظر لصديقتها وقالت
_ممكن افهم أنت هنا ليه والناس تحت بتسأل عليكي دا حتى بابا قالي انه شافك وأنت نازلة وافتكر انك بترحبي بالناس وهو اللي بعتني ادور عليك لما لاقاك اختفيتي.

زفر نبيل بضيق وقال
_طيب انزلي قولي لبابا عشر دقايق وهننزل على ما ولاء تغير الفستان.
حملقت بسمة بوجه شقيقها ببلاهة وقالت دون وعي
_هو انت مأخدتش بالك الا من موديل الفستان والباقي عادي.
ضيق نبيل عيناه واقترب من شقيقته وقال
_قصدك ايه ماله الفستان على فكرة لونه حلو انا بحب اللون الاورنج ولا تكوني بتتكلمي عن شعرها اولا الشعر الكيرلى مش وحش بالعكس دا مديها هالة جميلة انها واحدة قوية وحرة وبعدين مش أي حد يليق عليه الشعر دا بصي يا بسمة لو أنت هتتعاملي مع ولاء على اساس المظهر فصدقيني انا همنعك انك تكلميها علشان متجرحيهاش تاني وبعدين الموضوع مش بالمظهر ابدا يا بسمة.
ازدادت حملقة بسمة البلهاء بشقيقها وبدلت نظراتها الى ولاء التي وقفت فراغة الفاه هي الاخرى أمام كلمات نبيل ولمعت عيناها بقوة وقالت لتطيح بأخر ذرة تعقل لديها
_طيب أنا ممكن البس بادي اسود اداري بيه كتافي يا نبيل وانزل.
ابتسم نبيل واتجه اليها وقال بهدوء
_حبيبتي اللي ترتاحي فيه اعمليه بس من غير ما جسمك يبان اتفقنا ومتنسيش روج لاء. الموناليزا 
أومأت ولاء وأسرعت للمرحاض بعدما سحبت فستان نبيل. اتجهت بسمة صوب شقيقها وقالت بفضول
_نبيل هو أنت بتحب لولو بجد.
اتسعت ابتسامة نبيل وقال
_تخيلي اني مش بحبها وبس انا انا بعشقها يا بسمة وبتمنى انها تحبني وتقبل ان جوازنا يبقى رسمي.
لم تستطع بسمة اجابته لمغادرة ولاء المرحاض مرتدية ذلك الفستان الذي ابتاعه نبيل خصيصا لها ومسحت عن وجهها كل اثر للزينة فاتسعت ابتسامة الرضى على وجه نبيل وأمسك بيد ولاء ويد شقيقته وغادر الغرفة يشعر بالزهو لانها امتثلت لطلبه ورجائه.
وبالاسفل انعزلت تولين عن الجميع وفرت احدى دمعاتها بعدما شعرت بمن خالتها عليها وهي تذكرها بانها من دفعت ثمن فستانها وتبرجها المتها بشدة نبرات التعالي التي حدثتها بها امام احدى النساء اسرعت تولين ومحت دمعتها وهي ترى ولاء تهبط السلم بصحبة نبيل واغمضت عيناها بحزن تتمنى لو كانت هي تلك التي تتأبط ذراعه وفتحت عيناها سريعا حين اتاها صوت بهير يقول
_حلوين مش كدا يا تولين ولاء ونبيل لاقين لبعض هي انسانة حبته بجد واتغير من غير ما يحس علشانها في ومين اصل اللي بيحب حد بجد بيتغير علشانه يا تولين وبيحاول يدي اكتر ما ياخد عموما اتمنى انك تلاقي الانسان دا واتمنى اكتر انك تشيلي نبيل من دماغك وتبعدي عنه لان ولاء حقيقي انسانة بجد ومتستحقش ان حد ېغدر بيها.
وابتعد بهير عنها واتجه الى شقيقه وأومأ برأسه لولاء التي اتسعت ابتسامتها له فضغط نبيل على يدها فنظرت له بدهشة فمال بفمه نحو اذنها وهمس قائلا
_كشري يا حبيبتي علشان لو ضحكتي تاني انا هجيبلك نقاب تغطي بيه وشك اللي بيضحك لوحده.
صاعقة غيرة اخرى وجهها نبيل نحوها فابتسمت بارتباك له وزفرت بحزن لكذبها المتواصل ذلك ورحب العديد من الضيوف بولاء التي وقفت بجانب نبيل بوجه خال من الزينة وفستان لا يظهر اي شئ من جسدها ونالت استحسان البعض وغيرة البعض لزواجها من نبيل ابتعد نبيل ليحادث احد الاشخاص فأقتربت بسمة من ولاء وقالت بصوت خفيض
_على فكرة أنت لازم تصارحي نبيل بكل حاجة علشان نبيل بيحبك بجد وأنا بدأت اخاڤ من اللي أنت بتعمليه وحقيقي مش عاوزة اخويا ينجرح ولا أنت كمان. 
ازدادت نبضات ولاء واحست بالخۏف لفقدان نبيل إن اكتشف من هي وجالت بعينيها تبحث عنه فلمحت تولين التي انزوت بعيدا عن الجميع تحدق بنبيل وشعرت بالغيرة تنهشها والتفتت نحو بسمة وقالت بندم
_اكيد هصارحه يا بسمة لاني بدأت فعلا احس بالخۏف انا كمان لاني مش حابة ابدا اخسر نبيل.
وابتعدت ولاء عن بسمة التى نادتها والدتها واتجهت صوب تولين ووقفت امامها وقالت
_واقفة لوحدك ليه يا بولين ما تيجي توقفي معايا انا وبسمة بدل ما أنت بتبصي على اللي مش ليكي.
غامت عينا تولين بالحزن وقالت بصوت صادق لامس قلب آلاء
_معاك حق هو مش ليا ولا هيكون ليا بعد ما شوفت عيونه وهو بيبص لك وأنت واقفة معاه بفستانك التاني كانت نظرات عاشق غيران علشان حبيبته لابسة عريان مشفش فيكي اي حاجة وحشة رغم انك اتعمدتي تباني وحشة زي ما تكوني بتمتحنيه وهو مش نجح وبس لا دا تفوق بحبه ليكي وغيرته عليكي عارفة يا ولاء حقيقي انا بحسدك على حب نبيل لان مش سهل ابدا نلاقي اللي يحب بصدق كدا