حب يحكمة المړض النفسي

إليها كريم و لم يعقب
فتحدثت هي قائلة بهدوء إنت بتحب جميلة...صح!
نظر إليها كريم في صدمة و حاول أن يستجمع كلماته قائلا ل..ليه..بتقولي كدا
قمر كريم أنا أختك و أكتر وحده فهماك...أنت من ساعة ما جميلة بطلت تيجي معانا الدار وأنت مبقتش بتبقي مبسوط.. حاسه إنك بتلعب و بتضحك آه..لكن الضحكة مش طالعة من قلبك..حاسه إنك مضايق و في حاجة نقصاك
كريم بتردد مش..مش عارف يا قمر...مش عارف حبيتها ازاي...مش عارف أنا أصلا حبيتها بجد و لا لأ
ثم تابع بس لما جميلة كانت بتيجي معانا الدار كنت بحس بفرحة كدا...بحس إني مبسوط....بحس إني مرتاح نفسيا ..أنا الحمد لله كنت بغض بصري عنها و مش بصلها بصة تغضب ربنا..بس مجرد إحساسي إنها جنبي و معايا في نفس المكان كان بيحسسني بفرحة و راحة...لما بطلت تيجي معانا بقيت حاسس إني في حاجة كبيرة ناقصة...في ضحكة وسط كل الضحك بتاع الأطفال ناقص...في حاجة مخليه فرحتي متكملش...مجرد إنها مش معايا كان محسسني بنقص كبير أووي أنا مش عارف....ازاي دا حصل..و أمتي حبيتها...مش عارف أصلا دا حب و لا لأ
رتبت جميلة علي كتفه قائلة لو مكنش دا حب هيكون أي يعني... أنت حبيتها يا كريم....بس أنت لازم تعرف حاجة مهمة.
نظر إليها كريم مستفهما 
فتابعت قائلة بص يا كريم...أنت أخويا...و هي صحبتي و أكتر من أختي كمان...و أكيد هكون أسعد بني آدمة في الدنيا لو إنتوا كنتوا لبعض...بس عيزاك تعرف حاجة مهمة أووي ....جميلة عانت كتير في حياتها....أمها ظلمتها و كانت قاسېة معاها في تربيتها...و أبوها اللي كانت متعلقة بيه جدا لدرجة كبيرة اټوفي و هي في ثانوي و بعدين هربت و اتشحططت من مكان لمكان لغاية لما جاتت هنا معايا تحملت مسؤوليه نفسها و هي في الجامعة و بقيت تشتغل وتصرف علي نفسها وحتي الآن هي اللي متحمله مسؤولية نفسها و بتصرف علي نفسها...كل اللي هي مرت بيه في حياتها دا سببلها مشاكل كتير في نفسيتها..من ضمنها إنها بقيت منعدمة الثقة في نفسها تماما... حساسة لأبسط الامور و ممكن أنت تعمل حاجة تضايقها بيها من غير قصد بس هي هتفسرها بشكل تاني خالص...و زي ما قوتلك لما جاتلها الصدمة العصبية بقيت لما تتوتر أو تتعصب أو تحصل مشكلة جامدة بقيت مش بتقدر تتكلم بشكل مضبوظ...جميلة بقيت شخص من غير روح علي الرغم إني بحاول بقدر الإمكان أطلعها من اللي هي فيه بس برضو لسه روحها مطفيه....لسه جسد من غير روح...مش قادرة تنسي اللي مرت بيه في حياتها و تتخطاه لغاية دلوقتي...كل اللي مرت بيه بقي ذكري سودة في حياتها مش قادرة تنساها 
تنهدت بعمق ثم تابعت قائلة اللي عايزة اقوله يا كريم أنه جميلة دلوقتي مش محتاجة زوج بس...جميلة محتاجة تكون لها كل حاجة...جميلة محتاجة زوج و أب و أخ و صديق و حبيب و دكتور نفسي كمان...جميلة محتاجة حد يرجع ليها الروح مرة تاني...محتاجة حد يقدر يستحملها ويستحمل حالتها...محتاجة حد يقدر يسمعها و يفهمها...محتاجة حد يشجعها ويحسسها بقيمتها و أنوثتها..حد يرجع لها ثقتها في نفسها اللي انعدمت... حد يحبها بجد من كل قلبه و يهتم بيها و بتفاصيلها أكتر من نفسه.. محتاجة حد يراعيها و يراعي مشاعرها كويس أوي و يحاول بقدر الإمكان يعوضها عن حاجات بسيطة من اللي اتحرمت منها جميلة محتاجة حاجات كتير أوووي يا كريم...لو أنت مش هتكون قد المسؤولية دي يبقي تسيبها للي يكون قدها و يقدر يعوضها بجد....جميلة هتكون مسؤولية كبيرة عليك...فكر كويس يا كريم.. فكر أنت هتكون قد المسؤولية دي و لا لأ...فكر هتقدر تعوضها عن كل اللي شافته في حياتها و لا لأ....الدكتور اللي كان متابع حالتها بعدما جتلها الصدمة العصبية قال أن جميلة نفسيتها وحشة جدا و أن محتاجة رعاية خاصة و إهتمام وأنا و ماما كنا بنحاول نعمل كدا علي قد ما نقدر...و قال كمان إنها مش حمل أي صدمات تاني من أي نوع و أي صدمة ممكن تتعرضلها هدخلها في حالة نفسية صعبة جدا....أنا قوتلك كل حاجة عنها...علشان لما تفكر... تفكر كويس في كل الجوانب..احسبها صح يا كريم.
قالت آخر كلماتها ثم ترجلت من السيارة تاركه إياه يتخبط في افكاره و لكنها كانت واثقة بأن كريم سوف يتخذ القرار الصحيح كما كانت واثقة أنه لن يتخلي عنها...أبدا
صعدت قمر إلي غرفة جميلة للإطمئنان عليها و قد علمت أنها عادت من العمل..طرقت علي باب غرفتها ثم دخلت فوجدتها شارده مثل ما هي فقررت أن تفعل معاها مثلما فعلت مع كريم
قمر ازيك يا جميلة
جميلة ازيك يا قمر.. إنتي رجعتي أمتي
قمر دلوقتي..و قلت ادخل اطمن عليكي
ابتسمت جميلة
فتابعت قمر قائلة برضو مش هتقوليلي ليه بطلتي تيجي معانا دار الأيتام
نظرت إليها جميلة و لم تعقب 
قمر بلؤم خلاص مدام مش عايزة تقولي في اي هقول أنا
نظرت إليها جميلة مستفهمة و قالت تقولي أي...مفيش حاجة أصلا
قمر بلؤم لأ فيه...في إنك مش بتروحي معانا علشان تبعدي عن كريم بأي شكل
قالت جميلة ببعض التردد و أنا..أنا هبعد عنه ليه يعني
قمر أقولك أنا يستي...علشان عقلك بدأ يقولك ابعدي أحسن ما تتصدمي...ابعدي علشان هوا استحاله هيبوصلك... ابعدي قبل ما تتعلقي بيه أكتر من كدا ف بقيتي بتحاولي تبعدي عن أي مكان متواجد فيه كريم
ثم تابعت وهي تنظر إليها علشان بتحبيه
ألجمت الصدمة لسان جميلة فلم تستطع أن تعقب بينما تابعت قمر قائلة ليه مفضفتيش معايا زي كل مره
دام الصمت لفترة حتي قطعته جميلة قائلة بهدوء علشان الموقف بقي حساس... علشان دا أخوكي
قمر قائلة و ليه كنتي فاكرة أنه مش هينفع يكون في حاجة ما بينكم
ابتسمت جميلة بسخرية قائلة علشان هي دي الحقيقة فعلا...ايه اللي يخلي واحد زي كريم قدامه بنات كتير أوووي و من عيلة و حسب ونسب يبص لوحده زي...اللي يخلي واحد زي كريم العوضي صاحب أكبر شركات في السعودية يتجوز وحده زي مقطوعة من شجرة ثم تابعت ببحة قائلة اي اللي يخلي واحد بيعشق الأطفال و بېموت فيها يتجوز وحده زي مش هتخلف
نظرت إليها قمر پصدمة مش هتخلفي...ازاي...إنتي عندك عيب أو عقم
جميلة لأ معنديش
ثم تابعت بمرارة بس أنا مش هخلف عيل يجي يتعذب و يشوف العڈاب اللي أنا شوفته...مش هخلف عيل يتمرمط زي مانا اتمرمطت
قمر بعصبية و إنتي خلاص حكمتي عليه أنه ھيتعذب...حكمتي عليه أنه يجي يعيش نفس الحياه اللي إنتي عيشتيها
جميلة هي كدا الحياة مفيش حد مرتاح فيها... هوا هيعيش نفس الظروف اللي أنا هيعيشها لكن بشكل تاني
قمر و قد فقدت صوابها لا إله إلا الله...إنتي مخك دا بيفكر ازاي....حرام عليكي تضيعي كريم من إيديك علشان شوية أوهام في دماغك
جميلة بسخرية أضيع كريم من إيدي!!! علي أساس أن كريم ممكن يفكر فيا أصلا
قمر بهدوء كريم في جواه نحيتك...هوا قالي كدا بنفسه...ها أي قولك بقي
نظرت إليها جميلة و قد ألجمت الصدمة لسانها جميلة إنتي..إنتي... بتقولي اي
قمر اللي سمعتيه... كريم بيحبك يا جميلة....خسارة إنك تضيعي من إيدك شاب زيه محترم و ناجح في شغله و طيب و حنين و إنتي بتحبيه و هو ا كمان بيحبك علشان شوية أوهام في دماغك
جميلة ببحه دي مش أوهام دي الحقيقة مفيش حد بيعيش في الدنيا دي مرتاح..و انا مش عايزة اجيب عيل يشوف اللي أنا شوفته في حياتي...دا غير أصلا إني مش مؤهله و مقدرش اتحمل مسؤولية زي كدا
قمر بعصبية جميلة إنتي بتفكري ازاي..دي سنة الحياة يا بنتي...سنة الحياة إنك تتجوزي و تخلفي...و ربنا كمان كرمك بشخص بتحبيه و هوا كمان بيحبك
جميلة و قد بدأت في البكاء بشدة محدش حاسس بيا و لا حاسس باللي جوايا
قمر و قد بدأت أن تلين و تهدأ قليلا..هي لم ترد أن تضغظ عليها حتي لا تسوء حالتها 
احتضتنتها قمر قائلة خلاص يا جميلة براحتك...اختاري اللي إنتي عايزاه و اعملي اللي بتحبيه...بس خليكي فاكرة إني مش معاكي في اللي بتعمليه دا
مراد قمر عندها حق..متتسرعش و فكر كويس قبل ما تآخد أي قرار
كريم بس أنا فعلا اتأكدت إني بحبها...أنا أول مرة أحس بمشاعر زي دي ناحية أي واحدة
مراد ضاحكا و الله و وقعت و لا حدش سمي عليك
كريم بحنق هوا دا وقت هزار يا مراد
مراد يا عم فكها كدا....إنت واضح إنك حبيتها جدا...ودا شئ عادي إنك تحب ...إنت بس كل المشكلة إنك تفهم طبيعتها و حالتها وتعرف تتعامل معاها ازاي..
صمتا قليلا حتي قطع الصمت صوت كريم قائلا بابتسامه بس البنت قمر دي طلع عليها حكمة...اللي يشوف جنانها ميشوفهاش و هي حكيمة كدا
شرد مراد قليلا عندما سمع اسمها هو لم ينكر أنه انجذب لها منذ أن رآها و لكن عليه أن يتمهل حتي يتأكد من حقيقة مشاعره تجاها و حتي ينتهي موضوع كريم و جميلة علي خير
كريم اي يا عم سرحت في اي
مراد بانتباه لا مفيش حاجة...يلا نروح بقي
اتصلت قمر بكريم لتبلغه بما قالته جميلة و اتفقا علي أن يتقابلا بعد إنتهاء العمل
كريم كويس أنك طلبتي نتقابل... أنا كنت عايز اقولك إني فكرت في كلامك كويس و اكتشفت إني برضو عايز جميلة... عايزاها بكل مشاكلها و بكل اللي هي فيه و قابلها و هستحملها و هكون قد المسؤوليه دي.... و إن شاء الله بما إن عمي هوا ولي أمرها حاليا أنا هفاتحه في الموضوع
نظرت جميلة إليه بحزن و لم تعقب 
كريم بقلق مالك يا قمر...ساكته ليه
قمر بتنهيده جميلة مش عايزة تخلف و رافضة موضوع الخلفة خالص
كريم پصدمة أي....ليه مش عايزة تخلف
قصت عليه قمر ما قالته لها جميلة
قمر هتعمل اي دلوقتي
كريم بتفكير أنا عايز اقابلها و اتكلم معاها
قمر و هتقعدوا لوحدكوا
كريم بسرعة لا طبعا...إنتي هتقعدي معانا بس بعيد شوية علشان اعرف اتكلم معاها
وافقت جميلة علي طلب كريم بعد ضغط كبير من قمر التي اقنعتها بمقابلته و لها حرية الإختيار بعد ذلك في القبول أو الرفض
كريم ازيك يا آنسة جميلة
جميلة بخجل الحمد..الحمد لله بخير
كريم بهدوء أنا عرفت وجه نظرك و سبب رفضك من قمر و حابب إنك تسمعي وجه نظري
نظرت إليه جميلة
فتابع قائلا أنا عارف إنك عيشتي حياة صعبة...و تقريبا عارف كل الظروف اللي انتي مريتي بيها..بس تعالي نفكر بالعقل...هل معني إنك عيشتي حياة صعبة...إن الطفل اللي هيجي هيعيش نفس الحياة دي..أكيد لأ...و بعدين المشاكل و الضغوط اللي بتواجهنا في الحياة...دا شئ طبيعي...لكن لو كل واحد واجهته مشاكل فكر